follow us:
ఈ మద్య ప్రతిరోజూ పదుల సంఖ్యల్లో రోడ్డు ప్రమాదాలు జరుగుతున్నాయి. ఎంతోమంది అమాయకులు ఈ ప్రమాదంలో కన్నుమూస్తున్నారు. సామాన్యులే కాదు సెలబ్రెటీలు సైతం రోడ్డు ప్రమాదాల్లో మరణిస్తున్నారు.
ఇటీవల రోడ్డు ప్రమాదాల సంఖ్య విపరీతంగా పెరిగిపోతున్నాయి. డ్రైవర్ల నిర్లక్ష్యం, అతి వేగం, నిద్రలేమి, సరైన శిక్షణ లేకుండా వాహనాలు నడపడం వల్ల ఎక్కువగా రోడ్డు ప్రమాదాలు సంభవిస్తున్నాయని అధికారులు అంటున్నారు. రోడ్డు ప్రమాదాల్లో సామాన్యులే కాదు మోడల్స్, సినీ సెలబ్రెటీలు, రాజకీయ రంగానికి చెందిన వారు చనిపోతున్న విషయం తెలిసిందే. రోడ్డు భద్రతా చర్యలు తీసుకుంటున్నా ఎక్కడో అక్కడ రోడ్డు ప్రమాదాలు జరుగుతూనే ఉన్నాయి. ఇటీవల రోడ్డు ప్రమాదంలో తీవ్రంగా గాయపడ్డ ప్రముఖ మోడల్ చికిత్స పొందుతూ కన్నుమూసినట్లు కుటుంబ సభ్యులు తెలిపారు. వివరాల్లోకి వెళితే..
ఇటీవల కారు ప్రమాదంలో గాయపడి ఆస్పత్రిలో ప్రాణాలతో పోరాడిన వెనిజులా అందాల భామ అరియానా వైరా(26) మరణించినట్లు న్యూయార్క్ పోస్ట్ పేర్కొంది. జూలై 13న ఓర్లాండోలో ఓ ట్రక్కుకు ఆమె కారు ఢీ కొట్టడంతో తీవ్రంగా గాయపడింది. అరియానా నిద్రమత్తులో డ్రైవ్ చేయడం వల్లనే ప్రమాదం జరిగినట్లు తెలుస్తుంది. నోనా సరస్సు సమీపంలో డ్రైవింగ్ చేస్తున్నప్పుడు ఈ ఘటన జరిగిందని ఆమె తల్లి తెలిపారు. మిస్ వెనిజులా టైటిల్ గెలిచిన తర్వాత ఆరియానా ఈ ప్రమాదం ప్రమాదం జరిగింది.. ఆ తర్వాత గుండెపోటుకు గురైంది. అక్టోబర్ లో జరగనున్న మిస్ లాటిన్ అమెరికా కాంపిటీషన్ లో ఆమె పాల్గొనాల్సి ఉంది.
మోడల్ గా కెరీర్ ఆరంభించిన అరియానా అతి తక్కువ కాలంలోనే తనకంటూ ప్రత్యేక ఇమేజ్ క్రియేట్ చేసుకుంది. ఇన్‌స్ట్రాలో ఆమెకు ఎంతోమంది ఫాలోవర్స్ ఉన్నారు. ఎప్పుడూ సోషల్ మీడియాలో యాక్టీవ్ గా ఉంటూ.. తన ఫోటోలు, వీడియోలతో కుర్రాళ్ల మతులు పొగొట్టేది. ఇక మిస్ వెనిజులా టైటిల్ గెలిచిన తర్వాత అరియానా బాగా పాపులర్ అయ్యింది. ఆమె ఫోటో షూట్స్ కి బాగా డిమాండ్ కూడా పెరిగిపోయింది. మోడల్ గానే కాదు అరియానా రియల్ ఎస్టేట్ రంగంలతో కూడా పనిచేస్తుంది. ఫుల్ హౌజ్ క్లీనింగ్ సర్వీస్ కూడా ఆమె నిర్వహిస్తున్నట్లు సమాచారం.
అక్టోబ‌ర్‌లో జరగనున్న మిస్ లాటిన్ అమెరికా కాంపిటీష‌న్‌లో ఆమె పాల్గోనాల్సి ఉంది. చిన్నవయసులోనే ఆమె కన్నుమూయడంతో అభిమానులు విషాదంలో మునిగిపోయారు.
View this post on Instagram
