ప్రభాస్… అభిమానులు తనని ప్రేమగా డార్లింగ్‌గా పిలుచుకుంటారు. ఇండస్ట్రీలో హీరోలకు వేర్వేరుగా అభిమానులుంటారు. కానీ ప్రభాస్ విషయంలో అలా కాదు. హీరోలకతీతంగానే కాక.. ఇండస్ట్రీలకతీతంగా తనకు అభిమానులున్నారు. ఈశ్వర్ సినిమాతో.. రెబల్‌ స్టార్ కృష్ణంరాజు వారసుడిగా ఇండస్ట్రీలోకి ఎంట్రీ ఇచ్చిన ప్రభాస్.. నేడు పాన్ ఇండియా స్టార్‌గా ఎదిగాడు. ఇక ప్రభాస్ హీరోగా ఇండస్ట్రీలోకి ఎంట్రీ ఇచ్చి.. ఇప్పటికి 20 ఏళ్లు పూర్తయ్యింది. ప్రభాస్ హీరోగా తొలిసారి కెమెరా ముందుకు వచ్చి సరిగ్గా నేటితో( జూన్‌ 28) 20ఏళ్లు పూర్తయింది. 2002 జులై 28 న రామానాయుడు స్టూడియోలో ప్రభాస్ హీరోగా పరిచయం అవుతూ ఈశ్వర్ అనే సినిమాని మొదలుపెట్టారు.ఈ సందర్భంగా అభిమానులు ఈ ఇరవై ఏళ్ల ఆనందాన్ని సంబరంగా జరుపుకుంటున్నారు. ఆలిండియా రెబెల్ స్టార్ కృష్ణం రాజు, ప్రభాస్ ఫాన్స్ అధ్యక్షడు జె ఎస్ ఆర్ శాస్త్రి (గుంటూరు) ఆధ్వర్యంలో మంగళవారం నాడు హైద్రాబాద్‌లో కృష్ణం రాజు ఇంట్లో ఈ సెలెబ్రేషన్స్ జరిగాయి. ఈ సందర్భంగా కృష్ణం రాజు ఆసక్తికర వ్యాఖ్యలు చేశారు.
‘‘ప్రభాస్ తొలి సినిమా(ఈశ్వర్) చూశాక తప్పకుండా పెద్ద హీరో అవుతాడని అనుకున్నాం కానీ.. పాన్ ఇండియా స్టార్ అవుతాడని ఊహించలేదు. అతని పట్టుదల, శ్రమతో పాటు అభిమాలను అండదండలతో పాన్ ఇండియా స్టార్‌గా ఎదిగాడు. ప్రభాస్‌ని చూస్తుంటే గర్వంగా, ఆనందంగా ఉంది’’ అని రెబల్‌ స్టార్ కృష్ణంరాజు అన్నారు. అంతేకాక ‘‘ప్రభాస్ హీరోగా పరిచయం అయి అప్పుడే 20 ఏళ్ళు గడచిపోయాయా అన్న సందేహం కలుగుతుంది . నిజంగా ఆ రోజు ప్రభాస్‌ని హీరోగా పరిచయం చేద్దామని ముందు మేమే అనుకున్నాం. మా గోపి కృష్ణ బ్యానర్‌లో ప్రభాస్‌ని పరిచయం చేయాలనీ అనుకున్న తరువాత ఒకరోజు నిర్మాత అశోక్ కుమార్, దర్శకుడు జయంత్ వచ్చి ప్రభాస్‌ని పరిచయం చేసే అవకాశం మాకు ఇవ్వమని అడిగారు’’ అని గుర్తు చేసుకున్నారు.
ఇది కూడా చదవండి: Ranveer Singh: ‘మ్యాన్ vs వైల్డ్’ బేర్ గ్రిల్స్ తో రన్వీర్ సింగ్ సాహసాలు.. ప్రోమో వైరల్!
‘‘ఈశ్వర్ కథ చెప్పినప్పుడు బాగా నచ్చింది. మంచి మాస్ ఎలిమెంట్స్ ఉన్న కథ, తప్పకుండా అందరికి బాగా నచ్చుతుందన్న నమ్మకంతో అశోక్ కుమార్‌కు ఓకే చెప్పాం. జయంత్, అశోక్ ఇద్దరు కలిసి ఎంతో బాధ్యతగా తీసిన ఆ సినిమా మంచి విజయాన్ని అందుకుని ప్రభాస్‌ని హీరోగా నిలబెట్టింది. ప్రభాస్ మొదటి సినిమా చూశాకా తప్పకుండా పెద్ద హీరో అవుతాడని అనుకున్నాం కానీ ఎవరు ఊహించని విధంగా ఇలా పాన్ ఇండియా స్టార్‌గా ఎదిగాడంటే అతని శ్రమ, పట్టుదల ముఖ్యంగా మా అభిమానుల అండదండలు వల్లే. ప్రభాస్‌ని చుస్తే చాలా ఆనందంగా ఉంది. ఒక నటుడిగానే కాకుండా సాటివారికి సహాయం చేసే గొప్ప గుణం ఉంది. ప్రభాస్ ఇంకా ఇలాగే మరింత ఎత్తుకు ఎదగాలని మంచి విజయాలు అందుకోవాలని కోరుకుంటున్నాను’’ అన్నారు. మరి దీనిపై మీ అభిప్రాయాలను కామెంట్స్‌ రూపంలో తెలియజేయండి.
ఇది కూడా చదవండి: Pooja Hegde: పూజాహెగ్డే మొదటి ఆడిషన్.. అప్పుడు ఎలా ఉందో చూడండి!
