follow us:
యావత్ భారత సినీ ప్రపంచాన్ని తనవైపు తిప్పుకున్న చిత్రం “కేజీఎఫ్-2″. కన్నడ రాకింగ్‌ స్టార్ యశ్ హీరోగా ప్రశాంత్ నీల్ ఈ చిత్రాన్ని తెరకెక్కించారు. రాఖీభాయ్ గా యశ్ నటన అందరిని ఓ రేంజ్ లో ఆకట్టుకుంది. కేజీఎఫ్-2 చిత్రం అనేక రికార్డులను తిరగరాసింది. బాలీవుడ్ ప్రేక్షకులు సైతం కేజీఎఫ్ మూవీకి ఫిదా అయ్యారు. ఎంతలా అంటే బాలీవుడ్ సినిమాల కంటే సౌత్ సినిమాలపై అక్కడి ప్రేక్షకులు ఆసక్తి చూపిస్తున్నారు. ‘కేజీఎఫ్ 2’ వంటి సంచలన మూవీ తరువాత ప్రశాంత్ నీల్ తెరకెక్కిస్తున్న హైవోల్టేజ్ యాక్షన్ ఎంటర్ టైనర్ మూవీ “సలార్”. కేజీఎఫ్-2 సినిమా తర్వాత ప్రభాస్, ప్రశాంత్ నీల్ కలయికలో రూపొందుతున్న మూవీ కావడంతో ప్రతీ ఒక్కరూ ఈ సినిమా గురించి ఆసక్తి గా ఎదురు చూస్తున్నారు. ఈక్రమంలో సలార్ పై అనేక వార్తలు చక్కర్లు కొడుతున్నాయి. సలార్ ప్రపంచంలోకి కేజీఎఫ్ కింగ్ రాఖీ భాయ్ ని ప్రశాంత్ నీల్ తీసుకొస్తున్నారు.. అంటు టాక్ వినిపిస్తోంది.
ప్రశాంత్ నీల్, యంగ్ రెబల్ స్టార్ ప్రభాస్ కాంబినేషన్ లో రాబోతున్న”సలార్”.. ఇప్పటికి వరకు 30 శాతానికి పైగా షూటింగ్ పూర్తి చేసుకుంది. మిగిలిన షెడ్యూల్ లో మూవీ యూనిట్ ఫుల్ బిజీగా ఉంది. శృతిహాసన్ హీరోయిన్ గా నటిస్తున్న ఈ మూవీలో జగపతిబాబు కీలక పాత్రలో నటిస్తున్నారు. ఈ మూవీని హోంబలే ఫిలింస్ బ్యానర్ పై స్టార్ ప్రొడ్యూసర్ విజయ్ కిరగందూర్ నిర్మిస్తున్నారు. అత్యంత భారీ బడ్జెట్ తో రూపొందుతున్న ఈ మూవీలోని ఓ కీలక అతిథి పాత్రలో ‘కేజీఎఫ్’ స్టార్.. యశ్ కనిపించే అవకాశం వుందని వార్తలు వినిపిస్తున్నాయి. దీంతో హాలీవుడ్ మార్వెల్ సినిమాల తరహాలో ప్రశాంత్ నీల్ మల్టీవైర్స్ ని క్రియేట్ చేస్తూ తన సినిమాలతో సరికొత్త ప్రపంచాన్ని సృష్టించబోతున్నారంటూ గత కొంతకాలం టాక్ వినిపిస్తుంది. దీనికి బలం చేకూర్చేలా ‘సలార్’ మూవీ పోస్టర్లు సైతం ఉన్నాయి. అయితే ఇంతకాలం కేజీఎఫ్ వరల్డ్ లోకి యన్టీఆర్ , ప్రభాస్ లను ప్రశాంత్ నీల్ పరిచయం చేయనున్నారని అందరు అనుకున్నారు. అయితే సలార్ లోకే కేజీఎఫ్ రాఖీని తీసుకెళ్తున్నారనే వార్త వినిపిస్తుండటంతో.. ఇది కేజీఎఫ్ స్వీక్వెల్‌ కోసమా?, లేదా సలారే అసలు కథా? అనేది ఇప్పుడు ప్రతి అభిమానిలో కలుగుతున్న సందేహం.
రాఖీబాయ్ ‘సలార్’ వరల్డ్ లోకి తీసుకెళ్లడం వెనుకు ప్రశాంత్ నీల్ ఆలోచన ఏంటనేది ఇప్పుడు ప్రతి ఒక్క సినీ ప్రియుడు సందేహం వ్యక్తం చేస్తున్నారు. ఏది ఏమైనా సలార్ వరల్డ్ లోకి రాఖీ భాయ్ వెళ్లనున్నాడు అనే వార్త అందరిలో ఆసక్తిని పెంచింది. ఇదే నిజమైతే యశ్ , ప్రభాస్ అభిమాలనుకు సలార్ మూవీ ఫుల్ మీల్స్ అన్నడంలో ఎలాంటి సదేహం లేదు. ఇద్దరు క్రేజీ స్టార్ లు ఒకే ఫ్రేమ్ లో కనిపిస్తే ఇంకేమైనా వుందా? అభిమానులకి పూనకాలే. మరి ..ప్రశాంత్ నీల్ నిజంగానే ఇది ప్లాన్ చేశారా? లేక ఇవి ఊహాగానాలేనా?.. అన్నది తెలియాలంటే మరి కొన్ని రోజులు వేచి చూడాక తప్పదు. మరి.. సలార్ వర్డల్ లోకి కేజీఎఫ్ డాన్ రాఖీ భాయ్ రానున్నడంటూ వస్తున్న వార్తలపై మీ అభిప్రాయాలను కామెంట్స్ రూపంలో తెలియజేయండి.
ఇదీ చదవండి: Video: ఈ వయసులోనూ కమల్‌ సార్‌ డెడికేషన్ చూసి షా…
