follow us:
‘నిజం నిలుచునే లోపల అబద్దం ఊరంతా చుట్టి వస్తుంది’ అన్న సామెత చిత్ర పరిశ్రమకు కరెక్ట్ గా సరిపోతుంది. ఎందుకంటే ఇండస్ట్రీలో రూమర్లకు కొదవలేదు. ఇక ఈ మధ్యకాలంలో సోషల్ మీడియాలో సెలబ్రిటీలు ఏదైన పోస్ట్ పెడితే చాలు దాని చుట్టూ ఎన్నో కథలు అల్లుతారు నెటిజన్లు. ఈ నేపథ్యంలోనే హీరో దగ్గుబాటి రానా సతీమణి మిహికా ఓ పాపను ఎత్తుకున్న ఫొటోను సోషల్ మీడియాలో పోస్ట్ చేసింది. దాంతో నెటిజన్లు అభినందనలు తెలుపుతూ కామెంట్స్ పెట్టారు. దీంతో రానా దంపతులు సరోగసి ద్వారా తల్లిదండ్రులు అయినట్లుగా వార్తలు సైతం వచ్చాయి. ఈ క్రమంలోనే ఈ వార్తలపై స్పందించాడు హీరో రానా.
దగ్గుబాటి రానా.. తెలుగు చిత్ర పరిశ్రమలో హీరోగా, విలన్ గా తనదైన ముద్ర వేసుకున్నాడు. బాహుబలిలో తనదైన విలనిజం పండించి దేశవ్యాప్తంగా మంచి గుర్తింపు తెచ్చుకున్నాడు. అయితే ఈ క్రమంలోనే ప్రముఖ పారిశ్రామిక వేత్త కూతురు అయిన మిహికా బజాజ్ ను 2021 ఆగష్టు 8 న వివాహం చేసుకున్నాడు రానా. అయితే ఈ జంట తల్లిదండ్రులు కాబోతున్నారంటూ కొన్ని రోజుల క్రితం వార్తలు ఇండస్ట్రీలో చక్కర్లు కొట్టాయి. ప్రస్తుతం ఆ వార్తలపై స్పందించాడు రానా. తాను తండ్రి కాబోతున్నట్లు వచ్చిన వార్తలు అవాస్తవమని అన్నారు. మిహిక ప్రెగ్నెంట్ కాదని రానా స్పష్టం చేశారు. ఇక ఈ దంపతులు సోషల్ మీడియాలో అంత యాక్టీవ్ గా ఉండరు. ప్రస్తుతం రానా, వెంకటేష్ నటించిన రానా నాయుడు చిత్రం వెబ్ సిరీస్ గా త్వరలోనే ప్రేక్షకుల ముందుకు రానుంది. దీంతో పాటు రానా మరికొన్ని చిత్రాల్లో నటిస్తున్నారు.
View this post on Instagram
View this post on Instagram
