పవన్ పక్కనున్న ఈ పిల్లాడు ఎవరో తెలుసా? ఇప్పుడు టాలీవుడ్ హీరో!

పవర్ స్టార్ పవన్ కళ్యాణ్.. చిరంజీవి తమ్ముడిగా ఎంట్రీ ఇచ్చినా కానీ తక్కువ టైంలోనే తనకంటూ స్పెషల్ ఇమేజ్, సపరేట్ ఫ్యాన్ బేస్ క్రియేట్ చేసుకున్నాడు. తెలుగు నాట కోట్లాది మంది అభిమానుల్ని సంపాదించుకున్న జనసేనానికి సినిమా పరిశ్రమలోనూ ఎంతో మంది ఫ్యాన్స్, భక్తులు ఉన్నారు. ఆయన రిఫరెన్స్ కనిపించిన మూవీస్ చాలానే ఉన్నాయి. పవర్ స్టార్ పక్కన నటించాలని, కలిసి మాట్లాడాలని, ఒక్క ఫోటో దిగాలని ఆశగా ఎదురు చూసేవారు అనేకం. అయితే ఓ టాలీవుడ్ యంగ్ హీరో తన చిన్నప్పుడు పవన్ కళ్యాణ్‌ని కలిసి ఫోటో దిగాడు. ఆయనంటే ఎంతో అభిమానం చూపించే ఆ కుర్ర హీరో ఓ అరుదైన ఘనత సాధించాడు. దీంతో అతని ఆనందానికి అవధుల్లేవు. ఇంతకీ ఆ కథానాయకుడు ఎవరో కాదు.. విరాజ్ అశ్విన్.

అనసూయ ‘థ్యాంక్ యు బ్రదర్’ మూవీతో మంచి గుర్తింపు తెచ్చుకున్నాడు విరాజ్ అశ్విన్. హీరోగా ‘వాళ్లిద్దరి మధ్య’, ‘:మనసానమ:’ లో కనిపించాడు. ఇటీవల రిలీజ్ అయిన పాయల్ రాజ్‌పుత్ ‘మాయా పేటిక’ లోనూ మంచి క్యారెక్టర్ పడింది. కథానాయకుడిగానే కాకుండా నటనకు ఆస్కారమున్న పాత్ర ఏదైనా వస్తే వదలకుండా చేస్తున్నాడు. ప్రస్తుతం ఆనంద్ దేవరకొండ, వైష్ణవి చైతన్యలతో కలిసి ‘బేబి’ మూవీలో యాక్ట్ చేస్తున్నాడు. సాయి రాజేష్ డైరెక్షన్‌లో తెరకెక్కుతున్న ఈ చిత్రం జూలై 14న విడుదల కాబోతుంది. సుహాస్, కార్తీక్ రత్నం తదితరులు నటిస్తున్న ‘శ్రీరంగనీతులు’ అనే సినిమాలోనూ ఇంపార్టెంట్ రోల్ చేస్తున్నాడు.

విరాజ్ అశ్విన్ చిన్నప్పుడు తన ఫేవరెట్ యాక్టర్ పవన్ కళ్యాణ్‌ని కలిసి ఫోటో తీసుకున్నాడు. ఆ పిక్ ఇప్పుడు నెట్టింట వైరల్ అవుతుంది. అలాగే పవర్ స్టార్ నటించిన బ్లాక్ బస్టర్ ‘తొలిప్రేమ’ 25 సంవత్సరాలు పూర్తి చేసుకున్న సందర్భంగా ఇటీవల రీ రిలీజ్ చేసిన సంగతి తెలిసిందే. ఆ మూవీ పోస్టర్ పక్కన విరాజ్ నటించిన ‘మాయా పేటిక’ సినిమా వాల్ పోస్టర్ వేశారు. తన అభిమాన నటుడి పోస్టర్ పక్కన తన సినిమా పోస్టర్ చూసి ఎమోషనల్ అయ్యాడు విరాజ్. ‘ఈరోజు నేను ఈ స్థాయికి రావడానికి ఆయనే స్పూర్తి. పవన్‌ని మళ్లీ కలవడానికి ఆసక్తిగా ఎదురు చూస్తున్నాను’ అంటూ ట్వీట్ చేశాడు విరాజ్. గొప్ప ఘనత సాధించావంటూ నెటిజన్లు తనను అభినందిస్తున్నారు. ఈ ఫోటో గురించి పలు మీమ్స్ కూడా వైరల్ అవుతున్నాయి.

The inspiration that brought me where i am today.
Can’t wait to meet him again #powerstar #Pawankalyan pic.twitter.com/It5vrWa9qI

— Viraj Ashwin (@viraj_ashwin) June 30, 2023