పవన్ ఫ్యాన్స్ కి టాలీవుడ్ యంగ్ డైరెక్టర్ విన్నపం.. ట్వీట్ వైరల్!

హీరోలందూ పవర్ స్టార్ పవన్ కల్యాణ్ వేరయా.. ఫ్యాన్స్ లో పవర్ స్టార్ ఫ్యాన్స్ లెక్కే వేరయా! ఎందుకంటే హీరోకు అభిమానులు ఉండటం చాలా సాధారణ విషయం. కానీ తన ఫేవరెట్ హీరో కోసం ఏదైనా చేస్తాం, ఎంతవరకైనా వెళ్తాం అనే రేంజ్ లో ఉండటం మాత్రం చాలా అరుదు. టాలీవుడ్ లో ఇలా పవర్ స్టార్ పవన్ కల్యాణ్ కి మాత్రమే ఉంటారేమో. ఆయన సినిమా నుంచి కావొచ్చు. నార్మల్ స్టిల్ కావొచ్చు. ఇలా రావడం లేటు. ఇలా వైరల్ అయిపోతుంది. అది పవన్ రేంజ్. అయితే కొన్నిసార్లు పవన్ అభిమానులు తెలిసో తెలియకో హద్దులు దాటేస్తుంటారు. దీనివల్ల సోషల్ మీడియాలో పెద్ద పెద్ద యుద్ధాలే జరుగుతుంటాయి. ఇప్పుడు కూడా అలాంటిదే జరుగుతున్నట్లు కనిపిస్తోంది.

ఇక వివరాల్లోకి వెళ్తే.. సెకండ్ ఇన్నింగ్స్ లో పవన్ చాలా సినిమాలు ఒప్పేసుకున్నారు. ఇటు మూవీస్, అటు పాలిటిక్స్ లో బిజీగా ఉండటం వల్ల అనుకున్న టైంలో సదరు చిత్రాల్ని పూర్తిచేయలేకపోతున్నారు. ఇప్పటివరకు అయితే ‘వకీల్ సాబ్’, ‘భీమ్లా నాయక్’ మాత్రమే రిలీజ్ అయ్యాయి. ‘హరిహర వీరమల్లు’ సగం షూటింగ్ పూర్తి చేసుకోగా.. హరీశ్ శంకర్ తో ‘ఉస్తాద్ భగత్ సింగ్’, సుజీత్ తో ‘OG’మూవీస్ లైన్ లో ఉన్నాయి. అయితే తాజాగా ఓ విషయమై పవన్, రామ్ చరణ్ అభిమానులు ట్విట్టర్ లో ఒకరిని ఒకరు ట్రోల్ చేసుకుంటున్నారు. ఇది కాస్త హద్దులు దాటేలా కనిపిస్తుంది. ఈ క్రమంలోనే యంగ్ డైరెక్టర్ సాయిరాజేష్ ఇంట్రెస్టింగ్ ట్వీట్ చేశాడు. అదికాస్త ఇప్పుడు వైరల్ గా మారింది.

‘గత ఏడాదిగా క్షణం తీరిక లేకుండా ప్రజాసేవా కార్యక్రమాలు చేస్తూ, కల్యాణ్ గారు ఇన్ని సినిమాలు చేయడానికి కారణం జనసేన ఆర్థికంగా బలంగా లేకపోవడమే. ఓటు బ్యాంక్ రాజకీయాలు క్రేజ్ మీద నడవవు. సినీ పరిశ్రమలో ఓ సైడ్ తీసుకోకూడదనే నాలాంటి వాళ్ల కోసమే ఆయన కష్టం చూసి ‘జల్సా’ స్పెషల్ షోస్ మా వంతుగా చేశాం. మీరు(ఫ్యాన్స్) మంచి చేయకపోయినా పర్లేదు. హాని చేయకండి.. ఆయనకు, పార్టీకి. సినిమాలు మాత్రమే చూసుకుని ఉండండి, కానీ కలుపుకోవాల్సిన బాధ్యత, ఓ మాట పడాల్సి వచ్చినప్పుడు ఆలోచించాల్సిన పరిస్థితిలో మీరున్నారు. ఫ్యాన్ వార్ లో తాత్కాలిక గెలుపు కోసం ప్రయత్నిస్తే, చాలామంది మనుషుల్లో కల్యాణ్ గారిపట్ల, పార్టీ పట్ల శాశ్వతమైన శత్రుత్వం కలిగిస్తున్నారు. మేం ఆయన సినిమాలకు మాత్రమే అభిమానులం అనుకునేవారికి కాదు ఈ పోస్ట్. మా హీరో, ఆయన పార్టీ బాగుండాలని కోరుకునే నాకు తెలిసిన అతికొద్దిమంది సెన్సిబుల్ అభిమానులకు నా రిక్వెస్ట్. ఇక ఆపేయండి. పుల్ స్టాప్ పెట్టేయండి. మీరు మాత్రం గొడవలకు దూరంగా ఉండండి. ఇక్కడ ఎవరూ తగ్గేది లేదు, పెరిగేది లేదు’ అని డైరెక్టర్ సాయిరాజేశ్ ట్వీట్ చేశారు. మరి ఈ విషయమై మీరేం అనుకుంటున్నారు. కింద కామెంట్స్ లో మీ అభిప్రాయాన్ని పోస్ట్ చేయండి.

A request to few sensible @PawanKalyan fans from my side …
Pls translate it to tenglish for wider reach… pic.twitter.com/TXPhLaoLNm

— Sai Rajesh (@sairazesh) February 5, 2023