జబర్ధస్త్.. రెండు తెలుగు రాష్ట్రాలను కడుపుబ్బా నవ్విస్తున్న ఖతర్నాక్ కామెడీ షో. ఇక ఈ షో ద్వారా ఎంతో మంది టాలెంటెండ్ కమెడీయన్లు ఇండస్ట్రీలో కి అడుగు పెట్టి తమదైన ముద్ర వేసుకోవడం మనం చూస్తూనే ఉన్నాం. అదీ కాక వారిలో కొంత మంది హీరోలుగా కూడా తమ అదృష్టాన్ని పరిక్షించుకున్న వాళ్లు ఉన్నారు. తాజాగా ఈ కోవలోకే చేరనున్నాడు మరో కమెడియాన్ ధన్ రాజ్. తాజాగా ధన్ రాజ్ హీరోగా నటించిన చిత్రం బుజ్జీ ఇలా రా.. ఇక ఈ చిత్రానికి సంబంధించి జరిగిన ప్రీ రిలీజ్ ఈవెంట్ లో ధన్ రాజ్ చాలా ఎమోషనల్ అయ్యాడు. ఈవార్తకు సంబంధించి మరిన్ని వివరాల్లోకి వెళితే..
ధన్ రాజ్.. జబర్దస్త్ కామెడీ షో ద్వారా మంచి క్రేజ్ సంపాదించుకున్నాడు. అదీ కాక చాలా సినిమాల్లో నటిస్తూ.. ఇండస్ట్రీలో కమెడీయన్ గా తన కంటూ ఓ ప్రత్యేక గుర్తింపు తెచ్చుకున్నాడు. బుజ్జీ ఇలా రా..! అనే సినిమాతో హీరోగా పరిచయం కాబోతున్నాడు. ఈ మూవీకి గరుడవేగ అంజి దర్శకత్వం వహించగా సునీల్ ఓ కీలక పాత్ర చేస్తున్నాడు. అయితే తాజాగా జరిగిన ప్రీ రిలీజ్ ఈవెంట్ లో నాంది సినిమా డైరెక్టర్ విజయ్ కనకమేడల మాట్లాడుతూ..
”నాకు ఇండస్ట్రీకి వచ్చాక పరిచయం అయిన మెుదటి ఫ్రెండ్ వీడు.. అలాగే అరేయ్, బావ అని పిలుచుకునే బెస్ట్ ఫ్రెండ్ కూడా.. ఇలా ఈ రోజు వాడి సినిమాకు వచ్చి ఇలా మాట్లాడటం చాలా ఆనందంగా ఉంది. ధన్ రాజ్ హీరో అనడం కంటే మంచి యాక్టర్ అనడంమే నాకు ఇష్టం. వాడు మరిన్ని సినిమాలు హీరోగా చెయ్యాలని మనస్పూర్తిగా కోరుకుంటున్నాను. అలాగే ఇండస్ట్రీలో మేం చాలా కష్ట పడ్డాం” అని చెప్తున్న క్రమంలో ధన్ రాజ్ స్టేజ్ మీదకు ఏడుస్తూ.. వచ్చాడు.
సారీ సార్ క్షమించాలి.. ఇంత సేపూ నవ్వూతూనే ఉన్నా.. కానీ వీడి మాటలు విని ఎందుకో ఇలా ఏడుపు వచ్చింది” అంటూ చెమర్చిన కళ్లతో మాట్లాడాడు. ఇక ఈ సినిమా సెప్టెంబర్ 2న ప్రేక్షకుల ముందుకురానుంది. క్రైమ్ థ్రిల్లర్ గా తెరకెక్కిన ఈ సినిమాలో హీరోయిన్ గా చాందిని తమిళసరన్ నటిస్తుండగా సునీల్, శ్రీకాంత్ అయ్యాంగార్, టెంపర్ వంశీ తదితరులు నటించారు. మరి తన ఫ్రెండ్ ను మాటలను తలచుకుని ఏడ్చిన ధన్ రాజ్ పై మీ అభిప్రాయాలను కామెంట్స్ రూపంలో తెలియజేయండి.
