ప్రముఖ సింగర్‌పై దాడి

సెలబ్రిటీలను చూడాలని, వారితో చేతులు కలపాలని, మాట్లాడాలని అభిమానులు భావిస్తుంటారు. ఫోటోలు, సెల్ఫీలు దిగాలన్న అత్యుత్యాహంతో వారిని ఇబ్బందులకు గురి చేస్తుంటారు. ఒక్కొక్కసారి ఈ ఉబలాటం తీవత్రకు దారి తీస్తుంది. తాజాగా అటువంటి ఘటనే ఈ సెలబ్రిటీ విషయంలోనూ చోటుచేసుకుంది. ప్రముఖ గాయకుడు, పద్మశ్రీ అవార్డు గ్రహీత సోనూ నిగమ్‌పై దాడి జరిగింది. ముంబయిలోని చెంబూర్ ప్రాంతంలో సోమవారం సాయంత్రం దాడి జరిగినట్లు తెలుస్తోంది. ఓ మ్యూజికల్ ప్రోగ్రామ్‌ నిర్వహిస్తుండగా ఈ ఘటన చోటుచేసుకుంది. ఈ ఘటనలో ఓ వ్యక్తికి తీవ్ర గాయాలయినట్లు సమాచారం.

ముంబయిలో చెంబూరులో ఉద్దవ్ థాకరే ఎమ్మెల్యే ప్రకాష్ ఫర్తేపేకర్ నిర్వహించిన ఓ మ్యూజిక్ కన్సర్ట్ లో పాల్గొనేందుకు సోను నిగమ్ అక్కడికి వచ్చారు. అయితే అతడితో సెల్ఫీ దిగేందుకు కొంత మంది అత్యుత్సాహం ప్రదర్శించారు. ఈవెంట్ ముగియగానే వేదిక దిగుతున్న సోను నిగమ్, అతని సహచరులపై ఒక్కసారిగా దాడి జరిగింది. ఈ సమయంలో వారిని అడ్డుకునే క్రమంలో బాడీగార్డు, కొంత మంది మధ్య తోపులాట జరిగింది. ఈ ఘర్షణలో ఇద్దరినీ కిందకు తోసేశారు. అయితే గాయకుడిని కలిసే క్రమంలో ఎమ్మెల్యే కుమారుడే ఈ దాడి చేసినట్లు ఓ వ్యక్తి షేర్ చేసిన వీడియోలో పేర్కొన్నారు.

మొత్తం ఈ తోపులాటలో సోనూ నిగమ్ బృందంలోని వ్యక్తులకు గాయాలయ్యినట్లు సమాచారం. గాయ పడిన వ్యక్తిని చెంబూరులోని జైన్ ఆసుపత్రిలో చికిత్స పొందుతున్నారని తెలుస్తోంది. ఈ మొత్తం ఘటన సోనూ నిగమ్ ను కలవరపాటుకు గురి చేసింది. వెంటనే ఆయన చెంబూరులోని పోలీస్ స్టేషన్ లో ఫిర్యాదు చేశారు. అయితే ఎమ్మెల్యే కుమారుడు ఈ దాడికి పాల్పడినట్లు సోనూ నిగమ్ బృందం చెబుతుండగా.. సెల్ఫీలు తీసుకునే క్రమంలో గుర్తు తెలియని వ్యక్తులు దాడి చేశారంటూ ఎమ్మెల్యే చెబుతుండటం గమనార్హం. అయితే ఎవరి వాదన కరెక్ట్ అన్నదీ తెలియాల్సి ఉంది.

 

Shocking😡
Padma Shri Singer #SonuNigam was attacked by the son of Shiv Sena MLA Prakash Phaterpekar. got some serious injuries & taken to Zen Hospital Chembur. Is this what a Padma Shri & a legend deserves?
Demanding stringent action @Dev_Fadnavis @MumbaiPolice @mieknathshinde pic.twitter.com/4HnEMdTa9p

— Akassh Ashok Gupta (@peepoye_) February 20, 2023