యాంకర్ అనసూయ ఆసక్తికర ట్వీట్!

తెలుగు బుల్లితెరపై అనసూయ యాంకర్ గా రాణిస్తూ ఒక్కో మెట్టు ఎక్కుతూ ఉంది. అయితే అనసూయ అటు యాంకరింగ్ తో పాటు ఇటు సినిమాల్లో కూడా విభిన్నమైన పాత్రల్లో నటిస్తూ నటన పరంగాను తన ప్రత్యేకతను చాటుకుంటూ దూసుకెళ్తోంది. దీంతో పాటు అనసూయకు తన అందం చెందంతో ఎనలేని క్రేజ్ ను సంపాదించుంది. అయితే  అనసూయ సోషల్ మీడియాలో తెగ ఆక్టివ్ గా ఉంటూ ప్రతీ సమస్యపై స్పందిస్తూ ఉంటుంది. తాజాగా స్కూల్ ఓపెనింగ్స్ పై ట్విట్టర్ వేదికగా తెలంగాణ మంత్రి కేటీఆర్ కు అనసూయ చేసిన ట్వీట్ కాస్త ఆసక్తికరంగా మారింది.

డియర్ కేటీఆర్ సర్.. అసలు లాక్‌డౌన్‌ ఎందుకు వచ్చిందో.. ఆపై అన్‌లాక్‌ కూడా ఎందుకు వచ్చిందో మనం అర్థం చేసుకోవాలి. అందరికీ వ్యాక్సిన్‌ వేస్తుండటం అనేది కాస్త భరోసా నింపే అంశమే.. కానీ టీకా వేయాల్సిన వయస్సు కంటే తక్కువ వయస్సు ఉన్న పిల్లల సంగతేంటి సార్? అంటూ అనసూయ ప్రశ్నించింది. ఇక పాఠశాలల విషయానికోస్తే.. తల్లిదండ్రులను ఎందుకు బలవంతం చేస్తున్నాయి ”“పిల్లలు స్కూల్‌లో ఉన్నప్పుడు వారికి ఏమైనా జరిగితే మాకు బాధ్యత లేదని పాఠశాల యాజమాన్యాలు మరీ సంతకాలు చేయించుకుంటున్నాయి. ఇది ఎంతవరకు న్యాయమో, సమంజసమో మీరే చెప్పండి సార్. ఎప్పటిలాగే మీరు సరైన మార్గనిర్దేశం చేస్తారని ఆశిస్తున్నాను సార్ అంటూ అనసూయ ట్వీట్ చేసింది.

Dear @KTRTRS Sir.. I want to understand why there was lockdown in the first place..and then there is unlock.. we can be a bit assured that we are all getting vaccinated..but what about the children below the required vaccine age sir?? Why are the schools forcing the parents (1/2)

— Anasuya Bharadwaj (@anusuyakhasba) October 29, 2021