83 ఏళ్ల వయసులో తండ్రి అయిన సీనీ నటుడు!

ప్రముఖ హాలీవుడ్ నటుడు అల్ పాసినో గురించి ప్రత్యేకంగా చెప్పాల్సిన అవసరం లేదు.. ఎందుకంటే ఇటీవల కాలంలో ఆయన తరచుగా వార్తల్లో నిలుస్తున్నారు. ఆయన నటించిన గాడ్ ఫాదర్ మూవీ ప్రపంచ వ్యాప్తంగా సెన్సేషన్ క్రియేట్ చేసింది. గాడ్ ఫాదర్ మూవీలో ఆయన నటనకు కోట్ల మంది అభిమానులు ఫిదా అయ్యారు. కెరీర్ బిగినింగ్ నుంచి ఆయన రోమాంటిక్ పర్సన్ అని హాలీవుడ్ లో టాక్. ఇండస్ట్రీలో పలువురితో ఎఫైర్లు పెట్టుకున్నారని వార్తలు కూడా వచ్చాయి. తాజాగా అల్ పాసినో కి సంబంధించిన మరో సెన్సెషన్ న్యూస్ సోషల్ మీడియాలో వైరల్ అవుతుంది.

హాలీవుడ్ స్టార్ నటుడు అల్ పాసినో తన 83 ఏళ్ల వయసులో నాలుగోసారి తండ్రి అయ్యారు. అదికూడా తన కన్నా చాలా తక్కువ వయసు ఉన్న 29 ఏళ్ల నూర్ అల్ఫాల్లాతో ఓ బిడ్డకు స్వాగతం పలికారు. గత కొంతకాలంగా వీరిద్దరూ డేటింగ్ లో ఉన్నారు. జూన్ లో నూర్ అల్ఫల్లా మ‌గ బిడ్డ‌కు జ‌న్మనిచ్చింది. రోమన్ పాసినో అని ఆ పాపకు నామకరణం చేశారు. నూర్ కంటే ముందు అల్ పాసినో ఇద్దరితో డేటింగ్ చేసి ముగ్గురు పిల్లలకు తండ్రి అయ్యాడు. తాజాగా ఈ జంట మరోసారి వార్తల్లో నిలిచారు. అల్ పాసినో అమెరికాలోని కాలిఫోర్నియాలో తన గర్ల్ ఫ్రెండ్ నూర్ అల్ఫల్లాతో కనిపించారు. ఈ జంట కారులో షికారుకు వెళ్తుండగా కొంతమంది ఫోటోలు తీసి సోషల్ మీడియాలో పోస్ట్ చేయగా.. అవికాస్త వైరల్ గా మారాయి.

గతంలో నూర్ తాను ప్రెగ్నెన్సీగా ఉన్నట్లు ప్రకటించింది.. కానీ అల్ పాసినో మాత్రం అభ్యంతరం వ్యక్తం చేశారు. అంతేకాదు ఆమె ప్రెగ్నెన్సీ పై కూడా అనుమానాలు వ్యక్తం చేసి డీఎన్ఏ టెస్ట్ చేయాల్సిందిగా కోరినట్లు సమాచారం. అయితే తనకు 83 ఏళ్ల వయసులో పిల్లలకు తండ్రి అని అనిపించుకోవడం ఇష్టం లేదని తెలిపారు. దీంతో నూర్ తాను గర్భం దాల్చిన విషయం కొన్నిరోజులు దాచిపెట్టి మే31 న తాను గర్బవతిని అని అందరినీ ఆశ్చర్యపరిచింది. నూర్ కన్నా ముందు యాక్టింగ్ కోచ్ అయిన టారెంట్ అనే మహిళతో డేటింగ్ చేశాడు. వీరికి ఒక కుమార్తె జన్మించింది. తర్వతా నటి బేవర్లీ డి ఎంజ్‌లో తో డేటింగ్ చేశాడు. విరికి కవలలు జన్మించారు. ఈ తర్వాత నూర్ అల్ఫాల్లా తో డేటింగ్ చేసి మరో మగబిడ్డకు తండ్రి అయ్యాడు.

+ Al and his girlfriend, Noor Alfallah, after dinner in Santa Monica. pic.twitter.com/6kCrePMDuf

— Pacino’s World 👑 (@worldpacino) August 2, 2023