follow us:
ఇండస్ట్రీలో వరుస విషాదాలు కొనసాగుతూనే ఉన్నాయి. తాజాగా ఆట డ్యాన్స్ రియాలిటీ షో ఫస్ట్ సీజన్ విన్నర్ టీనా మృతి చెందింది. ఓంకార్‌ నిర్వహించిన ఆట డ్యాన్స్ షోతో టీనా చాలా పాపులర్‌ అయ్యారు. ఆ తర్వాత సీజన్ 4కి జడ్జిగా కూడా వ్యవహించిన విషయం తెలిసిందే. ఆవిడ గోవాలో మృతి చెందినట్లు తెలుస్తోంది. అయితే ఆమె మరణానికి సంబంధించిన వివరాలు తెలియాల్సి ఉంది. టీనా సాధు మృతిచెందినట్లు ఆట సందీప్‌ తన ఇన్‌ స్టాగ్రామ్‌ ఖాతా ద్వారా వెల్లడించాడు. కొన్నాళ్లుగా ఇండస్ట్రీకి దూరంగా ఉంటున్న టీనా ఇలా సడెన్‌ మరణించడంపై సర్వత్రా విషాద ఛాయలు అలుముకున్నాయి.
ఆట సందీప్‌ తన ఇన్‌ స్టా గ్రామ్‌ ఖాతాలో టీనాతో ఉన్న ఫొటో పెట్టి.. ‘టీనా సాధు మరణవార్త విని ఎంతో షాకయ్యాను. ఆమె మరణం నన్ను ఎంతో బాధించింది. టీనా సాధు ఎంతో మంచి వ్యక్తి, ఆట సీజన్ 1లో నా పార్టనర్‌ కూడా. ఆమె మరణం పట్ల ప్రగాఢ సంతాపం తెలియజేస్తున్నాను. టీనా కుటుంబ సభ్యులకు నా ప్రగాఢ సానుభూతి తెలియజేస్తున్నాను’ అంటూ ఆట సందీప్‌ పోస్ట్‌ చేశాడు. ప్రస్తుతం ఆ పోస్ట్‌ సోషల్ మీడియాలో వైరల్ గా మారింది. ఇన్నళ్లుగా ఇండస్ట్రీకి ఎందుకు దూరంగా ఉన్నారు? అసలు ఆమె మరణానికి గల కారణాలు ఏంటి అనేవి మాత్రం తెలియాల్సి ఉంది. టీనా సాధు మృతిపట్ల కామెంట్స్‌ రూపంలో మీ సంతాపం తెలియజేయండి.
View this post on Instagram
View this post on Instagram
