Chikmagalur: ‘నా లవర్‌ కోసం 4.50 లక్షలు ఖర్చు చేశాను.. అవి వసూలు చేయండి’.. ప్రేమికుడి సూసైడ్‌ నోట్‌ వైరల్‌!

ఈ ప్రపంచంలో ప్రేమకున్న శక్తి మరిక దేనికి లేదు. రెండక్షరాల ఈ మాట.. ఎన్నో చరిత్రలు సృష్టించింది. ఎందరినో చరిత్రలో నిలిపింది. ప్రేమించిన వారి కోసం రాజ్యాలు, వైభోగాలు.. ఆఖరికి ప్రాణాలను సైతం తృణప్రాయంగా వదులుకున్నవారు ఎందరో ఈ సమాజంలో ఉన్నారు. చరిత్రలో ప్రేమ కోసం జరిగిన యుద్ధాలకు లెక్కేలేదు. కాలంతో పాటు ప్రేమ స్వభావం కూడా మారుతూ వస్తోంది. ఒకప్పుడు తాము ప్రేమించిన వారు తమకు దక్కకపోయినా.. సంతోషంగా ఉంటే చాలనుకునేవారు. కానీ నేటికాలంలో.. నాకు దక్కని వారు మరి ఎవ్వరికి దక్కకూడదనే విపరీత ధోరణి పెరిగిపోతుంది. దాంతో ప్రేమ పేరిట నిత్యం అఘాయిత్యాలు చోటు చేసుకుంటున్నాయి. కొందరు ప్రేమించిన వారిని కడతేరిస్తే.. మరి కొందరు లవ్‌ చేసిన వారు మోసం చేశారనే బాధతో ప్రాణం తీసుకుంటున్నారు.

తాజాగా ఈ కోవకు చెందిన సంఘటన ఒకటి కర్ణాటకలో చోటు చేసుకుంది. ప్రియురాలు తనతో లక్షల్లో ఖర్చు చేయించుకుని.. ఇప్పుడు పెళ్లికి ముఖం చాటేస్తుందనే బాధతో ఓ యువకుడు ఆత్మహత్య చేసుకున్నాడు. తాను ప్రియురాలి కోసం ఖర్చు చేసిన మొత్తాన్ని వసూలు చేయమని కోరుతూ సూసైడ్‌ నోట్‌ రాసి మరి ఆత్మహత్య చేసుకున్నాడు. చిక్కమగళూరు జిల్లాలో ఈ విచిత్ర ప్రేమకథ వెలుగు చూసింది. ఆ ప్రేమ కథ ప్రియుడి ఆత్మహత్యతో విషాదాంతమైంది. ఆత్మహత్య చేసుకున్న వ్యక్తిని చేతన్ (31) గా గుర్తించారు. తాను ప్రేయసి కోసం ఇప్పటి వరకు చేసిన ఖర్చులను లెక్కరాసి.. ఆ మొత్తాన్ని వసూలు చేయాలంటూ బాధితుడు ఉత్తరం రాయడం గమనార్హం.

ఇది కూడా చదవండి: Medak: కోరుకున్న వాడిని పెళ్లి చేసుకుంది! అతన్నే లోకం అనుకుంది!

పోలీసుల తెలిపిన వివరాల ప్రకారం.. చిక్కమగళూరు జిల్లా శంకరపురకు చెందిన చేతన్ తొమ్మిదేళ్లుగా ఓ యువతిని ప్రేమించాడు. ఇద్దరూ తరచూ కలుసుకునేవారు. ఆమె సరదాలు, సంతోషాల కోసం బాగా ఖర్చు చేయాల్సి వస్తోందంటూ స్నేహితులతో చెప్పి వాపోయేవాడు. సరకు రవాణా వాహనాన్ని నడుపుతూ జీవించే చేతన్ తన ఆదాయంలో అధిక భాగం ఆమె కోసమే ఖర్చు చేసేవాడట. ఇటీవల పెళ్లి చేసుకుందామని చేతన్ ప్రతిపాదించగా ఆమె ససేమిరా అంది. ఆమె ప్రవర్తనతో విసిగిపోయి.. చివరకు జీవితంపై విరక్తి చెంది సోమవారం ఉరి వేసుకుని ఆత్మహత్య చేసుకున్నాడని స్నేహితులు పోలీసులకు తెలిపారు. అతని మృతదేహం వద్ద లేఖ ఒకటి లభించింది.

ఇది కూడా చదవండి: Bangladesh Woman: ఫేస్‌బుక్‌ ప్రేమ.. లవర్‌ కోసం నదిని ఈది భారత్‌కు వచ్చిన యువతి.. కానీ!

అందులో చేతన్‌.. తాను ప్రేయసి సరదాల కోసం రూ.4.50 లక్షలు ఖర్చు చేశానని పేర్కొన్నాడు. ఆ మొత్తాన్ని ఆమె నుంచి వసూలు చేసి తన కుటుంబానికి అందించాలని పోలీసులను కోరాడు. పోలీసులు కేసు దర్యాప్తు చేస్తున్నారు. ఈ సంఘటనపై మీ అభిప్రాయాలను కామెంట్స్‌ రూపంలో తెలియజేయండి.

ఇది కూడా చదవండి: Warangal Rural: ప్రేమించి పెళ్లి చేసుకున్నారు! కట్ చేస్తే కాపురానికి తీసుకెళ్లాలంటూ భర్త ఇంటి ముందు భార్య!