యూట్యూబ్ యూజర్లలకు షాక్! ఇక నుంచి వాటిని కూడా చూడాల్సిందే..!

నేటికాలంలో సోషల్ మీడియా వినియోగం ఎక్కువగా ఉంది. ప్రతి ఒక్కరు తమకు నచ్చిన విధంగా సోషల్ మీడియాను ఉపయోగించుకుంటున్నారు. సమాచారం తెలుకోవడం, ఫేమస్ అవ్వడానికి కూడా ఈ సోషల్ మీడియా ఎంతగానో ఉపయోగపడుతుంది. అలాంటి సామాజిక మాధ్యమాల్లో యూట్యూబ్ ఒక్కటి. ఇందులో వీక్షకుల సంఖ్య రోజు రోజుకు పెరిగిపోతుంది. దీంతో యూజర్లకు ఊహించని షాక్ ఇచ్చింది యూట్యూబ్.

యూట్యూబ్ ను వీక్షిస్తున్న వారి సంఖ్య రోజురోజుకు పెరిగిపోతోంది. ఉచితంగా లక్షల, కోట్ల వీడియోలు లభిస్తుండడంతో ఎక్కువ మంది యూట్యూబ్‌కు అట్రాక్ట్‌ అవుతున్నారు. అయితే మనకు ఉచితంగా కంటెంట్‌ ఇచ్చే యూట్యూబ్‌కు డబ్బులు ఎక్కడి నుంచి వస్తుందనే ప్రశ్న ప్రతిఒక్కరిలో తలెత్తుతోంది. అయితే మనం చూస్తున్న వీడియోల మధ్యలో వచ్చే యాడ్స్‌ ద్వారా యూట్యూబ్ కు ఆదాయం సమకూరుతుందనే విషయం చాలా మందికి తెలియకపోవచ్చు. అయితే యాడ్‌ ఫ్రీగా కంటెంట్‌ చూడాలనుకునే వారికోసం యూట్యూబ్‌ పెయిడ్‌ సేవలను ఇటీవల అందుబాటులోకి తీసుకొచ్చింది.

దీంతో యూజర్లు ఎలాంటి యాడ్స్‌ లేకుండా వీడియోలను చూసుకోవచ్చు. అయితే దీనికి డబ్బు చెల్లించాల్సి ఉంటుంది. ఇదే సమయంలో వాన్సెడ్‌ అనే యాప్‌ ఎలాంటి డబ్బులు చెల్లించకుండా యాడ్‌ ఫ్రీగా వీడియోలు చూసుకునే వెసులు బాటు కలిపించింది.ఆండ్రాయిడ్‌ ప్లాట్‌ఫామ్‌పై లభించే ఈ యాప్‌ను ఉపయోగించి యాడ్‌ ఫ్రీగా యూట్యూబ్‌ వీడియోలు చూసే అవకాశం ఉండేది. అయితే తాజాగా గూగుల్‌ వాన్సెడ్‌ యాప్‌కు గట్టి షాక్‌ ఇచ్చింది. తమ కంటెంట్‌పై వాన్సెడ్‌ పెత్తనం ఏంటంటూ న్యాయపరంగా చర్యలకు దిగింది. దీంతో వాన్సెడ్‌ యాప్‌ని వెనక్కి తీసుకుంది.

ఇప్పటికే డౌన్‌లోడ్‌ చేసుకున్న వారికి త్వరలోనే సేవలను నిలిపివేయనున్నట్లు ప్రకటించింది. వాన్సెడ్‌ సేవలు నిలిచిపోయాయని.. రానున్న రోజుల్లో డౌన్‌లోడ్‌ లింక్‌లను తొలగించనున్నట్లు.. ఈ విషయాన్ని ట్విట్టర్ వేదికగా యాజమాన్యం ప్రకటించింది. వినియోగదారులకు ఇది రుచించకపోవచ్చని.. కానీ ఇది చేయక తప్పదంటూ.. ఎన్నో ఏళ్లపాటు మాకు మద్ధుతుగా నిలిచిన వారికి ధన్యవాదాలు అంటూ ట్వీట్ చేసింది.మరి.. ఈవిషయంపై మీ అభిప్రాయాలను కామెంట్స్ రూపంలో తెలియజేయండి.

Vanced has been discontinued. In the coming days, the download links on the website will be taken down. We know this is not something you wanted to hear but it’s something we need to do. Thank you all for supporting us over the years.

— Vanced Official (@YTVanced) March 13, 2022

మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.