ఇకపై అలాంటి వీడియోలు పెడితే యూట్యూబ్ డబ్బులివ్వదు! కొత్త గైడ్ లైన్స్ ఇవే!

యూట్యూబ్ ఎప్పటికప్పుడు గైన్ లైన్స్ ని అప్ డేట్ చేస్తా అట్నుండి. తాజాగా మరోసారి యూట్యూబ్ కొత్త గైడ్ లైన్స్ ని తీసుకొచ్చింది. గైడ్ లైన్స్ ని చూస్తుంటే.. ఇప్పటి వరకూ ఒక లెక్క, ఇక నుంచి ఒక లెక్క అన్నట్టుంది. ఇప్పటివరకూ వేసిన వేషాలు చాలు, ఇక నుంచైనా మీ పిల్ల ఆటలు కట్టిపెట్టి యూట్యూబ్ గైడ్ లైన్స్ కి అనుగుణంగా వీడియోలను అప్ లోడ్ చేయమని సెలవిచ్చింది. కంటెంట్ కుటుంబ సమేతంగా అందరూ కలిసి చూసేలా ఉండాలని యూట్యూబ్ నిర్ణయించింది. ఒకప్పుడు విపరీతమైన క్రేజ్ ఉన్న నీలి రంగు కళాఖండాలని ఖండించినట్టే.. ఇప్పుడు బూతు కంటెంట్, బూతు డైలాగులు, అశ్లీల వీడియోలను పూర్తిగా నిషేధించాలని నిర్ణయం తీసుకుంది. యూట్యూబ్ గైడ్ లైన్స్ కి విరుద్ధంగా వీడియోలు అప్ లోడ్ చేస్తే ఇక మీ వీడియోలు మానిటైజేషన్ కావు. అంటే మీరు బూతు కంటెంట్, అశ్లీల కంటెంట్, ఇబ్బందికర వీడియోలు వంటివి అప్ లోడ్ చేస్తే డబ్బులు రావు అని యూట్యూబ్ ఖచ్చితంగా చెప్పింది. మరి కొత్తగా యూట్యూబ్ తీసుకొచ్చిన ఆ గైడ్ లైన్స్ ఏంటో చదివేయండి. 

అడల్ట్ కంటెంట్:

• థంబ్ నైల్స్ లో గానీ, టైటిల్స్ లో గానీ, వీడియోల్లో గానీ లైంగిక పరమైన పదాలు అంటే లింకులు గానీ, 18+ పదాలు గానీ ఉండకూడదు. అలానే వీడియోల్లో అసభ్యకరమైన భాష వాడకూడదు. పిరుదులు కనిపించేలా నిజమైన లేదా యానిమేటెడ్ చిత్రాలు ఉండకూడదు. లైంగిక చిట్కాలు, లైంగిక పని అనుభవాలు వంటివి వాయిస్ వీడియోలో ఉండకూడదు. అలానే జంతువులతో సంభోగించడం, అవ్యక్త లైంగిక చర్యలు వంటి కంటెంట్ తో వీడియోలు అప్ లోడ్ చేయకూడదు. ఈ గైడ్ లైన్స్ కి విరుద్ధంగా వీడియోలు అప్ లోడ్ చేస్తే యాడ్ రెవెన్యూ రాదు. 
• అయితే  ప్రేక్షకులను చెడు వైపు ప్రేరేపించకుండా లైంగిక చర్యలు, ఇంద్రియ నృత్యం, లైంగిక విద్య వంటివి అందించే శాస్త్రీయ కళలకు సంబంధించి పాత నిబంధన అలానే ఉంటుంది. అందులో ఎటువంటి మార్పు లేదు. ప్రకటనల ద్వారా ఆదాయం వస్తుంది.  

హింస:

• సందర్భం కాకపోయినా నాన్ గ్రాఫిక్ మృతదేహాలను చూపించడం, నిజమైన వ్యక్తి పేరు మీద ఆట పేరుతో హింసకు పాల్పడడం, క్రూరమైన సామూహిక హత్య వంటి దిగ్భ్రాంతికరమైన అనుభవాలను సృష్టించడానికి చేసే వీడియోలు, జనం ఉన్న బిల్డింగ్ లో బాంబులు పెట్టే వీడియోలు వంటివి అప్ లోడ్ చేస్తే డబ్బులు రావు.
• మొదటి 8 సెకండ్స్ తర్వాత తీవ్రమైన గాయాలు ఉన్న వీడియో గేమ్ లకి ప్రకటనల నుంచి ఆదాయం వస్తుంది. 
• విషాదాలు, వాటి తర్వాత జరిగే పరిణామాలు, వరదలు ముంచెత్తే దృశ్యాలు లేదా చట్టాన్ని అమలు చేయడంలో భాగంగా పోలీసులు స్వాధీనం చేసుకోవడం వంటి వీడియోలకు ప్రకటనల ద్వారా ఆదాయం వస్తుంది.  

హానికరమైన లేదా ప్రమాదకరమైన చర్యలు:

• ప్రయోగాలు లేదా మైనర్ పిల్లలకి సూట్ కాని, వాళ్ళు చేయలేని స్టంట్లని ఛాలెంజ్ గా తీసుకుని చేసే హానికరమైన, ప్రమాదకరమైన చర్యలను షూట్ చేసి వీడియోలు అప్ లోడ్ చేస్తే ప్రకటనల నుంచి ఆదాయం రాదు.

బూతు భాష:

• బూతుల పట్ల యూట్యూబ్ తన దృక్పథాన్ని మార్చుకున్నట్లు వెల్లడించింది. అన్ని రకాల బూతులు సమానంగానే ట్రీట్ చేస్తుంది. బూతుల్లో తేలికైన బూతులు, ఓ మోస్తరు బూతులు, బలమైన బూతులు, తీవ్రమైన బూతులు అన్నిటినీ వేర్వేరుగా చూడదల్చుకోవడం లేదని చెప్పుకొచ్చింది. లైట్ గా అయినా, మోస్తరుగా అయినా, బలంగా అయినా, తీవ్రంగా అయినా బూతుని బూతుగానే చూస్తామని చెప్పింది. అయితే హెల్ (నరకం), మంచు విష్ణు డైలాగ్ డామ్న్ అనే పదాలను అసభ్యకర పదాలుగా పరిగణించడం లేదని యూట్యూబ్ తెలిపింది. కాబట్టి టైటిల్స్ లో గానీ, థంబ్ నైల్స్ లో గానీ, వీడియోల్లో గానీ మొదటి 7సెకండ్లు లేదా వీడియో మొత్తం బూతు పదాలు వాడితే ప్రకటనల నుంచి ఆదాయం రాదు. అయితే ఈ బూతులు 8 సెకండ్ల తర్వాత వాడితే ప్రకటనల నుంచి ఆదాయం వచ్చే అవకాశం ఉందని తెలిపింది. బూతులతో కూడిన కంటెంట్ వీడియో మొత్తం లేదా మెజారిటీ భాగం బూతులతో ఉన్న వీడియోని మానిటైజ్ చేయకూడదని యూట్యూబ్ నిర్ణయించుకుంది.

రీక్రియేషనల్ డ్ర*గ్స్ మరియు డ్ర*గ్ సంబంధిత కంటెంట్:

• డ్ర*గ్ వాడకం, వినియోగం, ఇంజక్షన్ల ద్వారా డ్ర*గ్ తీసుకోవడం లేదా గేమింగ్ వీడియోల్లో కలిసి సిగరెట్ తాగడం వంటి వీడియోలకు ప్రకటనల ద్వారా ఆదాయం రాకపోవచ్చు. అంటే కొంతమంది వీడియో గేమ్స్ ఆడుతూ.. గేమ్ ప్లే వీడియోలు పెడుతుంటారు. వీళ్ళు గేమ్ ఆడుతూ సిగరెట్ తాగడం, డ్ర*గ్స్ తీసుకోవడం వంటివి చేయకూడదు. అలా చేసిన వీడియోలు అప్ లోడ్ చేయకూడదు. 
• అయితే గేమ్స్ లో డ్ర*గ్ డీలింగులు, డ్ర*గ్ సంబంధిన కంటెంట్ ఉన్నా ఏమీ కాదు. అలాంటి వీడియోలకు ప్రకటనల ద్వారా ఆదాయం వస్తుంది.

అంతేకాదు డిస్ హానెస్ట్ బిహేవియర్ గైడ్ లైన్ కింద కూడా కొత్త గైడ్ లైన్ ని తీసుకొచ్చింది యూట్యూబ్. రీటెయిల్ స్టోర్ యజమాని అనుమతి లేకుండా వీడియోల్లో నటించడం లేదా బిజినెస్ సమయాల తర్వాత కూడా అక్కడే ఉండి చేసే వీడియోలకు ప్రకటనల ఆదాయం రాదు. కాంపిటీటివ్ ఈ-స్పోర్ట్స్ లో హ్యాకింగ్ సాఫ్ట్ వేర్ ని వాడడం, ప్రోత్సహించడం లాంటివి చూపించే వీడియోలకు ప్రకటనల నుంచి వచ్చే ఆదాయం ఉండదు. గేమింగ్ ఛానల్ నడిపే వారికి కూడా యూట్యూబ్ కొత్త నిబంధనలు తీసుకొచ్చింది. విజయ్ దేవరకొండ, విశ్వక్ సేన్ సహా ఈ మధ్య ఎక్కువ మంది కామన్ గా వాడే ఫ, వాట్ ద ఫ వంటి పదాల విషయంలో యూట్యూబ్ కొన్ని ఆంక్షలు పెట్టింది. గేమ్ ప్లే వీడియోల్లో వాయిస్ ఇచ్చే వ్యక్తులు ఫ అనే లెటర్ తో మొదలయ్యే బూతు పదం వాడితే యాడ్ రెవెన్యూ రాదు. అదే పనిగా వీడియో మొత్తం ఈ పదాన్ని వాడకూడదు. 

• గేమింగ్ ఛానల్ మానిటైజేషన్ అవ్వాలంటే తెలుసుకోవాల్సిన గైడ్ లైన్స్ ఇవే. తెలుసుకోవడానికి ఇక్కడ క్లిక్ చేయండి
• మొత్తం గైడ్ లైన్స్ చదవడం కోసం ఇక్కడ క్లిక్ చేయండి

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.