UIDAI కీలక ప్రకటన.. ఆధార్‌ అప్‌డేట్‌ సేవలు ఫ్రీ!

ప్రస్తుతం ఆధార్ కార్డు మనిషి జీవితంలో నిత్యం అవసరమయ్యే ఒక ముఖ్యమైన డాక్యుమెంట్ అని చెప్పాలి. ఏ చిన్న అవసరమొచ్చినా ఆధార్ కార్డు చూపించండి అంటున్న రోజులివి. అందువల్ల.. ఆధార్‌లో తప్పులు దొర్లకుండా చూసుకోవాలి. ఏ చిన్న పొరపాటు జరిగినా చిక్కులు ఎదురవుతాయి. అయితే.. కొందరి ఆధార్‌లలో పేర్లు తప్పుగా పడటం.. మరికొందరికి డేట్ ఆఫ్ బర్త్, మొబలై నంబర్ లలో తప్పులు దొర్లుతుంటాయి. వాటిని అప్‌డేట్ చేసుకునే వీలున్నా.. చార్జీల పేరుతో అధికంగా వసూలు చేస్తున్నారు. దీంతో ఆధార్ కార్డును జారీ చేసే యూఐడీఏఐ సంస్థకు వెల్లువెత్తుతున్నాయి. ఈ నేపథ్యంలో యూఐడీఏఐ కీలక ప్రకటన చేసింది. బాల ఆధార్ఆధార్‌ అప్‌డేట్‌ కోసం వచ్చిన వినియోగదారుల ఎలాంటి ఛార్జీలు చెల్లించాల్సిన అవసరం లేదని ట్విట్‌ చేసింది.

ఆధార్ అప్‌డేట్ సర్వీసుల పేరుతో మీ-సేవ/ఈ-సేవ అధిక చార్జీలు వసూళ్లు చేస్తున్న సంఘటనలు నిత్యం జరిగేవే. చాలా మంది వందేగా ఏముందిలే అన్నట్లుగా వదిలేస్తున్నారు. మరికొందరు మాత్రం.. ఆధార్ కార్డును జారీ చేసే యూఐడీఏఐ సంస్థకు పిర్యాదు చేస్తున్నారు. ఈ నేపథ్యంలో యూఐడీఏఐ వీటికి చెక్ పెట్టే దిశగా ప్రయత్నాలు మొదలుపెట్టింది. ముందుగా 5 ఏళ్ల లోపు పిల్లలకు జారీ చేసే.. బాల్ఆధార్ లో అప్‌డేట్లకు ఎలాంటి చార్జీలు చెల్లించనక్కరలేదని తెలిపింది. ఈ మేరకు అధికారిక ట్విట్టర్ ఖాతాలో ట్వీట్ చేసింది.

బాల్‌ఆధార్‌ అనేది.. ఐదేళ్ల లోపు పిల్లలకు జారీచేసేది. నవజాత శిశువులు మొదలుకొని ఐదేళ్ల పిల్లలు వరకు ఎవరైనా ఈ కార్డు తీసుకోవచ్చు. దీనిని ‘బ్లూ ఆధార్ కార్డ్’ అని కూడా అంటారు. పిల్లల ఆధార్ కార్డు కోసం చాలా మంది మోసపూరితంగా డబ్బు డిమాండ్ చేస్తున్నారని ఫిర్యాదులు వస్తున్నట్లు యూఐడీఏఐ తెలిపింది. ఈ క్రమంలోనే ఈ నిర్ణయం తీసుకుంది. ఎవరైనా డబ్బులు అడిగితే.. హెల్ప్ లైన్ 1947 లేదా help@uidai.gov.in ఈమెయిల్‌కు ఫిర్యాదు చేయాలని సూచించింది.

#BaalAadhaar#AadhaarEnrolment & #MandatoryBiometricUpdates are FREE OF COST
UIDAI is strictly against any agency accepting extra money from residents for Aadhaar services.
If you’re asked to pay extra, please call 1947 or email us at help@uidai.gov.in to register your complaint. pic.twitter.com/7QCOgMjbKT

— Aadhaar (@UIDAI) December 6, 2022