Pakistan: ఐపీఎల్ లోకి పాకిస్థాన్ మాజీ పేసర్? అదే జరిగితే ఆర్సీబీ జట్టులో ఛాన్స్!

దేశంలో ఇండియన్ ప్రీమియర్ లీగ్ కి ఉండే క్రేజ్ గురించి ప్రత్యేకంగా చెప్పాల్సిన అవసరం లేదు. స్వదేశీ, విదేశీ అనే తేడా లేకుండా ప్రతి ఒక్కరు ఐపీఎల్ ఆడదానికి ఆసక్తి చూపిస్తారు. డబ్బు,పేరు ఇలా అన్ని ఓవర్ నైట్ లో సంపాదించుకొని ఐపీఎల్ ద్వారా స్టార్ క్రికెటర్లు అయిన వారు చాలా మంది ఉన్నారు. ప్రపంచంలో పాకిస్థాన్ మినహాయిస్తే అన్ని జట్ల అంతర్జాతీయ ఆటగాళ్లు ఐపీఎల్ లో ఆడుతూ సందడి చేస్తారు. 2008 లో పాకిస్థాన్ ఆటగాళ్లు ఐపీఎల్ ఆడినా.. ఆ తర్వాత ఇరుదేశాల సరిహద్దుల్లో నెలకొన్న ఉద్రిక్తతల నేపథ్యంలో దాయాధి ఆటగాళ్లను ఈ మెగా టోర్నీ నుండి నిషేధించారు. అయితే తాజా సమాచారం ప్రకారం పాక్ మాజీ పేసర్ ఐపీఎల్ డెబ్యూ చేయడానికి సిద్ధమైపోయాడని తెలుస్తుంది.

పాకిస్థాన్ మాజీ పేసర్ మహమ్మద్ ఆమీర్ ప్రస్తుతం పాకిస్థాన్ తరపున అంతర్జాతీయ క్రికెట్ ఆడడం లేదు. జట్టులో చోటు కోల్పోయిన ఈ లెఫ్ట్ హ్యాండ్ సీమర్ ప్రపంచం దేశాల్లోని అన్ని లీగ్ లు ఆడుతూ రాణిస్తున్నాడు. ఇదిలా ఉండగా ఆమీర్ పాకిస్థాన్ దేశానికి చెందిన వాడైనా ఐపీఎల్ ఆడేందుకు సిద్ధమయ్యాడని సమాచారం. రూల్స్ కి ఇది విరుద్ధమైన ఇప్పుడు ఈ ఫాస్ట్ బౌలర్ పూర్తిగా పాకిస్థాన్ పౌరసత్వాన్ని వదులుకుంటున్నాడు. పూర్తి వివరాళ్లోకేతే.. 2020 నుంచి మహమ్మద్ ఆమీర్ ఇంగ్లండ్‌లోనే నివాసం ఉంటున్నాడు. ‘బ్రిటన్ పౌరసత్వం రావాలంటే మరో ఏడాది సమయం పడుతుంది. అప్పుడు ఏం జరుగుతుందో ఇప్పుడే చెప్పలేను. ఒక్కసారి పాస్‌పోర్ట్‌ లభిస్తే.. తప్పకుండా అన్నింటికి అందుబాటులో ఉంటా. ఐపీఎల్ ని వదులుకోను. అయితే, ఇంగ్లండ్ జాతీయ జట్టు తరఫున మాత్రం క్రికెట్‌ ఆడను. పాక్ నుంచి నా అంతర్జాతీయ క్రికెట్‌ను ఇప్పటికే ఆడేశా” అని అమీర్‌ చెప్పుకొచ్చాడు.

ఐపీఎల్ సీజన్‌ 2024 ప్రారంభానికి కూడా మరో పది నెలల సమయం ఉంది. దీంతో ఆమీర్ ఐపీఎల్ ఆడతాడని హింట్ ఇచ్చేసాడు. అదే జరిగితే ఈ మాజీ పేసర్ ఐపీఎల్ 2024 సీజన్‌లో డెబ్యూ చేసే అవకాశముంది. అయితే ఇప్పుడు అమీర్ ఐపీఎల్ లో రాయల్ ఛాలెంజర్స్ బెంగుళూరు తరపున ఆడతాడనే న్యూస్ చక్కర్లు కొడుతుంది. కోహ్లీతో అమీర్ కి మంచి సంబంధాలు ఉన్నాయని అతని స్నేహితులు చెప్పుకొస్తున్నారు. మొత్తానికి ఈ పాక్ పేసర్ ఐపీఎల్ ఆడతాడా? లేదా ?ఆడితే ఏ జట్టుకి ఆడతాడు అనే సస్పెన్స్ కి తెరదించాలంటే మరి మరో 10 నెలలు ఆగాల్సిందే. ఈ విషయంలో మీ అభిప్రాయాలను కామెంట్ల రూపంలో తెలపండి.