Cricket News: పూర్‌ ఫామ్‌తో క్రికెట్‌కు గుడ్‌బై చెప్పనున్న స్టార్‌ ప్లేయర్‌

క్రికెట్‌లో ఫామ్‌లో ఉంటేనే కెరీర్‌ కొనసాగేది.. పరుగులు చేయకుండా జట్టుకు భారంగా మారితే ఎంతటి స్టార్‌ ప్లేయర్‌ అయినా ఉద్వాసనకు గురికాక తప్పదు. మహా అయితే కొన్ని ఎక్కువ మ్యాచ్‌లు అవకాశం ఇస్తారు. మంచి ఆటతో కెరీర్‌లో శిఖరాగ్రానికి చేరుకుని కెరీర్‌ చివర్లో బ్యాడ్‌ ఫామ్‌తో ఇబ్బంది పడుతూ.. జట్టుగా భారంగా మారి సెలెక్టర్లు పక్కనపెట్టాలా చేసుకుని అవమానం పొందేకంటే.. గౌరవంగా తప్పుకుంటే ఉత్తమంగా ఉంటుంది. ఇప్పుడు ఇదే సూత్రాన్ని ఇంగ్లండ్‌ కెప్టెన్‌ ఇయాన్‌ మోర్గాన్‌ పాటించనున్నట్లు తెలుస్తుంది. ప్రస్తుతం బ్యాడ్‌ ఫామ్‌లో ఉన్న అతను జట్టుకు భారంగా మారకుండా అంతర్జాతీయ కెరీర్‌ నుంచి రిటైర్‌ అయ్యేందుకు నిర్ణయం తీసుకున్నట్లు సమాచారం. ఒక వారంలో అతను తన రిటైర్మెంట్‌ నిర్ణయాన్ని ప్రకటించే అవకాశం ఉన్నట్లు తెలుస్తుంది.

2015లో ఇంగ్లండ్‌ పరిమిత ఓవర్ల కెప్టెన్‌గా బాధ్యతలు స్వీకరించిన మోర్గాన్‌ జట్టును విజయవంతంగా నడిపించాడు. 2019లో ఇంగ్లండ్‌ వన్డే వరల్డ్‌ కప్‌ను మోర్గాన్‌ కెప్టెన్సీలోనే గెలిచింది. కెప్టెన్‌గా ఇంగ్లండ్‌ దశదిశను మార్చిన మోర్గాన్‌ ప్రస్తుతం ఫామ్‌లేమితో ఇబ్బంది పడుతున్నాడు. ఇదే విషయంపై స్పందించిన మోర్గాన్‌ జట్టుకు నేను నా సేవలు సరిగా అందించలేకపోతున్నాను అని నేను భావించిన క్షణం నేను నా కెరీర్‌కు ముగింపు పలుకుతాను అని పేర్కొన్నాడు. దీంతో మోర్గాన్‌ రిటైర్మంట్‌ ఆలోచనలో ఉన్నట్లు తెలుస్తుంది. మోర్గాన్‌ కెప్టెన్‌గా ఉండి అంతర్జాతీయ క్రికెట్‌కు రిటైర్మెంట్‌ ప్రకటిస్తే.. అతని స్థానంలో ఇంగ్లండ్‌ వన్డే, టీ20 జట్టుకు జోస్‌ బట్లర్‌ లేదా ఆల్‌రౌండర్‌ మొయిన్‌ అలీ కెప్టెన్‌ అయ్యే అవకాశాలు ఉన్నాయి.

ఇప్పటి వరకు మోర్గాన్‌ 16 టెస్టులు ఆడి 700 పరుగులు చేశాడు. అందులో రెండు సెంచరీలు, 3 హాఫ్‌ సెంచరీలు ఉన్నాయి. 246 వన్డేలు ఆడి 7701 పరుగులు చేశాడు. అందులో 14 సెంచరీలు, 47 హాఫ్‌ సెంచరీలు ఉన్నాయి. ఇక 115 టీ20ల్లో 2458 పరుగులు చేశాడు. అందులో 14 అర్ధ శతకాలు ఉన్నాయి. ప్రస్తుతం 35 ఏళ్ల మోర్గాన్‌ ఇంగ్లండ్‌కు తొలి వరల్డ్‌ కప్‌ అందించిన కెప్టెన్‌గా చరిత్రలో నిలిచిపోతాడు. అలాగే ఐపీఎల్‌ 2021లో కోల్‌కత్తా నైట్‌ రైడర్స్‌కు మోర్గాన్‌ కెప్టెన్‌గా వ్యవహరించాడు. కెప్టెన్‌గా కేకేఆర్‌ను ఫైనల్‌ చేర్చినా.. బ్యాట్‌తో పెద్దగా రాణించలేదు. దీంతో కేకేఆర్‌ ఐపీఎల్‌ 2022 కోసం మోర్గాన్‌ రిటేన్‌ చేసుకోలేదు. మరి మోర్గాన్‌ కెరీర్‌పై మీ అభిప్రాయాలను కామెంట్ల రూపంలో తెలియజేయండి.

Exclusive: Eoin Morgan could be set to announce his retirement from international cricket this week, with England’s World Cup-winning captain understood to have been mulling over his future in recent days.

Story: @Cricket_Ali https://t.co/LCRl3AQk1t

— Guardian sport (@guardian_sport) June 27, 2022