follow us:
ఒకప్పుడు తెలుగు ఇండస్ట్రీలో అచ్చమైన తెలుగమ్మాయిలా కనిపించి తెలుగు ప్రేక్షకుల మనసు దోచిన నటి సీత. తెలుగులోనే కాకుండా ఇతర భాషల్లో నటించి మెప్పించింది. ప్రస్తుతం తల్లి, అత్త పాత్రల్లో నటిస్తోంది. హీరోయిన్ గా ఆమె కెరీర్ మంచిగా సాగుతున్న సమయంలో సీనియర్ నటుడు పార్థిబన్ తో ప్రేమలో పడింది. కొంతకాలం తర్వాత వీరిద్దరూ 1990లో పెళ్లి చేసుకున్నారు.
2001లో పార్థిబన్ తో సీతకు వ్యక్తిగత విషయాలో అభిప్రాయా భేదాలు రావడంతో విడాకులు తీసుకుంది. ఆ తర్వాత కొన్నాళ్లు ఒంటరిగానే జీవించింది. అప్పట్లో బుల్లితెర నటుడు సతీష్ ని సీత మళ్లీ వివాహం చేసుకున్నట్లు వార్తలు వచ్చాయి. దీనిపై స్పందించిన నటుడు సతీష్ అలాంటది ఏమీ లేదని అన్నారు.
తాను మొదట వెండితెరపై నటించినప్పటికీ తన కెరీర్ ని నిలబెట్టింది మాత్రం బుల్లితెర అని అన్నారు. ఇక సీత విషయానికి వస్తే ఒక టీవీ సీరియల్ లో నటిస్తున్న సమయంలో ఆమె తో పరిచయం అయ్యింది. అది కేవలం పరిచయం.. స్నేహం మాత్రమే. తమకు పెళ్లి కాలేదని, సీరియల్ సమయంలో తమ మధ్య పరిచయం పెరిగిందరని.. అది మంచి స్నేహం లాంటిదని అన్నాడు. కానీ తమ మద్య స్నేహాన్ని కొంత మంది గిట్టని వాళ్లు రక రకాలుగా రూమర్లు సృష్టించారు.
తమకు పెళ్లి కాలేదని.. కానీ అందరూ తమ ఇద్దరికీ పెళ్లి అయింది అని అంతేకాకుండా విడాకులు కూడా తీసుకున్నట్లు పత్రికల్లో, మీడియాలో తెగ వార్తలు వచ్చాయి. వాస్తవానికి ఇది నిజం కాదని అన్నారు. సీతకు మొదటి భర్తతో విడాకులు తీసుకున్నప్పటికే ఇద్దరు పిల్లలు ఉన్నారని ఆ తర్వాత ఒక అబ్బాయిని దత్తత తీసుకున్నారని అన్నారు. ఆమె పర్సనల్ లైఫ్ గురించి నేను మాట్లాడటం సబబు కాదని అన్నారు.
ఇక సీత కోట్ల ఆస్తులు మీ వల్ల పోయాయని ఇంటర్వ్యూలో ప్రశ్నించగా నవ్వుతూ సమాధానం ఇచ్చారు సతీష్.. అవన్నీ మీడియా సృష్టించిన కథనాలే.. వాటిని చూసి నేను, సీత నవ్వుకునేవాళ్లం అన్నారు. తన ఆస్తులన్నీ హరించిపోయాయని పేపర్లో రావడం చూసి సీత తనతో ఏంట్రా నువ్వు నా ఆస్తులన్నీ లాగేసుకున్నావట, నన్ను ఎక్కడో ఒక చిన్న ఇంట్లో పెట్టారట అంటూ తనతో చెప్పి గట్టిగా నవ్వారని.. ఈ సందర్భంగా సతీష్ వెల్లడించారు. ఆమె ఆస్తులు ఎక్కడా హరించుకుపోలేదని.. జాగ్రత్తగానే ఉన్నాయని క్లారిటీ ఇచ్చారు. కొన్నిసార్లు ఇలాంటి వార్తలు చూస్తుంటే మనసు బాధపడుతుందని అన్నారు.
ఈ సందర్బంగా తన ఆస్తుల గురించి మాట్లాడుతూ.. తాను దూరదర్శన్ లో కెరీర్ ప్రారంభించానని.. అక్కడే తనకు మంచి పేరు వచ్చిందని అన్నారు. కెరీర్ బిగినింగ్ లో హీరోగా.. ప్రస్తుతం తండ్రి పాత్రల్లో నటిస్తున్నట్లు తెలిపారు. ఒక హీరో రేంజ్ కి ఉన్నంత క్రేజ్ మీకు ఉంది.. మరి ఎంత వరకు సంపాదించారన్న ప్రశ్నకు జవాబు ఇస్తూ.. తాను ఆ విషయం చెబితే ఐటీ వాళ్లు తనపై విరుచుకుపడతారని నవ్వుతూ అన్నారు. నేను సంపాదించినవన్నీ సద్వినియోగం చేసుకుని ఉంటే.. దాదాపు 200 కోట్లు ఉండొచ్చని అన్నారు.
ఇండస్ట్రీలో మంచి సంపాదన వచ్చిన సమయంలో దాన, ధర్మాలు చేస్తూ వచ్చానని.. కష్టం అని ఎవరు వచ్చినా వారికి చేతనైనంత సహాయం చేసేవాడినని అన్నారు. కానీ ఈ విషయాలు బహిరంగంగా ఎవరికీ చెప్పుకోను అన్నారు. ప్రస్తుతం తాను ఒక చిన్న ఇంటిలోనే ఉంటున్నానని అన్నారు. ఈ విషయం పై మీ అభిప్రాయాలు కామెంట్స్ రూపంలో తెలియజేయండి.
