పెళ్లైన ఏడు నెలలకే అంటూ.. అలియా భట్ పై నటుడు సెటైరికల్ ట్వీట్!

సినీ ఇండస్ట్రీలో నటీనటులు రీల్ లైఫ్ లోనే కాదు.. రియల్ లైఫ్ లో కూడా ప్రేమించుకొని పెళ్లి చేసుకున్నారు. కొంతకాలం డేటింగ్ లో ఉంటూ తమ బంధుమిత్రుల సమక్షంలో వివాహబంధంతో ఒక్కటవుతున్నారు. బాలీవుడ్ లో నటుడిగా, నిర్మాతగా కెరీర్ ఆరంభించిన కమల్ ఆర్ ఖాన్ (కేఆర్ కే) కొంతకాలంగా తనదైన కాంట్రవర్సీ రివ్యూలో ఇస్తూ వార్తల్లో నిలుస్తున్నారు. సూపర్ హిట్ చిత్రాలకు సైతం ఆయన నెగిటీవ్ రివ్యూలు ఇచ్చి రచ్చచేసిన సందర్భాలు ఎన్నో ఉన్నాయి. ఇప్పటికే ఆయనపై పలు కేసులు కూడా నమోదు అయ్యాయి.

కొంతకాలంగా ప్రేమించుకుంటున్న అలియా- రణ్‌బీర్ కపూర్ 2022 లో పెళ్లి చేసుకున్నారు. ముంబైలో ఆదివారం అలియా భట్ పండంటి ఆడబిడ్డకు జన్మనిచ్చింది. దీంతో ఇరు కుటుంబ సభ్యులో ఎంతో సంతోషంలో మునిగిపోయారు. అయితే పెళ్లైన రెండు నెలలకే అలియా ప్రెగ్నెన్స్ గా కన్ఫామ్ చేసిన విషయం తెలిసిందే. పాపకు జన్మనిచ్చిన తర్వాత ఈ జంటకు బాలీవుడ్, టాలీవుడ్ సెలబ్రెటీలు శుభాకాంక్షలు తెలిపారు. కానీ.. కాంట్రవర్సీకి కేరాఫ్ అడ్రస్ గా నిలిచే కమల్ ఆర్ ఖాన్ మాత్రం అందరికీ భిన్నంగా ఈ జంటకు శుభాకాంక్షలు తన ట్విట్టర్ లో తెలిపాడు.

వివాహం జరిగిన ఏడు నెలలకే అలియా-రణ్‌బీర్ కపూర్ దంపతులకు తల్లిదండ్రులు అయినందుకు అభినందనలు అంటూ కమల్ ఆర్ ఖాన్ ట్విట్ చేశాడు. కలమ్ ఆర్ ఖాన్ చేసిన ట్వీట్ కి అలియా-రణ్‌బీర్ కపూర్ అభిమానులు, నెటిజన్లు తీవ్ర స్థాయిలో మండిపడ్డారు.. ఎప్పుడూ నెగిటీవ్ ఆలోచనలోనే ఉంటారా? మీకు ఒక బిడ్డ ఉంది కదా అంటూ కామెంట్స్ చేస్తున్నారు. దీనిపై స్పందించిన కమల్ ఆర్ ఖాన్ ‘ఎందుకు అంతగా ఫీల్ అవుతున్నారు.. దేశంలో ఎంతో మంది ఏడో నెలకే పుట్టినవారు ఉంటారు.. ఇలా నెలలు నిండకుండానే పుట్టడం సర్వసాధారణం’ అంటూ తనను సమర్ధించుకున్నాడు కమల్ ఆర్ ఖాన్.

Congratulations to #RanbirKapoor and #AliaBhatt for becoming proud parents of a beautiful daughter within 7months.👏🎉💃

— KRK (@kamaalrkhan) November 6, 2022