శ్రీ కాళహస్తీశ్వరుడి సన్నిధిలో ప్రారంభమైన ‘కన్నప్ప’..

భక్త కన్నప్ప… శ్రీ కాళహస్తిలో శ్రీ కాళహస్తీశ్వరుడుగా కొలువుదీరిన పరమేశ్వరుడి కి పరమ భక్తుడు. శ్రీకాళహస్తీశ్వరుడి లింగం నుంచి వస్తున్న రక్తాన్ని ఆపడానికి తన రెండు కళ్ళు పీకి వేసుకొని రక్తం కారకుండా లింగానికి తన కళ్ళని అడ్డుగా ఉంచిన గొప్పశివ భక్తుడు. ఈ భూమ్మీద శివుడికి కన్నప్పని మించిన భక్తుడు లేరని కూడా చరిత్ర కధనం. అంతటి గొప్ప శివ భక్తుడు అయిన భక్తకన్నప్ప మీద ఇండియాలో ఇంతవరకు రెండు సినిమాలు మాత్రమే వచ్చాయి. ఆ సినిమాలు వచ్చి దాదాపు 45 సంవత్సరాలు పైనే అవుతుంది. మళ్ళీ ఇన్ని సంవత్సరాలకి భక్త కన్నప్ప కి సంబంధించిన సినిమా రాబోతుంది. భారత దేశంలోనే ఒక క్రేజీ ప్రాజెక్ట్ గా ఈ సినిమా రూపుదిద్దుకోనుంది . ఇందుకు సంబంధించి శ్రీ కాళహస్తి లోని శ్రీ కాళహస్తీశ్వరుడు సమక్షంలో ఈ భక్త కన్నప్ప చిత్రం ప్రారంభం అయ్యింది .ఈ భక్తకన్నప్ప చిత్రం ఈ చిత్రం లో కన్నప్ప గా చేస్తున్న ఒక నటుడి జీవిత ధ్యేయం కూడా.

మంచు మోహన్ బాబు నటవారసుడు మంచు విష్ణు ఎన్నో సంవత్సరాల నుంచి భక్తకన్నప్ప మీద సినిమా చెయ్యాలని భావిస్తూ వచ్చాడు. ఒక రకంగా చెప్పాలంటే భక్త కన్నప్ప మూవీలో కన్నప్ప చేయడం మంచు విష్ణు జీవిత ధ్యేయం. తాజాగా భక్త కన్నప్ప సినిమా ప్రారంభోత్సవం శ్రీ కాళహస్తి లోని స్వామి సన్నిధిలో జరిగింది. మంచు విష్ణు సినీ కెరీర్ లోనే అత్యంత భారీ వ్యయంతో ఈ భక్తకన్నప్ప మూవీని మోహన్ బాబు స్వయంగా నిర్మిస్తున్నాడు. శ్రీకాళహస్తి లో చిత్రీకరించిన ముహూర్తపు షాట్ కి పలువురు రాజకీయ నాయకులతో పాటు నిర్మాత మోహన్ బాబు ఈ చిత్ర హీరోయిన్ నుపుర్ సనన్, చిత్ర దర్శకుడు ముకేశ్ కుమార్ సింగ్ పాల్గొన్నారు. స్టార్ ప్లస్ లో ప్రసారమయిన మహాభారత సిరీస్ ని తెరకెక్కించింది ముకేశ్ కుమారే.

ఈ సందర్భంగా మంచు విష్ణు మీడియా తో మాట్లాడారు. శ్రీ కాళహస్తీశ్వరుడి పాదాల దగ్గర ఆయన భక్తుడైన భక్త కన్నప్ప మూవీని ప్రారంభంచిడం నా జేవితంలో మరిచిపోలేని ఒక అనుభూతుని ఇచ్చిందని అన్నారు. తన జీవిత ధ్యేయమైన భక్త కన్నప్ప మూవీని ఇన్నాళ్లకు తెరకెక్కిస్తునందుకు చాల సంతోషంగా ఉందని అన్నాడు. భక్తకన్నప్ప కథ 2 వ శతాబ్దం లో జరిగిన కథ కాబట్టి కాళహస్థీ తో పాటు ఇక్కడి వాతావరణంలో చెయ్యడం కుదరదని అందుకే న్యూజీలాండ్ లో ఉన్న అడువు ల్లో షూటింగ్ మొత్తం చేస్తామని చెప్పాడు. ఎక్కడ షూటింగ్ చేసిన శ్రీ కాళహస్తీశ్వరుడి ఆశీస్సులు తమకి ఉంటాయని చెప్పాడు. అందుకు సంబంధించి ఆరు నెలలు న్యూజీలాండ్ లోనే ఉంటామని చెప్పాడు.

24 ఫ్రేమ్స్ ఫ్యాక్టరీ అండ్ అవా ఎంటెర్టైన్మెంట్స్ పతాకం పై అత్యంత భారీవ్యయం తో అత్యంత ప్రతిష్టాత్మకంగా నిర్మాణం అవుతున్న ఈ భక్త కన్నప్ప మూవీలో భారతదేశానికి చెందిన అన్ని భాషల్లోని నటినటులు నటిస్తున్నారు. పాన్ ఇండియా లెవెల్లో రిలీజ్ అవ్వడానికి భక్త కన్నప్ప మూవీ ముస్తాబు అవ్వబోతుంది. 16వ శతాబ్దంలో మహాకవి దూర్జటి రచించిన శ్రీకాళహస్తీశ్వర మహత్యంలో ఉన్న భక్తకన్నప్ప జీవిత కథ ఆధారంగా చేసుకొని భక్త కన్నప్ప మూవీ రూపుదిద్దుకోబోతుంది.