‘KGF 2’ క్లైమాక్స్‌తో ‘సలార్’ టీజర్‌కి లింక్! ఏమి స్కెచ్ వేశావు నీల్ మావ?

ఒకప్పుడంటే రేడియో, టీవీ, పేపర్స్, మ్యాగజైన్స్‌లో ప్రకటనలు లేదా గోడ మీద వాల్ పోస్టర్స్ చూస్తే తప్పించి సినిమా అప్‌డేట్స్ పెద్దగా తెలిసేవి కావు. కానీ ఇప్పడలా కాదు. ఏ చిన్న వార్త అయినా క్షణాల్లో ప్రపంచ నలుమూలలకు వెళ్లి పోతుంది. ముఖ్యంగా సినిమా ప్రమోషన్ల విషయంలో సోషల్ మీడియా కీ రోల్ ప్లే చేస్తుంది. మూవీ అనౌన్స్‌మెంట్ నుండి కలెక్షన్ల వరకు ప్రతీది వైరల్ అయిపోతుంటుంది. ఇక పాత చిత్రాలకు సంబంధించిన ఇంట్రెస్టింగ్ ఫ్యాక్ట్స్, బ్రహ్మానందం ఫోటోలతో, సినిమాలోని సన్నివేశాలతో చేసే మీమ్స్ అయితే కిరాక్ అసలు. అలాగే సినిమాల్లో ఉండే ఆసక్తికరమైన అంశాలకు చెందిన న్యూస్ అయితే తెగ ట్రెండ్ అవుతుంటుంది. ఇప్పుడలానే కన్నడ పరిశ్రమలో సెన్సేషన్ క్రియేట్ చేసిన పాన్ ఇండియన్ ఫిలిం ‘కె.జి.యఫ్’ సీక్వెల్ ‘కె.జి.యఫ్ 2’ కీ, టాలీవుడ్ రెబల్ స్టార్, గ్లోబల్ స్టార్ ప్రభాస్ నటిస్తున్న ‘సలార్’ మూవీకి ఓ ఇంట్రెస్టింగ్ లింక్ ఉంది అనే విషయాన్ని కనిపెట్టారు నెటిజన్లు.

‘కె.జి.యఫ్ – చాప్టర్:1’ తో యావత్ ప్రపంచం చూపు కన్నడ ఇండస్ట్రీ వైపు తిప్పాడు డైరెక్టర్ ప్రశాంత్ నీల్. రెండో భాగం మీద భారీ అంచనాలు పెరిగిపోయాయి. అవలీలగా ఆ అంచనాలను అందుకోవడమే కాక వైయ్యి కోట్లకు పైగా వసూళ్లు సాధించింది. ఇప్పుడు రెబల్ స్టార్ ప్రభాస్ హీరోగా ‘సలార్’ చేస్తున్నాడు ప్రశాంత్. క్రేజీ కాంబో కావడంతో ఆకాశమే హద్దు అనేలా భయంకరమైన అంచనాలు నెలకొన్నాయి. ఇక ఫ్యాన్స్, మూవీ లవర్స్, ప్రేక్షకులు ఎంతో ఆసక్తిగా ఎదురు చూస్తున్న టీజర్ డేట్ లాక్ చేశారు. జూలై 6 ఉదయం 5:12 గంటలకు విడుదల చేయనున్నట్లు ప్రకటించారు.

అయితే ‘సలార్’ టీజర్ టైం ‘కె.జి.యఫ్ 2’ లోనే రాకీ భాయ్ రివీల్ చేసేశాడట. క్లైమాక్స్‌లో రాకీ భాయ్ మీద దాడి జరిగినప్పుడు సమయం తెల్లవారుజాము 5 గంటలు. షిప్‌లోని ఓ గడియారంలో టైం కనిపిస్తుంది. గంట ముల్లు 5 మీద, నిమిషాల ముల్లు 12 మీద ఉంది. దాన్ని హైలెట్ చేస్తూ.. ‘‘KGF 2 చివర్లోనే ‘సలార్’ టీజర్ టైం గురించి హింట్ ఇచ్చాడు. నీల్ మామ పెద్ద ప్లానే వేశాడు. రాకీ భాయ్‌కీ, ‘సలార్’ కీ ఏదో లింక్ ఉండే ఉంటుంది. లోకి యూనివర్స్ టైపులో ప్రశాంత్ నీల్ ఏదో గట్టిగానే స్కెచ్ వేశాడు. సెప్టెంబర్ 28 నుండి బాక్సాఫీస్ ఊచకోతం పక్కా’’ అంటూ డార్లింగ్ ఫ్యాన్స్ కామెంట్స్ చేస్తున్నారు.

In #Yash‘s #KGFChapter2 climax Rocky Bhai gets attacked at 5:12 AM and submerged in the sea.

Now #Prabhas‘ #SalaarTeaser is planned to release at the same time on July 6th..

Looks like a master plan from #PrashanthNeel to create a BRILLIANT connection between #KGF2 and #Salaar. pic.twitter.com/ctprzO6NLw

— Manobala Vijayabalan (@ManobalaV) July 3, 2023