follow us:
ఆమెని చూస్తే క్యూట్ గా ఉంటుంది. నవ్వితే నవరత్నాలు పడ్డాయేమో అనేంతగా అందంగా ఉంటుంది. చేసింది తక్కువ సినిమాలే అయినా స్టార్ హీరోయిన్ గా గుర్తింపు మాత్రం తెచ్చుకుంది. స్వతహాగా జిమ్నాస్ట్ అయిన ఆమె.. సోషల్ మీడియాలోనూ ఆ వీడియోలనే ఎక్కువగా పోస్ట్ చేస్తూ ఉంటుంది. ఈ మధ్య ఓ సినిమాలో నటిస్తున్నానని అనౌన్స్ చేసింది. ఇక ఆ మూవీ అయితే కాంటవర్సీలో చిక్కుకుంది. ఇక సినిమాలు-సోషల్ మీడియాలో ట్రెండ్ లో ఉండే ఆ భామ ఎవరో గుర్తుపట్టారా? లేదా చెప్పేయమంటారా?
ఇక వివరాల్లోకి వెళ్తే.. పైన ఫొటోలో కనిపిస్తున్న చిన్నారి అదాశర్మ. ఈమెది తమిళ బ్రహ్మణ కుటుంబం. తండ్రి మర్చంట్ నేవీలో పనిచేయడం వల్ల ముంబయిలోనే పెరిగింది. తల్లి క్లాసికల్ డ్యాన్సర్. ఇక పదో క్లాస్ లో ఉన్న టైంలో.. నటి కావాలని ఫిక్సయిపోయింది. అదే విషయాన్ని తల్లిదండ్రులకు చెప్పింది. వాళ్ల నచ్చజెప్పడంతో ఇంటర్ పూర్తి చేసి అక్కడితో చదువు ఆపేసింది. ఇక మూడో ఏట నుంచే డ్యాన్స్ నేర్చుకుంది. కథక్ నృత్యంలో గ్రాడ్యుయేషన్ పూర్తి చేసింది. యూఎస్ కి వెళ్లిన అదాశర్మ.. కేవలం నాలుగు నెలల్లో సాల్సా డ్యాన్స్ నేర్చేసుకుంది. ఇక ‘బెల్లీ’ డ్యాన్స్ చేయడంలో ది బెస్ట్ గా మారిపోయింది.
ఇక సినీ కెరీర్ విషయానికొస్తే.. 2008లో హిందీలో వచ్చిన ‘1920’ సినిమాతో హీరోయిన్ గా ఎంట్రీ ఇచ్చింది. ఆ తర్వాత ఫిర్, హమ్ హై రహీ కర్ కే లాంటి సినిమాలు చేసింది. ఇక వీటి తర్వాత ‘హార్ట్ ఎటాక్’ మూవీతో తెలుగులోకి హీరోయిన్ గా ఎంట్రీ ఇచ్చింది. ఆ తర్వాత సన్నాఫ్ సత్యమూర్తి, సుబ్రహ్మణ్యం ఫర్ సేల్, గరమ్, క్షణం, కల్కి లాంటి సినిమాల్లో యాక్ట్ చేసింది. 2019లో తెలుగు చివరి సినిమా చేసిన అదా.. మళ్లీ మూడేళ్లకు ‘మీట్ క్యూట్’ వెబ్ సిరీస్ తో పలకరించింది. అలానే ‘ద కేరళ స్టోరీస్’ అనే మూవీ కూడా చేస్తోంది. ఇందులో అదా ముస్లిం యువతిగా నటిస్తోంది. ఇక సోషల్ మీడియాలోనూ ఎప్పటికప్పుడు హాట్ హాట్ ఫొటోలు పోస్ట్ చేస్తూ అలరిస్తూనే ఉంది. సరే అదాశర్మ చిన్నప్పటి ఫొటో, ప్రస్తుత ఫొటో చూస్తే మీకు ఏమనిపించింది. దిగువ కామెంట్ చేయండి.
View this post on Instagram
