సీరియల్స్ లో నటించే వారు కట్టిన చీరలు తర్వాత ఏం చేస్తారు?

సినీ ఇండస్ట్రీ అంటే ఓ రంగుల ప్రపంచం. ఇక్కడ కనీ వీనీ ఎరుగని రీతిలో అద్భుతాలు సృష్టిస్తుంటారు. వెండితెరపై సినీ నటులు ఎంత గ్లామర్ గా కనిపిస్తారో.. వారు వేసుకునే కాస్ట్యూమ్స్ కి కూడా అంతే ప్రాధాన్యత ఇస్తుంటారు. కాస్ట్యూమ్స్, హెయిర్ స్టైల్ విషయాల్లో హీరో, హీరోయిన్లను ఫాలో అవుతుంటారు హార్డ్ కోర్ అభిమానులు. ఈ మద్య వెండితెరపైనే కాదు బుల్లితెరపై అద్భుతాలు సృష్టిస్తున్నారు. బుల్లితెరపై సీరియల్స్ లో నటించే నటీమణులు హీరోయిన్ స్థాయిలో ఉంటున్నారు. ఇక సీరియల్స్ లో నటించినే నటీమణులు కాస్ట్యూమ్స్ కూడా చాలా ఖరీదైనవిగా ఉంటున్నాయి.

టీవీల్లో వచ్చే సీరియల్స్ అంటే మహిళలకు ఎంతో ఇష్టమో ప్రత్యేకంగా చెప్పనక్కరలేదు.. ఆ సమయంలో సినిమా, ముఖ్యమైన వార్తలు, క్రికెట్ వచ్చినా పక్కకు పెట్టి తమకు నచ్చిన సీరియల్ చూడటంలో నిమగ్నమైపోతుంటారు. అంతగా మహిళలను ప్రభావితం చేస్తున్నాయి కొన్ని సీరియల్స్. కొన్ని సీరియల్స్ సంవత్సరాల వరకు కొనసాగుతున్న విషయం తెలిసిందే. ఈ మద్య సీరియల్స్ కూడా భారీ బడ్జెట్ తోనే నిర్మిస్తున్నారు. గ్రాఫిక్స్ తో పలు సీరియల్స్ నిర్మిస్తున్నారు.

కాస్ట్యూమ్స్, ఆర్నమెంట్స్, వాహనాలు, లొకేషన్స్ ఇలా ఒక్కటేమి అన్ని విషయాల్లో ప్రొడ్యూసర్లు ఎక్కడా కాంప్రమైజ్ కావడం లేదు. సీరియల్స్ లో ప్రతి నటీమణి చీరలు, నగలతో ప్రతీ సీన్లో ప్రత్యేక ఆకర్షణగా నిలుస్తుంటారు. టీవీ సీరియల్స్ లో నటించే నటీమణులు వాడే చీరలు వారి సొంతమా.. లేదా ఆ సీరియల్ యూనిట్ ప్రొవైడ్ చేస్తుందా అన్న విషయం చాలా మందికి రక రకాల అనుమానాలు ఉంటాయి. సాధారణంగా కొంత మంది నటీమణులు ఆ పాత్రకు తగ్గట్టుగా తమ సొంత చీరలే వాడుతుంటారని టాక్.

సీరియల్స్ లో వారు ధరించే చీరలు చాలా వరకు కలర్ ఫుల్ కాస్ట్లీ గా ఉంటుంటాయి. కొంతమంది నటీమణుల కోసం ప్రొడక్షన్ వాళ్లే పాత్రకు తగ్గట్టుగా చీరలు, డ్రెస్సులు డిజైన్ చేస్తుంటారు. సీరియల్స్ సంవత్సరాల పాటు కొనసాగుతుంటాయి.. అందుకే ఆ చీరలను నెలకు.. రెండు నెలలకు ఒకసారి కడుతుంటారని టాక్ వినిపిస్తుంది. అలా కట్టడం వల్ల పెద్దగా గుర్తు పట్టే అవకాశం కూడా ఉండదని అంటుంటారు.