పవర్ స్టార్ పవన్ కళ్యాణ్, రానా నటించిన చిత్రం ‘భీమ్లా నాయక్’ శుక్రవారం థియేటర్లలో విడుదలైంది. తెలుగు రాష్ట్రాల్లో రిలీజ్ అయిన అన్ని థియేటర్లలో హిట్ టాక్ తెచ్చుకుంది. ఏడాది తర్వాత తమ అభిమాన హీరో పవన్ కళ్యాణ్ మూవీ రిలీజ్ కావడంతో మెగా ఫ్యాన్స్ ఆనందానికి అవధులు లేకుండా పోయాయి.. ఫ్యాన్స్ చేస్తోన్న హంగామా మామూలుగా లేదు. డ్యాన్సులు, క‌టౌట్ల‌కు పాలాభిషేకాలు, ట‌పాసులు పేల్చుతూ థియేట‌ర్ల వ‌ద్ద హోరెత్తిస్తున్నారు.
తమన్ సినిమాను ఎంజాయ్ చేస్తున్న వీడియోను సోషల్ మీడియాలో పోస్ట్ చేశారు. ‘భీమ్లా నాయక్’ మూవీలోని ‘లాలా భీంలా’ సాంగ్ కు డ్యాన్స్ చేస్తూ రచ్చ రచ్చ చేశారు. ఈ మూవీకి ఇంతపెద్ద మ్యూజిక్ హిట్ అందించిన థమన్, డ్రమ్స్ శివమణితో కలిసి జోరుగా డ్యాన్స్ చేయడంపై అభిమానులు తెగ ఖుషీ అవుతున్నరు. ఈ వీడియోను స్వ‌యంగా తమన్ పోస్ట్ చేశారు. రెండో రోజు కూడా ఉద‌యం నుంచి భీమ్లా నాయక్ ఆడుతోన్న సినిమా హాళ్ల వ‌ద్ద అభిమానులు రచ్చ చేస్తున్నారు. ఇందుకు సంబంధించిన వీడియోలు సామాజిక మాధ్య‌మాల్లో వైరల్ అవుతున్నాయి.
పవన్ కళ్యాణ్, రానా కలిసిన నటించిన ‘భీమ్లా నాయక్ ’కు సాగర్ చంద్ర దర్శకత్వం వహించారు. నిత్యామీనన్, సంయుక్త మీనన్ హీరోయిన్లుగా నటించగా, త్రివిక్రమ్ మరోసారి మాటల గారడీ చేశారు. థమన్ బ్యాగ్ గ్రౌండ్ మ్యూజిక్ తో సినిమాను మరో లెవెల్ కి తీసుకెళ్లారు. భీమ్లా నాయక్’ బాక్స్ ను కూడా షేక్ చేస్తున్నట్టుగా వార్తలు వస్తున్నాయి.
#GalagalagalagalaLAAAAAALAAAAA !! 🧿♥️#BlockBusterBheemLaNayak 🧨🧨🧨🧨🧨
THIS IS FOR MY DEAR LEADER #POWERSTAR SHRI @PawanKalyan GAARU AND MY GENIUS DIR SHRI #Trivikram GAARU 🙌🏿💃💃💃💃💃
Hope U all like this 🎭🎭💃🎭🧿🧿🧿 pic.twitter.com/GIDqwNcofA
— thaman S (@MusicThaman) February 25, 2022
