ఒక్క చెంపదెబ్బ ఫలితం..పదేళ్ల శిక్ష! విల్ స్మిత్ కు భారీ షాక్!

ప్రముఖ నటుడు, ఆస్కార్ అవార్డు విన్నర్ విల్ స్మిత్ కు భారీ షాక్ తగిలింది. మోషన్ పిక్చర్ అకాడమీ అతడి పై చర్యలు తీసుకుంది. మార్చి 27న లాస్ ఏంజెల్స్‌లో జరిగిన 94వ ఆస్కార్ వేడుకలో కమెడియన్ క్రిస్ రాక్‌ని విల్ స్మిత్ చెంపదెబ్బ కొట్టిన సంగతి తెలిసిందే. ఈ ఘటనపై ఆస్కార్ నిర్వాహకులతో పాటు చాలా మంది స్మిత్ పై చాలా విమర్శలు కురిపించారు. ఆస్కార్ కమిటీ చట్టపరమైన చర్యలకూ సిద్ధమైంది. ఈ నేపథ్యంలో తాజాగా మోషన్ పిక్చర్ అకాడమీ విల్ స్మిత్ పై చర్యలకు పూనుకుంది.

ఆస్కార్‌ అవార్డు వేడుకలలో పాల్గొనకుండా విల్ స్మిత్ పై ఈ అకాడమీ పదేండ్లపాటు నిషేధం విధించింది. ఆస్కార్ అకాడమీ పాటు ఇతర అకాడమీలు నిర్వహించే వేడుకలకు సైతం ఈ నిషేధం వర్తిస్తుందని ప్రకటించింది. శుక్రవారం సమావేశమైన అకాడమీ బోర్డు ఈ మేరకు నిర్ణయం తీసుకున్నది. కాగా, అకాడమీ నిర్ణయాన్ని పై విల్ స్మిత్ స్పందించారు. అకాడమీ తీసుకున్న ఈ నిర్ణయాని తాను గౌరవిస్తున్నానని విల్‌ స్మిత్‌ తెలిపారు. ఇప్పటికే అకాడమీ ఆఫ్‌ మోషన్‌ పిక్చర్‌ ఆర్ట్స్‌ అండ్‌ సైన్సెస్‌ కు ఆయన రాజీనామా చేసిన విషయం తెలిసిందే. మరి ఈ విషయంపై మీ అభిప్రాయలను కామెంట్స్ రూపంలో తెలియజేయండి.

మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.