అదిరిపోయిన చరణ్-ఉపాసన కూతురి పేరు! అర్ధం తెలుసా?

ఉపాసన కొణిదెల జూన్ 20న పండంటి ఆడబిడ్డకు జన్మనిచ్చిన సంగతి తెలిసిందే. తమ ఇంట్లో మహాలక్ష్మీ అడుగు పెట్టబోతుందని తెలియగానే మెగా కుటుంబ సభ్యుల ఆనందానికి అవధుల్లేవు. పాప పుట్టిన 21వ రోజున తనకు పేరు పెడతామని, దాని కోసం ఉపాసన, తాను కొన్ని పేర్లు అనుకున్నామని చరణ్ చెప్పాడు. కాగా శుక్రవారం (జూన్ 30)న పాప బారసాల ఫంక్షన్ చేశారు. ఈ కార్యక్రమానికి మెగా – అల్లు కుటుంబ సభ్యులు, బంధువులు హాజరయ్యారు. చరణ్ – ఉపాసన తమకు పెళ్లైన 11 సంవత్సరాల తర్వాత పాపకు జన్మనిచ్చారు. దీంతో మెగా ఫ్యామిలీ, ఫ్యాన్స్ సంబరాలు చేసుకున్నారు. అల్లు – మెగా కుటుంబ సభ్యులంతా అపోలో ఆసుపత్రికి వెళ్లి పాపను చూశారు. మరోసారి తాతగా ప్రమోషన్ పొందిన చిరంజీవి సంతోషం ఆయన ముఖంలో స్పష్టంగా కనిపించింది. పుట్టిన కొన్ని గంటల్లోనే పాప జాతకాన్ని గురించిన వార్తలు కూడా వైరల్ అయ్యాయంటే జనాలు ఎంత ఆసక్తిగా ఉన్నారో అర్థమవుతోంది.

ఇక డెలివరీ తర్వాత తమ పుట్టింటికి కాకుండా.. అత్త మామలతోనే ఉంటానని చెప్పారు ఉపాసన. రీసెంట్‌గా ఊయలలో ఉన్న పాపతో చరణ్, ఉపాసనలతో పాటు ఉపాసన తల్లిదండ్రులు, భార్య సురేఖతో కలిసి ఉన్న బ్యూటిఫుల్ ఫోటోను షేర్ చేస్తూ పాప పేరుని రివీల్ చేశారు మెగాస్టార్ చిరంజీవి. అలాగే ఆ పేరుకి అర్థం ఏంటనేది కూడా వివరించారాయన. మెగా ప్రిన్సెస్‌కి ‘క్లీంకార కొణిదెల’ (Klin Kaara Konidela) అని నామకరణం చేశారు. ‘‘ఈ పేరు లలితా సహస్రనామం నుండి తీసుకున్నాం.. ‘క్లీంకార’ అనే పేరు ప్రకృతి శక్తిని, అమ్మవారి అత్యున్నత శక్తిని సూచిస్తుంది.. మా లిటిల్ ప్రిన్సెస్ ఈ లక్షణాలను ఇనుమడింపజేసుకుని ఉన్నత స్థాయికి వెళ్లాలని కోరుకుంటన్నా’’ అంటూ మెగాస్టార్ చిరంజీవి ఈ విషయాన్ని సోషల్ మీడియా ద్వారా షేర్ చేసుకున్నారు.

And the baby’s name is ‘Klin Kaara Konidela ‘..

Taken from the Lalitha Sahasranamam .. the name ‘Klin Kaara’ .. signifies a transformative purifying energy that brings about a spiritual awakening!

All of us are sure the little one, the Little Princess will imbibe these… pic.twitter.com/OKCf7Hw18z

— Chiranjeevi Konidela (@KChiruTweets) June 30, 2023

Klin Kaara Konidela 😍@AlwaysRamCharan @upasanakonidela pic.twitter.com/8emWJoJcra

— Chiranjeevi Konidela (@KChiruTweets) June 30, 2023