follow us:
బిగ్ బాస్‌.. ప్రస్తుతం బుల్లితెర తెలుగు ప్రేక్షకులకు వినోదాన్ని పంచే కార్యక్రమాల్లో ఈ రియాలిటీ షో కూడా ఒకటి. ఈ షో ద్వారా ఎంతో మంది సెలబ్రిటీలు అయ్యారు. కొందరు అయితే ఈ షోకి వెళ్లి వచ్చాక సెకండ్‌ ఇన్నింగ్స్‌ కూడా ప్రారంభించారు. అయితే ఈ షో ద్వారా ఫేమ్‌ వస్తుంది అనే మాట ఎంత నిజమో.. ఉన్న పేరు పోయే ప్రమాదం ఉంది అనేది కూడా అంతే నిజం. ఈ షో ద్వారా యూట్యూబర్లు సిరి హన్మంత్– షణ్ముఖ్‌ జశ్వంత్‌ ఎంతో నెగెటివిటీని మూటగట్టుకున్నారు. ఎంతో మంచి ఫ్రెండ్స్ అయిన వీళ్లు బిగ్ బాస్‌ వల్ల బ్యాడ్‌ నేమ్‌ తెచ్చుకున్నారు. ఎప్పుడో అయిపోయిన మ్యాటర్‌ ఇప్పుడెందుకు చెప్పాల్సి వచ్చింది అంటే.. మరోసారి ఆ ఇష్యూని హైపర్ ఆది తెరమీదకు తెచ్చాడు గనుక.
నవరాత్రి ధమాకా అనే స్పెషల్ ఈవెంట్‌ నిర్వహించారు. ఆ ఈవెంట్‌లో యాంకర్‌ రవి- సిరి హన్మంత్ హోస్టులుగా వ్యవహరించారు. హైపర్ ఆది– రచ్చ రవి ఇద్దరూ కలిసి పోటాపోటీగా ఒక స్కిట్‌ చేశారు. ఆ స్కిట్‌లో ఆదికి కుమార్తెగా సిరి హన్మంత్ కూడా నటించింది. అయితే హైపర్ ఆది తనదైనశైలిలో సిరి హన్మంత్‌పై పంచుల వర్షం కురిపించాడు. రెండ్రోజుల నుంచి ఇంట్లో నాకు బోర్ కొడుతోంది అంటూ సిరి అనగా.. నీకు రెండ్రోజులకే ఇంత బోర్ కొడితే అప్పుడు ఆ షోలో 100 రోజులు ఉంటే మాకు ఎంత బోర్ కొట్టిందనుకున్నావ్ అంటూ పంచ్‌ వేశాడు. అందుకు సిరి అమాయకంగా అదేంటి నేను ఫన్‌ ఇచ్చానుగా అంటూ చెప్పుకొచ్చింది. “ఫన్‌ అంతా షణ్నూకే ఇచ్చావ్ మాకెక్కడ ఇచ్చావ్” అంటూ ఆది దిమ్మతిరిగే కౌంటర్ వేశాడు.
తర్వాత సిరి హన్మంత్ సరే పెద్దవాళ్లు నన్ను ఆశీర్వదించండి అంటూ ఆది కాళ్లు పట్టుకోబోతే అక్కడ కూడా పంచ్‌ వేశాడు. “నిజంగా చెప్పు సంస్కారంతో కాళ్లు పట్టుకుంటున్నావా? లేక ఇంక పంచులు ఆపు అని అడుక్కుంటున్నావా?” అంటూ ఆది సెటైర్‌ వేశాడు. సిరి అందుకు రెండోదే అంటూ డైరెక్ట్ గా చెప్పేసింది. నీ కాళ్లు పట్టుకుంటా ఇంక ఆ మ్యాటర్‌ వదిలేయ్‌ అని చెప్పుకొచ్చింది. గత బిగ్ బాస్‌ సీజన్‌ చూసిన అందరికీ సిరి- షణ్ముఖ్‌ మధ్య ఏం జరిగింది అనేది బాగా తెలుసు. ఫ్రెండ్స్ అంటూనే వారు ఎమోషనల్‌గా దగ్గరయ్యాం అంటూ కామెంట్లు చేశారు. ఆ సీజన్‌ తర్వాత షణ్ముఖ్‌ జశ్వంత్‌కు దీప్తీ సునైనా బ్రేకప్‌ చెప్పేసింది. ఇప్పుడు వాళ్లిద్దరూ ఎవరికి వాళ్లు జీవిస్తున్నారు. ఇంక సిరి విషయం మాత్రం అందుకు భిన్నంగా సాగింది. శ్రీహాన్‌- సిరి హన్మంత్ చక్కగా కలిసుంటున్నారు. శ్రీహాన్‌ అయితే ఇప్పుడు బిగ్ బాస్‌ తెలుగు సీజన్‌ 6లో టాప్‌ కంటెస్టెంటుల్లో ఒకడిగా కొనసాగుతున్నాడు.
