“టేక్ ది క్యాచ్.. విన్ ది మ్యాచ్” క్రికెట్ లో ఈ సూత్రం అక్షరాల నిజం. ఒక్కసారి క్యాచ్ మిస్ అయ్యిందంటే.. మ్యాచ్ కూడా చేతిలో నుంచి జారినట్లే. ఈ విషయం పాకిస్థాన్ కు ఆసియా కప్ ఫైనల్ మ్యాచ్ లో తెలిసి వచ్చింది. శ్రీలంక బ్యాటర్ ఇచ్చిన క్యాచ్ లను పాక్ ఆల్ రౌండర్ షాదాబ్ ఖాన్ మిస్ చేసిన సంగతి తెలిసిందే. దీంతో ఆసియా కప్ టైటిల్ ను లంక కైవసం చేసుకుంది. ఈక్రమంలో షాదాబ్ పై భారీ ఎత్తున విమర్శలు, ట్రోల్స్ వచ్చాయి. ఈ విషయంపై పాక్ బౌలర్ హసన్ అలీ అతడికి మద్దతుగా నిలిచిన సంగతీ మనకు తెలిసిందే. కానీ మీకు తెలియని మరో విషయం ఏంటంటే? ఈ మ్యాచ్ లో షాదాబ్ ఖాన్ చెవికి తీవ్రమైన గాయం అయ్యి.. రక్తం కారుతున్నప్పటికీ అతడు ఆటను కొనసాగించాడు. ఇప్పుడు ఆ ఫొటోలు నెట్టింట వైరల్ గా మారాయి. ఈ వార్తకు సంబంధించి మరిన్ని వివరాల్లోకి వెళితే..
షాదాబ్ ఖాన్.. మరో అర్షదీప్ సింగ్ అయ్యాడు. పాక్ తో మ్యాచ్ లో సింపుల్ క్యాచ్ మిస్ చేసి టీమిండియా ఓటమికి కారణం అయ్యాడు అర్షదీప్. ఇప్పుడు షాదాబ్ కూడా ఇలాగే మిగిలి పోయాడు. ఐతే షాదాబ్ ఖాన్ ఏమీ అల్లాటప్ప ఫీల్డర్ కాదు అని, అతడు గతంలో పట్టిన క్యాచ్ లు చూస్తే తెలుస్తుంది. ఇక ఒక ఆటగాడి సత్తా కేవలం ఒకే ఒక మ్యాచ్ ద్వారా, లేదా ఒకే ఒక్క క్యాచ్ ద్వారా నిర్ణయిస్తారా? అలా నిర్ణయించడం కరెక్టేనా? ఆట అన్నాక కొన్ని సార్లు సఫలం అవుతాం.. మరి కొన్ని సార్లు ఒత్తిడిలో విఫలం అవుతాం. ఇక ఇవ్వన్నీ పక్కన పెడితే.. ఈ మ్యాచ్ ద్వారా షాదాబ్ క్రికెట్ అభిమానుల మనసు గెలిచాడు. తన టీమ్ గెలుపు కోసం 100కు 100% తన వంతు ప్రయత్నం చేశాడు. చెవిలో రక్తం కారుతున్నాగానీ లెక్క చేయకుండా ఆటకు దిగాడు. ఇక షాదాబ్ ఈ మ్యాచ్ లో 6 బంతుల్లో 8 పరుగులు మాత్రమే చేశాడు.
షాదాబ్ కు ఆటపై ఉన్న ప్రేమను ఈ మ్యాచ్ తెలియజేసింది. నొప్పితో విలవిల్లాడుతున్నప్పటికీ అవేమీ పట్టించుకోకుండా అతడు మైదానంలోకి దిగాడు. షాదాబ్ పై, అసిఫ్ అలీపై పాక్ జట్టు కోచ్ ముస్తాక్ ప్రశంసల వర్షం కురిపించారు. వీరిద్దరిపై ముస్తాక్ స్పందిస్తూ..”మీరందరు ఎందుకు వారిని తిడుతున్నారు. వారు ఏ పరిస్థితుల్లో మైదానంలోకి దిగారో మీకు తెలుసా? జట్టు గెలుపు కోసం తమ ప్రాణాలనైనా పనంగ పెట్టుతారు. షాదాబ్ ఖన్ కు అప్పటికే చెవిలో సమస్య ఉంది. అదీ కాక ఓ వైపు రక్తం కారుతున్నాగానీ పట్టించు కోకుండా జట్టు కోసం పోరాటం చేశాడు. ఇక అసిఫ్ అలీ కి బ్యాటింగ్ కు వచ్చే సమయానికి 4 కుట్లు పడ్డాయి. ఇవన్నీ మీకు తెలివు. మీకు తెలిసిందల్లా కేవలం చూస్తూ విమర్శించడమే” అని పేర్కొన్నాడు. ఏది ఏమైనప్పటికీ షాదాబ్ క్రీడాస్ఫూర్తికి ప్రపంచ క్రికెట్ అభిమానులంతా ఫిదా అయ్యారు అనే చెప్పాలి. మరి ఒక పక్క రక్తం కారుతున్నా గానీ తన టీమ్ గెలుపు కోసం ఆరాటపడిన షాదాబ్ పై మీ అభిప్రాయాలను కామెంట్స్ రూపంలో తెలియజేయండి.
تو ہیرو ہے وطن کا سبھی یہ جانتے ہیں
تیری قربانیوں کو سبھی تو مانتے ہیں @76Shadabkhan #BehindYouShaddy pic.twitter.com/3l6VtaZ1Bj— Farwa Khan (@FarwaKh77242437) September 13, 2022
— Hassan Ali 🇵🇰 (@RealHa55an) September 12, 2022
