follow us:
ఇప్పుడు పెళ్లిళ్లు సినిమా రేంజ్ లో జరుగుతున్నాయి. ఎవరి పెళ్ళికి వాళ్ళే హీరో, హీరోయిన్లు. వరుడు హీరోలా, వధువు హీరోయిన్ లా పెళ్లి వేడుకల్లో డ్యాన్స్ లు చేస్తూ సందడి చేస్తున్నారు. ఆ మధ్య బుల్లెట్ బండి పాటకి చాలా మంది పెళ్లి కూతుర్లు డ్యాన్స్ చేసి సందడి చేశారు. వారి వీడియోలు కూడా సోషల్ మీడియాలో తెగ వైరల్ అయ్యాయి. రీసెంట్ గా సినిమా రేంజ్ లో పెళ్లి కూతురు డ్యాన్స్ చేసిన వీడియో బాగా వైరల్ అయ్యింది. తాజాగా ఒక నవ వధువు కూడా ఇలానే డ్యాన్స్ తో ఆకట్టుకుంది, విత్ డోలు వాయిస్తూ. వినసొంపుగా డప్పు వాయిస్తూ.. తన డప్పు శబ్దాలకు మైమరచిపోయి డ్యాన్స్ చేస్తూ అలరించింది. కేరళలోని త్రిస్సూర్ జిల్లా గురువాయూర్ ఆలయంలో దేవానంద్ తో శిల్పా శ్రీకుమార్ వివాహం జరిగింది.
కేరళలోని పెళ్లిళ్లు, ఇతర శుభకార్యాలకు చెందా మేళం వాయించడం సంప్రదాయంగా వస్తుంది. ఈ క్రమంలో తన పెళ్ళికి చెందా మేళం వాయిస్తూ వధువు శిల్ప అందరి దృష్టిని ఆకర్షించింది. ఆమె డ్రమ్ వాయిస్తుంటే ఆమె తండ్రి, వరుడు కూడా ఆమెతో కలిసి ఉత్సాహంగా చెందా మేళం వాయించారు. వధువు తండ్రి చెందా మాస్టర్ కావడంతో ఆమె చిన్నతనం నుంచే ఈ డ్రమ్ వాయించడం నేర్చుకున్నట్లు తెలుస్తోంది. పెళ్లి కూతురు ఇలా డ్రమ్ వాయిస్తుంటే అక్కడున్న అందరిలోనూ ఉత్సాహం నెలకొంది.
ప్రతి ఒక్కరూ పూనకాలు వచ్చినట్టు ఊగిపోయారు. ప్రస్తుతం ఈ వీడియో సోషల్ మీడియాలో కూడా వైరల్ అవుతోంది. వీడియో చూసిన నెటిజన్లు.. నూతన వధూవరులకు విషెస్ తెలియజేస్తున్నారు. ఎప్పుడూ ఇలానే ఉత్సాహంగా, సంతోషంగా ఉండాలని కామెంట్స్ చేస్తున్నారు. మరి ఈ పెళ్లి కూతురు డోలు వాయిస్తుంటే మీకేమనిపిస్తుందో కామెంట్ చేయండి. అలానే నూతన వధూవరులకు శుభాకాంక్షలు తెలియజేయండి.
View this post on Instagram
A marriage function in guruvayoor temple today. The brides dad is Chendai master and the daughter plays it enthusiastically with her dad also joining at the end. The groom also seems to be participating. pic.twitter.com/VgoQbIhwhh
— BRC-SBC (@LHBCoach) December 26, 2022
