follow us:
షణ్ముఖ్‌ జశ్వంత్‌– దీప్తీ సునైనా.. సోషల్ మీడియాలో వీళ్లకు ఉన్న క్రేజ్‌ అంతా ఇంతా కాదు. యూట్యూబ్‌ క్రియేటర్లుగా కెరీర్లు ప్రారంభించి.. ఇప్పుడు సెలబ్రిటీ హోదాని దక్కించుకున్నారు. వారిలో టాలెంట్‌తో ఫేమస్‌ కావడమే కాదు.. ఆర్థికంగానూ బాగానే సంపాదిస్తున్నారు. వీళ్లద్దరూ గతంలో ప్రేమించుకున్న విషయం తెలిసిందే. వీళ్ల జంటకు, వీళ్లు చేసే కవర్‌ సాంగ్స్‌, కపుల్‌ షూట్స్‌, వీడియో సాంగ్స్‌ కు అంతా క్రేజ్‌ ఉండేది కాదు. కానీ, షణ్ముఖ్‌ బిగ్‌ బాస్‌కి వెళ్లి వచ్చిన తర్వాత వారి మధ్య రిలేషన్‌ దెబ్బతినింది. షణ్ముఖ్‌ బిగ్‌ బాస్‌ నుంచి వచ్చిన తర్వాత తామిద్దరూ విడిపోతున్నట్లు ఇద్దరూ అధికారికంగా ప్రకటించారు. అందుకు బిగ్‌ బాస్‌ హౌస్‌లో సిరితో షణ్ముఖ్‌ క్లోజ్‌ ఉండటమే కారణమని అందరికీ తెలిసిందే.
ఆ సమయంలో వాళ్లిద్దరూ కలిసిపోవాలని, కలిసే ఉండాలంటూ వారి అభిమానులు ఎంతో మంది పోస్టులు, కామెంట్లు పెడుతుండేవారు. వారి డై హార్డ్‌ ఫ్యాన్స్‌ అయితే ఇప్పటికీ వాళ్లిద్దరూ కలిసిపోవాలని కోరుకుంటూ ఉంటారు. వారి కోరిక సగం నెరవేరిందనే చెప్పాలి. ఎందుకంటే దీప్తీ సునైనా- షణ్ముఖ్‌ జశ్వంత్‌ ఇద్దరూ ఇంత గ్యాప్‌ తర్వాత ఒకే ఈవెంట్‌లో, ఒకే స్టేజ్‌ పై కనిపించడంతో వారి ఆనందానికి అవధులు లేకుండా పోయాయి. ప్రస్తుతం వాళ్లదరి వీడియోలు సోషల్ మీడియా, యూట్యూబ్‌లో వైరల్‌గా మారాయి. వాళ్లిద్దరూ కలిసి మాట్లాడుకున్నారని కూడా చెబుతున్నారు. అందుకు సంబంధించిన కొన్ని క్లిప్పింగ్స్ కూడా షేర్‌ చేస్తున్నారు.
View this post on Instagram
షణ్ముఖ్‌- దీప్తీ సునైనా వర్క్‌ చేసే ఇన్ఫినీటియం నెట్‌వర్క్‌ వాళ్లు వైజాగ్‌లో తమ కార్యాలయాన్ని ప్రారంభించారు. ఆ సందర్భంగా ఏయూ కన్వెన్షన్‌ వైజాగ్‌లో ఒక పెద్ద ఈవెంట్‌ చేశారు. అందులో యూట్యూబ్‌ క్రియేటర్లు, ఇన్ఫినీటియం సభ్యులు అంతా పాల్గొన్నారు. అక్కడ స్టేజ్‌పై షణ్ముఖ్‌ జశ్వంత్‌ మాట్లాడుతూ.. “నేను ఎలా ఇక్కడి దాకా వచ్చాను, ఎలా ఎంత దూరం రాగలిగాను అని ఇప్పటికే చాలాసార్లు చెప్పాను. కొత్తలో యూట్యూబ్‌ కవర్‌ సాంగ్స్‌ చేస్తూ గుర్తింపు సంపాదించుకున్నాను. కానీ, కాపీరైట్‌ ఇష్యూస్‌ వల్ల నా వీడియోలు మొత్తం పోయాయి. ఆ తర్వాత నేనూ- దీప్తీ కలిసి వీడియోలు చేశాం. ఆ సమయంలో నేను దీప్తీ సునైనాని చూస్తూ ఉండేవాడిని. ఆమెకు వచ్చినన్ని నెగెటివ్‌ కామెంట్స్‌ ఎవరికీ వచ్చేసి కావు. కానీ, అవి చూసి ఆమె ఎప్పుడూ వెనకడుగు వేయలేదు. నేను దీప్తీని చూసి చాలా నేర్చుకున్నాను. అలాగే అమ్మాయిలు దీప్తీని చూసి నేర్చుకోవాలి. మీరు కూడా ఒక ఇన్‌స్పిరేషన్ కావాలి” అంటూ షణ్ముఖ్‌ వ్యాఖ్యానించాడు. వాళ్లిద్దరూ నిజంగానే కలిసిపోతే బాగుంటుంది అంటూ ఫ్యాన్స్‌ ఆకాంక్షిస్తున్నారు.
View this post on Instagram
