follow us:
బిగ్ బాస్ తెలుగు సీజన్‌ 6.. ఇక నుంచి మరింత కొత్తగా ఉండబోతోందని కచ్చితంగా చెప్పచ్చు. నాగార్జున పీకిన క్లాస్‌ తో మొత్తం హౌస్‌మేట్స్ అంతా ట్రాక్‌లోకి వచ్చారు. నామినేషన్స్ అంతా ఫుల్ గొడవ, కేకలు, రచ్చ రచ్చ అయ్యింది. ఈవారం నామినేషన్స్ లో మొత్తం 9 నుంచి 11 మంది ఉండే అవకాశం ఉంది. నామినేషన్స్ స్టార్టింగ్‌లోనే నీడలోంచి బయటకు రండి, ఎవరికీ భయపడకండి అంటూ బిగ్ బాస్ బాగానే రెచ్చగొట్టాడు. అందుకు తగిట్లుగానే నామినేషన్స్ తీరు సాగింది. అందరూ కేకలు వేసకున్నారు. కొట్టుకున్నంత పని చేశారు. ముఖ్యంగా గీతూ రాయల్‌- చంటి మధ్య జరిగిన గొడవ అయితే మొత్తాన్ని నివ్వెరపోయాలా చేసింది.
ఇంక బిగ్ బాస్ బార్బీ గాల్‌ శ్రీ సత్య కూడా ట్రాక్‌లోకి వచ్చినట్లుగా కనిపించింది. ఆదివారం ఎపిసోడ్ తర్వాత శ్రీసత్యను జైల్లో పెట్టిన విషయం తెలిసిందే. ఆ తర్వా సోమవారం సాయంత్రానికి ఆమెను బయటకు తీసుకొచ్చారు. నామినేషన్స్ లో శ్రీ సత్య ఇనయా సూల్తానాను నామినేట్‌ చేసింది. అందుకు ఇనయా చాలా సీరియస్‌ అయ్యింది. ఇద్దరూ నువ్వెంత అంటే నువ్వెంత అంటూ కొట్టుకున్నంత పని చేశారు. ఇన్నాళ్లు హౌస్‌లో ఎంతో కూల్‌గా, చిల్‌ అవుతూ కనిపించిన శ్రీ సత్య ఈసారి నామినేషన్స్ లో మాత్రం ఫుల్ ఫైర్‌ అయ్యింది. ఎందుకంటే ఊరుకుంటే బిగ్ బాస్ హౌస్‌లో ఉనికి ఉండదని వాళ్లకు బాగా అర్థమైంది. దానికి తోడు నాగార్జున నువ్వు తినే ప్లేట్‌ లాక్కుంటేనే నువ్వు స్పందిస్తావ్‌.. ఆటలో స్పందించవు అనేసరికి బాగా హర్ట్‌ అయ్యింది.
View this post on Instagram
నామినేషన్స్ లో ఇనయాను నామినేట్‌ చేస్తున్న సమయంలో వారి మధ్య గట్టిగానే గొడవ జరిగింది. ఇనయాని నామినేట్‌ చేసిన తర్వాత ఆమె తన వర్షన్‌ వినిపించింది. శ్రీ సత్యకు అసలు గేమ్‌ ఆడాలని లేదంటూ ఆరోపించింది. ఏకాడికి కూర్చోని మాటలు చెప్పాలి, కూర్చోని డిస్కషన్స్‌ చేయాలని మాత్రమే ఉందంటూ కామెంట్‌ చేసింది. ఇనయా చేసిన ఆరోపణలను శ్రీ సత్య ఖండించింది. ముందు నన్ను మాట్లాడనిస్తావా అంటూ కేకలు వేసింది. ఇక్కడ అసలు గేమ్‌ ఆడుతున్నవాళ్లు ఎవరున్నారంటూ ప్రశ్నించింది. అన్నీ సిల్లీ రీజన్స్ అంటూ ఇనయా అనగా.. అసలు నామినేషన్స్ అంటేనే సిల్లీగా ఉందిలే అన్నట్లుగా శ్రీ సత్య మాట్లాడింది. అయితే బిగ్ బాస్ హౌస్‌లో మొదటిసారి శ్రీ సత్య తన గళాన్ని వినిపించింది అనే చెప్పాలి. శ్రీ సత్య వ్యాఖ్యలపై మీ అభిప్రాయాలను కామెంట్స్‌ రూపంలో తెలియజేయండి.
