follow us:
ప్రస్తుతం వెస్టిండీస్‌ టూర్‌లో ఉన్న టీమిండియా వరుస విజయాలతో దూసుకెళ్తుంది. పోర్ట్‌ ఆఫ్‌ స్పెయిన్‌ వేదికగా జరిగిన రెండు వన్డేల్లోనూ భారత్‌ థ్రిల్లింగ్‌ విక్టరీలు సాధించింది. దీంతో మూడు వన్డేల సిరీస్‌ను మరో మ్యాచ్‌ మిగిలి ఉండగానే కైవసం చేసుకుంది. మంగళవారం జరగనున్నా వన్డేలో కూడా భారత్‌ గెలిస్తే.. సిరీస్‌ క్లీన్‌స్వీప్‌ అవుతుంది. ఆ తర్వాత జరగబోయే ఐదు టీ20ల సిరీస్‌కు రెట్టించిన ఉత్సాహంతో బరిలోకి దిగొచ్చని టీమిండియా ఆటగాళ్లు భావిస్తున్నారు.
ఇక ఈ వన్డే సిరీస్‌కు తాత్కాలిక కెప్టెన్‌గా వ్యవహరిస్తున్నకెప్టెన్‌ శిఖర్‌ ధావన్‌ జట్టును అద్భుతంగా నడిపిస్తున్నాడు. వ్యక్తిగతంగా కూడా తొలి మ్యాచ్‌లో 97 పరుగులు చేసి రాణించాడు. ఇక ఆఫ్‌ది ఫీల్డ్‌లో ఫుల్‌ జోష్‌లో ఉండే ధావన్‌ టైమ్‌ దొరికితే ఇన్‌స్టా రీల్స్‌ చేస్తుంటాడు. తనతో పాటు టీమిండియా ఆటగాళ్లను కూడా ఆ రీల్స్‌లో భాగస్వామ్యం చేస్తుంటాడు.
ఈ క్రమంలో ఆదివారం జరిగిన రెండో వన్డేలో విజయం తర్వాత.. కెప్టెన్‌ శిఖర్‌ ధావన్‌ ఆటగాళ్లతో కలిసి డ్రెస్సింగ్‌ రూమ్‌లో రచ్చరచ్చ చేశాడు. విజయం సాధించాం అంటూ గట్టిగా అరుస్తూ ఎంజాయ్‌ చేశారు. ధావన్‌తో పాటు యుజ్వేంద్ర చహల్‌, రెండో వన్డేలో అదరగొట్టిన అక్షర్‌ పటేల్‌, శార్దుల్‌ ఠాకూర్, శుభ్‌మన్‌ గిల్‌, ఇషాన్‌ కిషన్‌ ఆ వీడియోలో కనిపించారు. కాగా.. వీడియో చివర్లో ఇషాన్‌ కిషాన్‌ను చహల్‌ మెడపై చేయి వేసి వంచుతాడు.. వెంటనే అక్షర్‌ పటేల్‌, శార్దుల్‌ ఠాకూర్, గిల్‌ అతనిపై పిడిగుద్దులతో విరుచుకుపడతారు.
చహల్‌ కూడా ఒక చేయి వేస్తాడు. ఇలా ఇషాన్‌ కిషన్‌పై నలుగురు ఆటగాళ్లు సరదాగా దాడి చేస్తారు. అయితే ఈ వీడియో సోషల్‌ మీడియాలో వైరల్ అవుతుంది. టీమిండియా ఆటగాళ్లు చాలా సరదాగా ఉన్నారంటూ కామెంట్‌ చేస్తున్నారు. కాగా ఇషాన్‌ కిషన్‌కు రెండు వన్డేల్లో కూడా తుదిజట్టులో చోటు దక్కలేదు. మరి ఈ విషయంలో మీ అభిప్రాయాలను కామెంట్ల రూపంలో తెలియజేయండి.
Talent wins game but teamwork and intelligence wins championship! 🙌 Kudos to team for the amazing face-off! 😍👏 #IndvsWI pic.twitter.com/jMZOjWiTN6
— Shikhar Dhawan (@SDhawan25) July 25, 2022
