ఈసారి వన్డే వరల్డ్​ కప్​లో 2003 ఫైనల్ సీన్ రిపీట్ అవుతుంది: ఆస్ట్రేలియా స్టార్ క్రికెటర్!

క్రికెట్​లో ఏ జట్టుకైనా వరల్డ్ కప్ గెలవాలనేది ఒక కల. టీమిండియాకు కూడా వన్డే ప్రపంచ కప్​ను ఒడిసి పట్టాలనే డ్రీమ్ ఉండేది. దీన్ని తొలిసారి 1983లో కపిల్ డెవిల్స్ నిజం చేసింది. కపిల్ దేవ్ సారథ్యంలోని భారత జట్టు ఆ ప్రపంచ కప్​లో అండర్​డాగ్​గా బరిలోకి దిగి.. ఛాంపియన్స్​గా నిలిచింది. ఆ తర్వాత ఈ కల నెరవేరేందుకు రెండున్నర దశాబ్దాలకు పైనే సమయం పట్టింది. అందని ద్రాక్షగా ఉన్న వన్డే ప్రపంచ కప్​ను 2011లో మహేంద్ర సింగ్ ధోని కెప్టెన్సీలో టీమిండియా గెలుచుకుంది. అయితే 2003లోనే భారత్ కప్​ గెలవాల్సింది. ఆ టోర్నీలో అద్భుతంగా ఆడుతూ ఫైనల్​కు చేరుకున్న టీమిండియా.. ఆఖరి మెట్టుపై బోల్తా పడింది. దీంతో కప్ గెలవాలన్న కసి ఆటగాళ్లలో బాగా పెరిగింది.

2003 ప్రపంచ కప్​ ఫైనల్ ఓటమిని భారత ప్లేయర్లతో పాటు జట్టు అభిమానులు కూడా జీర్ణించుకోలేకపోయారు. ఎలాగైనా కప్ గెలవాలన్న కసి అందరిలోనూ పెరిగింది. ఈ వరల్డ్ కప్​లో జట్టులో ప్రధాన భూమిక పోషించిన వీరేంద్ర సెహ్వాగ్, సచిన్ టెండూల్కర్, యువరాజ్ సింగ్, హర్భజన్ సింగ్​, జహీర్ ఖాన్, ఆశిష్ నెహ్రాలు తర్వాతి ప్రపంచ కప్​ల్లోనూ ఆడుతూ వచ్చారు. 2011లోనూ వీళ్లు టీమిండియాకు ప్రాతినిధ్యం వహించారు. ఈసారి వాళ్లు తమ కలను నిజం చేసుకున్నారు. ఫైనల్​లో శ్రీలంకను ఓడించి కప్​ను ఒడిసి పట్టారు. అయితే ఆ తర్వాత మళ్లీ టీమిండియా వరల్డ్ కప్ నెగ్గలేకపోయింది. ప్రతిసారి ఎన్నో ఆశలు, అంచనాలతో బరిలోకి దిగడం, ఒట్టి చేతులతో తిరిగి రావడం భారత్​కు పరిపాటిగా మారింది. ఈ ఏడాది భారత గడ్డపై వన్డే ప్రపంచ కప్ జరగనుంది. వన్డే ఫార్మాట్​లో బహుశా చివరి వరల్డ్ కప్ ఇదే అంటున్నారు.

ఈసారి ఎలాగైనా 2011లో మాదిరిగానే కప్​ను నెగ్గాలని టీమిండియా అనుకుంటోంది. ఆస్ట్రేలియా స్టార్ ఆల్​రౌండర్ మిచెల్ మార్ష్ మాత్రం ఇది సాధ్యం కాదని అంటున్నాడు. 2023 వన్డే వరల్డ్​ కప్​లో భారత్ ఫైనల్​కు చేరుతుందన్న మార్ష్.. ఆఖరి పోరులో మాత్రం ఆసీస్​ చేతుల్లో టీమిండియాకు ఓటమి తప్పదన్నాడు. ఈ మ్యాచ్​లో ఆసీస్ తొలుత బ్యాటింగ్ చేసి 450 రన్స్ చేస్తుందని.. ఛేదనలో భారత్ 65 రన్స్​కే చాప చుట్టేస్తుందని మార్ష్ జోస్యం చెప్పాడు. ఇన్​డైరెక్టుగా 2003 వరల్డ్ కప్ ఫైనల్ ఫలితం రిపీట్ అవుతుందని ఢిల్లీ క్యాపిటల్స్ పాడ్​కాస్ట్​లో చెప్పుకొచ్చాడు. అయితే మార్ష్​ జోస్యంపై భారత ఫ్యాన్స్ సీరియస్ అవుతున్నారు. ఈసారి కప్​ ఇండియాదేనని.. కంగారూలను భారత్ చిత్తుగా ఓడిస్తుందని అంటున్నారు. మరి.. మార్ష్ జోస్యంపై మీరేం అనుకుంటున్నారో కామెంట్ల రూపంలో తెలియజేయండి.

Mitchell Marsh makes a BOLD PREDICTION for World Cup 2023 final 😅

(via Delhi Capitals podcast)#MitchllMarsh #WorldCupFinal pic.twitter.com/ipxupOiDJM

— CricTracker (@Cricketracker) May 9, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.