follow us:
IPL..ప్రపంచంలోనే అత్యంత ఖరీదైన క్రికెట్ లీగ్ గా పేరొందింది. ఇక ఐపీఎల్ పుణ్యామాని మరికొన్ని దేశాలు తమ దేశాల్లో ఇలాంటి పొట్టి క్రికెట్ ను నిర్వహించాడానికి ముందుకు వస్తున్నాయి. ఈ నేపథ్యంలోనే సౌతాఫ్రికా కూడా “సౌతాఫ్రికా టీ20 లీగ్” పేరుతో ఓ టీ20 టోర్నీని వచ్చే ఏడాది జనవరిలో ప్రారంభించనుంది. దానికి సంబంధించి ఇప్పటికే వేలం పాటలను కూడా నిర్వహిస్తున్నారు. తాజాగా ఈ వేలం పాటలో వినిపిస్తోన్న పేరు కావ్య మారన్.. తన అందం.. అభినయం.. తన చలాకీ తనంతో వేలం పాటలో ప్రత్యేక ఆకర్షణగా నిలుస్తోంది. సన్ రైజర్స్ హైదరాబాద్ యజమానిగా కావ్య మారన్ సుపరిచితురాలే. తాజాగా జరిగిన వేలంలో భారీ ధరకు ఓ ఆటగాడిని కొనుగోలు చేసి అందరి దృష్టిని ఆకర్షించింది కావ్య. ఈ వార్తకు సంబంధించి మరిన్ని వివరాల్లోకి వెళితే..
కావ్య మారన్.. కళానిథి మారన్ కుతురిగా పారిశ్రామిక రంగంలోకి అడుగుపెట్టిన ఈ అమ్మడు.. తనదైన ఆలోచనా విధానంతో బిజినెస్ లో దూసుకెళ్తోంది. కావ్య ప్రస్తుతం సన్ రైజర్స్ హైదరాబాద్ జట్టుకు యజమానిగా ఉన్న సంగతి తెలిసిందే. అయితే తక్కువ పెట్టుబడి పెట్టి ఎక్కువ లాభాలు అర్జించడమే వ్యాపారవేత్తల వ్యూహాం. కావ్య మారన్ కూడా ఈ కోవలోకే వస్తుంది. ఎందుకంటే సన్ రైజర్స్ జట్టులో ఉన్న ఆటగాళ్లను వేలంలో దక్కించుకున్న తీరును చూస్తేనే మనకు కావ్య స్ట్రాటజీ అర్థం అవుతుంది. తక్కువ ధరకు నాణ్యమైన ఆటగాడిని కొనడమే ఆమె లక్ష్యం. అందుకే ఆమెను కొందరు నెటిజన్స్ పిసినారి అని కూడా అంటూంటారు. అయితే ఈ క్రమంలోనే ఈ అమ్మడు 22 ఏళ్ల దక్షిణాఫ్రికా యువ సంచలనం అయిన ట్రిస్టన్ స్టబ్స్ ను 9.2 మిలియన్ సౌతాఫ్రికా ర్యాండ్ లకు దక్కించుకుంది. అంటే భారత కరెన్సీలో సుమారు 4.1 కోట్లు అన్నమాట. ఇప్పుడిదే అందరిని ఆశ్యర్యానికి గురిచేస్తోంది. ఎంఐ కేప్ టౌన్(ముంబై ఇండియన్స్)తో పోటీ పడి మరి సన్ రైజర్స్ ఈస్టర్న్ కేప్ జట్టు దక్కించుకుంది. ఇప్పటి వరకు జరిగిన వేలంలో స్టబ్స్ దే అత్యధిక ధర కావడం విశేషం. మరి ఇంత ధర పలికిన స్టబ్స్ గురించి వివరాల్లోకి వెళితే..
ట్రిస్టన్ స్టబ్స్.. తన తొలి టీ20 అరంగ్రేటరాన్ని టీమిండియాపైనే చేశాడు. భారీ హిట్టర్ గా ఇతడికి మంచి పేరుంది. ఇక సిక్స్ లు బాదడంలో ఇతడికి ఇతడే సాటి అనడానికి అతడి రికార్డులే సాక్ష్యం. ఈ క్రమంలోనే 6 టీ20 ఇంటర్నేషనల్ మ్యాచ్ ల్లో 39.66 యావరేజ్ తో 119 పరుగులు మాత్రమే చేశాడు. కానీ అతడి స్ట్రైక్ రేట్ మాత్రం 216 ఉండటం విశేషం. ఫోర్ల కంటే ఎక్కువ సిక్స్ లే అతడి ఇన్నింగ్స్ లో ఉండటం గమనార్హం. 34 జాతీయ టీ20ల్లో 784 రన్స్ చేశాడు. దీంట్లో సైతం స్ట్రైక్ రేట్ 160 ఉంది. ఈ ఫార్మాట్ లో 39 ఫోర్లు కొట్టగా.. 53 సిక్స్ లు బాదడం విశేషం. దీంతోనే అతడికి డాషింగ్ బ్యాటర్ గా గుర్తింపు లభించింది. వికెట్ కీపర్ గా కూడా తన సేవలను జట్టు వినియోగించుకోవచ్చు. ఇక ట్రిస్టన్ స్టబ్స్ గతంలో ముంబై ఇండియన్స్ కు ప్రాతినిధ్యం వహించిన సంగతి మనకు తెలిసిందే. ఇంత భారీ ధరకు తనను దక్కించుకోవడం పట్ల స్టబ్స్ సంతోషాన్ని వ్యక్తం చేశాడు. ధరకు తగ్గట్లు ఏమేరకి ఆడి కావ్య మారన్ పేరును నిలబడతాడో వేచిచూడాల్సిందే. మరి కావ్య మారన్ ఇంత ధర చెల్లించి స్టబ్స్ ను కోనుగోలు చేయడంపై మీ అభిప్రాయాలను కామెంట్స్ రూపంలో తెలియజేయండి.
Teams battle in auction to get the services of 22 year old Tristan Stubbs.#TristanStubbs#SA20Auction#SA20 #INDvAUS pic.twitter.com/NAF4dTxd5N
— Cricket Videos🏏 (@Crickket__Video) September 19, 2022
The 22-year old Tristan Stubbs expresses his joy after being picked up by #SEC in the #SA20Auction! 🧡
#SunrisersEasternCape #OrangeArmy #TristanStubbs pic.twitter.com/9Ij4rDiPe0— Sunrisers Eastern Cape (@SunrisersEC) September 19, 2022
