follow us:
టైటిల్‌ హాట్‌ఫేవరేట్‌గా ఆసియా కప్ బరిలోకి దిగిన టీమిండియా సూపర్‌ ఫోర్‌తోనే సరిపెట్టుకునేలా ఉంది. గ్రూప్‌స్టేజ్‌లో పాకిస్థాన్‌, హాంకాంగ్‌ను ఓడించిన భారత్‌.. సూపర్‌ ఫోర్‌లో మాత్రం దారుణంగా విఫలం అవుతోంది. ఆదివారం పాకిస్థాన్‌తో జరిగిన మ్యాచ్‌లో ఓడిన భారత్‌.. తప్పక గెలవాల్సిన మ్యాచ్‌లోనూ శ్రీలంక చేతిలో చిత్తుగా ఓడింది. దీంతో ఆసియా కప్ 2022లో టీమిండియా ప్రస్థానం దాదాపు ముగిసినట్టే. ఏదో అద్భుతం జరిగితే తప్ప.. ఫైనల్‌కు చేరే అవకాశం లేదు. ఆసియా కప్‌లో టీమిండియా ఓటములతో హెడ్‌కోచ్‌ రాహుల్‌ ద్రవిడ్‌పై తీవ్ర విమర్శలు వస్తున్నాయి. ముఖ్యంగా తుది జట్టు ఎంపికలో ద్రవిడ్ అనుసరిస్తున్న విధానాలే టీమిండియా పరాజయాలకు కారణాలు అవుతున్నాయని క్రికెట్‌ నిపుణులు అంటున్నారు. పరిస్థితులకు తగ్గట్లు జట్టులో మార్పులు, చేర్పులు చేయడంలో తప్పులేదు. కానీ.. అసలు ఏ లక్ష్యంతో అయితే జట్టు కూర్పు జరుగుతుందో.. దాన్ని మైదానంలో అమలు చేయకపోవడంతో విమర్శలు వ్యక్తం అవుతున్నాయి.
జట్టులోకి దీపక్‌ హుడాను ఎందుకు తీసుకున్నారంటే.. మినిమమ్‌ క్రికెట్‌ నాలెడ్జ్‌ ఉన్నవారు ఎవరైనా సరే.. ఆల్‌రౌండర్‌ కాబట్టి బ్యాటింగ్‌తో పాటు బౌలింగ్‌లోనూ ఉపయోగపడతాడని తీసుకున్నారని చెబుతారు. పైగా దినేష్‌ కార్తీక్‌ లాంటి స్టార్ ఫినిషర్‌ను పక్కనపెట్టి మరీ హుడాను తీసుకుని అతనితో బౌలింగ్‌ మాత్రం చేయించలేదు. ప్రధాన బౌలర్లు భారీగా పరుగులు ఇస్తున్నా.. ఒకటి, రెండు ఓవర్లు హుడా చేత పూర్తి చేయించకుండానే మ్యాచ్‌ను ముగిస్తున్నారు. పైగా టాపార్డర్‌ బ్యాటర్‌ అయిన హుడాను లోయరార్డర్‌లో దింపుతున్నారు. బౌలింగ్‌ ఇవ్వకుండా ఒక ఫినిషర్‌ రోల్‌లో అతన్ని ఆడించాల్సిన అవసరం ఏముంది? ఫినిషర్‌ రోల్‌ కోసమే.. కదా దినేష్‌ కార్తీక్‌ను జట్టులోకి తీసుకుంది. మరి అతన్ని పక్కన పెట్టి హుడా ఎందుకు ఆడిస్తున్నారో అర్థం కావడం లేదు. పాకిస్థాన్‌తో జరిగిన మ్యాచ్‌లోనే డీకే లేని లోటు స్పష్టంగా కనిపించినా శ్రీలంకతో అతన్ని పక్కనపెట్టారు. మరోసారి చివరి ఓవర్లలో కావాల్సినన్ని పరుగులు రాలేదు. ఇది కూడా టీమిండియా ఓటమిపై ప్రభావం చూపించింది.
ఇక బౌలర్ల ఎంపిక అయితే ఎవరీకి అర్థం కాని ఒక ఫెల్యూర్‌ స్ట్రాటజీ.. పాకిస్థాన్‌తో మిగతా బౌలర్లంతా విఫలం అవుతున్నా.. రవి బిష్ణోయ్‌ ఒక్కడే అద్భుతంగా రాణించాడు. 4 ఓవర్ల కోటా పూర్తి చేసిన అతను 26 పరుగులు మాత్రమే ఇచ్చి పవర్‌ప్లేలో ఒక వికెట్‌ పడగొట్టాడు. అలాంటి మంచి రిథమ్‌లో ఉన్న బౌలర్‌ను శ్రీలంకతో మ్యాచ్‌లో పక్కన పెట్టి.. అశ్విన్‌ను జట్టులోకి తీసుకుని చాహల్‌ను కొనసాగించారు. నిజానికి శ్రీలంకతో మ్యాచ్‌లో చాహల్‌ను పక్కన పెట్టాలి. శ్రీలంకతో మ్యాచ్‌లో చాహల్‌ మూడు వికెట్లతో రాణించినా.. భారీగా పరుగులు సమర్పించుకున్నాడు. అలాగే మొహమ్మద్‌ షమీని ఆసియా కప్ కోసం ఎంపిక చేయలేదు. అప్పటికే బుమ్రా లాంటి స్టార్ బౌలర్‌ గాయంతో అందుబాటులో లేకున్నా.. టీ20 వరల్డ్‌ కప్ ప్రణాళికల్లో లేడనే ఒక చెత్త కారణంతో ఫామ్‌లో ఉన్న షమీని ఆసియా కప్‌కు ఎంపిక చేయలేదు. భువనేశ్వర్‌, అర్షదీప్‌ సింగ్‌, ఆవేశ్‌ ఖాన్‌ను తీసుకున్నారు. వీరిలో ఆవేశ్‌ ఖాన్‌ ఎంపిక అత్యంత దారుణమైన ఎంపిక. వెస్టిండీస్‌, జింబాబ్వే పర్యటనల్లో ఆవేశ్‌ విఫలం అయినా.. అతన్ని ఆసియా కప్‌కు ఎంపిక చేశారు. తొలి రెండు మ్యాచ్‌ల్లో విఫలం అయిన ఆవేశ్‌.. సూపర్‌ ఫోర్‌లో జ్వరంతో మ్యాచ్‌లు ఆడటం లేదు. ఆశేష్‌ లేకపోవడంతో టీమిండియా ఆశ్చర్యకరంగా కేవలం నలుగురు స్పెషలిస్ట్‌ బౌలర్‌తోనే బరిలోకి దిగింది. హార్దిక్‌ పాండ్యాపై అతి నమ్మకంతో వెళ్లిగా.. పాక్‌, శ్రీలంకతో జరిగిన మ్యాచ్‌ల్లో పాండ్యా దారుణంగా విఫలం అయిన విషయం తెలిసిందే.
అలాగే బ్యాటింగ్‌లో ఫామ్‌లో లేకపోయినా.. లెఫ్ట్‌ హ్యాండర్‌ కావాలనే ఉద్దేశంతో రిషభ్‌ పంత్‌ను ఆడిస్తున్న ద్రవిడ్. శ్రీలంకతో టీమిండియా మూడో వికెట్‌ కోల్పోతే పంత్‌ బదులు పాండ్యాను పంపించి ఆశ్యర్యపరిచాడు. ఇనిషియల్‌గా కొంత టైమ్‌ తీసుకునే పంత్‌ను కాస్త ముందు పంపితే జట్టుకు మేలు జరిగేది. దాంతో పాటు లెఫ్ట్‌రైట్‌ కాంబినేషన్‌ కూడా టీమిండియాకు అడ్వాంటేజ్‌గా మారేంది. కానీ.. ద్రవిడ్ వేరేలా ఆలోచించాడు. దీంతో పాండ్యా, పంత్‌ ఇద్దరూ విఫలం అయ్యారు. ఇక కేఎల్‌ రాహుల్‌ ఎంపిక గురించి చెప్పుకుంటే.. గాయాలు, సర్జరీ తర్వాత వచ్చిన రాహుల్‌ కంటే శిఖర్‌ ధావన్‌ ఆసియా కప్ జట్టులో బెస్ట్‌ పిక్‌గా ఉండేవాడు. నిజానికి రోహిత్‌-ధావన్‌ ఓపెనింగ్‌ జోడికి మంచి రికార్డ్స్‌ ఉన్నాయి. కానీ.. టీ20 వరల్డ్‌ కప్ ప్రణాళికల్లో లేడనే ఒక పనికి రాని స్ట్రాటజీతో ధావన్‌ను ఆసియా కప్‌కు ఎంపిక చేయలేదు. ఇలా రాహుల్‌ ద్రవిడ్ తన స్ట్రాటజీలతో టీమిండియాలో ఊహించని మార్పులు చేస్తూ.. మొదటికే ముప్పు తెస్తున్నాడు. మరి ఈ విషయంలో మీ అభిప్రాయాలను కామెంట్ల రూపంలో తెలియజేయండి.
ఇది కూడా చదవండి: పాపం అర్షదీప్‌.. కెప్టెన్‌ ప్రవర్తనతో బిత్తరపోయాడు! రోహిత్‌ శర్మపై నెటిజన్లు ఫైర్‌
In the post match press conference you said you will play six bowlers in the World Cup. So why not in Asia cup? Was this tournament not important? What was coach Rahul Dravid’s suggestion? How could you drop Ravi Bishnoi? Poor leadership. @ImRo45 #RohitSharma
— Sushant Mehta (@SushantNMehta) September 6, 2022
Rahul Dravid on comparing India’s bowling attack to Pakistan’s “Our bowling attack might not be as……..I want to use a word but I can’t use that word. It’s a 4 letter word that begins with S” #Cricket #AsiaCup #INDvPAKpic.twitter.com/JD6qSvjq93
— Saj Sadiq (@SajSadiqCricket) September 4, 2022
