follow us:
సాధారణంగా ఎక్కువ మంది ఉచితంగా వస్తుందంటే దేనిని వదలరు. ఇక ప్రభుత్వాలు ఇచ్చే ఉచిత పథకాల విషయాల గురించి ప్రత్యేకంగా చెప్పనక్కర్లేదు. ప్రభుత్వం అందించే ప్రతి పథకం తమకు రావాలని కోరుకుంటారు. పొరపాటున రాకపోతే దాని గురించి నానా రచ్చ చేస్తుంటారు. మరీ.. ముఖ్యంగా అన్ని బాగుండి పనిచేసే సామర్ధ్యం ఉన్నవారు ఈ ఉచితాల గురించి ప్రభుత్వ అధికారులతో వాగ్వాదానికి దిగుతుంటారు. ఇక అలాంటి వారికి ఉచితంగా ఏదైన ఇస్తుంటే వద్దంటారా?. కానీ.. ఓ బామ్మ మాత్రం అందరికి ఆదర్శంగా నిలిచింది. ప్రభుత్వం బస్సులో ఉచితంగా ప్రయాణం చేసే అవకాశం ఉన్న కూడా తనకు డబ్బులు కంటే సామర్ధ్యం ఉందని ఉచితం అవసరం లేదని టికెట్ తీసుకుంది. ఇంకా చెప్పాలంటే కండక్టర్ తో గొడవబడి మరి.. బామ్మ టికెట్ తీసుకుంది. ఈ ఘటన తమిళనాడులో చోటుచేసుకుంది. దీనికి సంబంధించిన వీడియో సోషల్ మీడియాలో వైరల్ అవుతోంది. పూర్తి వివరాల్లోకి వెళ్తే..
2021లో తమిళనాడుఎన్నికల సమయంలో డీఎంకే పార్టీ మహిళలకు ఓ హామీ ఇచ్చింది. తాము అధికారంలోకి వస్తే ప్రభుత్వ ఆర్డినరీ బస్సుల్లో మహిళలకి ఉచితంగా ప్రయాణమని హామీ ఇచ్చారు. అన్నట్లుగానే డీఎంకే పార్టీ అధికారంలోకి వచ్చిన తరువాత ఆ హామీని అమలు చేసింది. రాష్ట్రంలోని మహిళలకు ప్రభుత్వ బస్సులో ఉచిత ప్రయాణించేందుకు వీలు కల్పించింది. అనేక మంది మహిళలు ఈ అవకాశాని ఉపయోగించుకుంటున్నారు. ఈక్రమంలో మధుకరాయ్ నుంచి పాలథురాయ్ వెళ్లున్న ఓ బస్సులో వృద్ధురాలు ఎక్కింది. బస్సులో పురుషుల వద్ద కండక్టర్ టికెట్లు తీసుకుంటున్నాడు. ఈ క్రమంలో ఎంత సేపు చూసిన తన వద్ద టికెట్ తీసుకోవడం లేదని ఆ బామ్మ భావించారు. కండక్టర్ వద్దకు వెళ్లి తనకూ టికెట్ ఇవ్వాలని తెలిపింది.
డబ్బు ఇవ్వాల్సిన అవసరం లేదని , ఉచితంగానే ప్రయాణం చేయవచ్చని బామ్మకు కండక్టర్ తెలిపాడు. అయిన ఆయన మాటలను బామ్మ వినిపించుకోలేదు. తనకు టికెట్ ఇవ్వాల్సిందేనని పట్టుబట్టింది. ప్రభుత్వం ప్రవేశపెట్టిన ఈ పథకం గురించి మరోసారి వివరించే ప్రయత్నం చేశాడు కండక్టర్. అయినా.. తాను ఫ్రీగా వెళ్లాలనుకోవట్లేదని, టికెట్ ఇవ్వాల్సిందేనని భీష్మించుకున్నారు. దీంతో చేసేదేమి లేక టికెట్ కు సరిపడ డబ్బులు తీసుకుని ఆ బామ్మకు టికెట్ ఇచ్చాడు. ప్రభుత్వం నుంచి వచ్చేవి అన్ని ఫ్రీగా కావాలంటూ నానా రచ్చ చేసేవారు ఈ బామ్మను చూసి బుద్ధి మార్చుకోవాలని కొందరు నెటిజన్లు కామెంట్స్ చేశారు. దీనికి సంబంధించిన వీడియో సోషల్ మీడియాలో వైరల్ అవుతోంది.
#WATCH || ‘இலவசம்னு சொல்லிவிட்டு பொதுமக்களை ஓசி டிக்கட் என்று அவமான படுத்துவதா?’ – கொந்தளித்த மூதாட்டி!https://t.co/gkgoZMqkWC | #coimbator | #OCTicket | #TNGovt | @mkstalin
இடம்: கோவை: மதுக்கரை – பாலத்துறை செல்லும் அரசு பேருந்து pic.twitter.com/IhwV7cF8pq
— Indian Express Tamil (@IeTamil) September 29, 2022
