వీడియో: ‘నేనేమీ నీ సర్వెంట్ ని కాదు’.. ఫ్లైట్ లో ప్రయాణికుడికి, ఎయిర్ హోస్టెస్ కి మధ్య గొడవ..

గొడవ మనిషి నుంచి మనిషిని వేరు చేసే అతి పెద్ద బూతు మాట. ‘బూతు అని తెలుసయ్యా. కానీ గొడవ పెట్టుకోకపోతే మాకు రోజు గడవదు’ అని గొడవలు పెట్టుకునే బ్యాచ్ ఉంటారు. వీళ్ళు ఎక్కడుంటే అక్కడ జనానికి పిచ్చ ఎంటర్టైన్మెంట్. ఇక ఈ జనం చూడడం తప్ప పెద్ద ఫ్రీకేదేమీ లేదు కదా. గొడవలంటే ఎంత ఇంట్రస్టో మనిషికి. గొడవలకు కాదేది అనర్హం అన్నారు పెద్దలు. అహంకారం, అసూయలే వేదికలు. ఇండిగో విమానం ఇస్తాంబుల్ నుంచి ఢిల్లీకి వస్తోంది. ఆ విమానంలో ప్రయాణికుడు, ఎయిర్ హోస్టెస్ కి మధ్య తీవ్ర స్థాయిలో వాగ్వాదం జరుగుతుంది. ఈ నెల 16వ తేదీన ఇస్తాంబుల్ నుంచి ఢిల్లీకి ఇండిగో విమానం వస్తుంది. అయితే ఆహారం విషయంలో ప్రయాణికుడికి, ఎయిర్ హోస్టెస్ కి మధ్య వాగ్వాదం చోటు చేసుకుంది.

బోర్డింగ్ పాస్ లో ఏ ఆహారం మెన్షన్ చేసి ఉంటే అది అందించడం ఎయిర్ హోస్టెస్ డ్యూటీ. కానీ ప్రయాణికుడు వేరేది తెమ్మంటాడు. దీంతో ప్రయాణికుడు ఎయిర్ హోస్టెస్ మీద అరుస్తాడు. ఆ ఎయిర్ హోస్టెస్ ఏడ్చుకుంటూ వెళ్ళిపోతుంది. తోటి ఎయిర్ హోస్టెస్ అమ్మాయి ఆ ప్రయాణికుడి దగ్గరకు వెళ్లి.. ‘చూడండి మీ వల్ల మా ఫ్రెండ్ ఏడుస్తుంది. బోర్డింగ్ పాస్ లో ఏముంటే దాని ప్రకారమే ఆహారాన్ని అందిస్తాము’ అని చెప్పింది. దానికి ఆ ప్రయాణికుడు ‘నువ్వు నాకు చెప్పేదేంటి? నువ్వు నా సేవకురాలివి. చెప్పింది చేయాలి’ అంటూ గట్టిగా అరుస్తూ సమాధానం ఇచ్చాడు. దానికి ఆ ఎయిర్ట్ హోస్టెస్.. నేను నీ పనిమనిషిని కాదు, ఉద్యోగిని అని గట్టిగా బదులిచ్చింది.

దీంతో ఆ ప్రయాణికుడు నోరు మూసుకో అని అనగా.. ఎయిర్ హోస్టెస్ కూడా నోర్మూసుకో అంటూ స్ట్రాంగ్ రిప్లై ఇచ్చింది. తోటి ఎయిర్ హోస్టెస్ వచ్చి ఆపడంతో గొడవ సద్దుమణిగింది. ఈ గొడవను ఒక పెద్ద మనిషి వీడియో తీసి సోషల్ మీడియాలో పోస్ట్ చేయగా.. అది కాస్తా వైరల్ గా మారింది. ఈ గొడవలో నువ్వు సేవకురాలివి అంటూ మాట్లాడిన ప్రయాణికుడ్ని ఉద్దేశించి.. ‘ఈడో పెద్ద మహారాజు మరి, ఆ యువతిని సేవకురాలు అని అనడానికి’ అంటూ నెటిజన్స్ కామెంట్స్ చేస్తున్నారు. మరి ఎయిర్ హోస్టెస్ ని అవమానించిన ప్రయాణికుడికి గట్టిగా బదులిచ్చిన ఎయిర్ హోస్టెస్ పై మీ అభిప్రాయమేంటో కామెంట్ చేయండి. 

Tempers soaring even mid-air: “I am not your servant”

An @IndiGo6E crew and a passenger on an Istanbul flight to Delhi (a route which is being expanded soon with bigger planes in alliance with @TurkishAirlines ) on 16th December : pic.twitter.com/ZgaYcJ7vGv

— Tarun Shukla (@shukla_tarun) December 21, 2022