పూనమ్ కౌర్ కి వచ్చిన ఫైబ్రోమైయాల్జియా వ్యాధి లక్షణాలు.. మహిళలల్లోనే ఎక్కువ..

మగవారితో పోల్చుకుంటే మహిళలు చాలా స్ట్రాంగ్ గా ఉంటారు. శారీరకంగా, మానసికంగా మహిళలు ఉన్నంత బలంగా మగవాళ్ళు కూడా ఉండరు. అంత ఆరోగ్యంగా ఉండే మహిళలు కూడా ఈ మధ్య అనారోగ్య సమస్యలతో బాధపడుతున్నారు. ముఖ్యంగా సినీ పరిశ్రమకు చెందిన హీరోయిన్లు తరచూ అనారోగ్య సమస్యలతో బాధపడుతున్నారు. డిప్రెషన్, మాయోసైటిస్ వంటి అరుదైన వ్యాధులతో బాధపడుతున్నారు. ఇటీవలే సమంత మాయోసైటిస్ సమస్య నుంచి కోలుకుని బయటకు రాగా.. తాజాగా పూనమ్ కౌర్ ఫైబ్రోమైయాల్జియా అనే అరుదైన వ్యాధితో బాధపడుతోంది. ఫైబ్రోమైయాల్జియా అనేది నాడీ సంబంధిత సమస్య. దీని వల్ల అలసట, నిద్ర, జ్ఞాపక శక్తి, మానసిక స్థితి, కండరాల నొప్పి వంటి సమస్యలు తలెత్తుతాయి.

ఫైబ్రోమైయాల్జియా మెదడు, వెన్నెముకపై కూడా ప్రభావం చూపుతుందని, నొప్పి కలిగించే, నొప్పి కలిగించని సంకేతాలు ఈ వ్యాధి లక్షణాలని పరిశోధకులు చెబుతున్నారు. ఏ వ్యాధి ముదిరితే.. విపరీతంగా నొప్పులు వస్తాయని అంటున్నారు. శారీరక గాయం అయిన తర్వాత గానీ, సర్జరీ, ఇన్ఫెక్షన్ లేదా మానసిక ఒత్తిడి వంటి సంఘటనల తర్వాత ఈ వ్యాధి లక్షణాలు ప్రారంభమవుతాయి. కొన్ని సందర్భాల్లో ఎలాంటి సంఘటనలు లేకుండానే వ్యాధి లక్షణాలు మొదలవుతాయి. మగవారితో పోలిస్తే.. ఈ ఫైబ్రోమైయాల్జియా అనేది ఆడవారిలో త్వరగా సంక్రమిస్తుంది. ఫైబ్రోమైయాల్జియా ఉన్నవాళ్లు టెన్షన్ హెడేక్, టెంపోరోమండిబ్యులర్ జాయింట్ (తాత్కాలిక ఎముక మరియు దిగువ దవడ) రుగ్మతలు, ప్రేగు సంబంధిత రుగ్మతలు, ఆందోళన, డిప్రెషన్ కలిగి ఉంటారు. ఫైబ్రోమైయాల్జియా వ్యాధికి చికిత్స లేనప్పటికీ.. కొన్ని రకాల మందులతో వ్యాధి లక్షణాలను నయం చేయవచ్చు. వ్యాయామం, ఒత్తిడి తగ్గించుకోవడం, రిలాక్స్ అవ్వడం వంటివి చేస్తే ఈ వ్యాధిని తగ్గించుకోవచ్చు.

ఫైబ్రోమైయాల్జియా వ్యాధి ప్రధాన లక్షణాలు:

• విస్తృతమైన నొప్పి: కనీసం మూడు నెలల పాటు తరచుగా విస్తృతమైన, నిస్తేజమైన నొప్పులు రావడం ఫైబ్రోమైయాల్జియా వ్యాధి లక్షణాలు. శరీరం ముందు భాగం, వెనుక భాగంలో నొప్పులు, అలానే నడుము కింది, నడుము పై భాగంలో నొప్పులు విపరీతంగా వస్తాయి. 
• అలసట: ఫైబ్రోమైయాల్జియా వ్యాధి లక్షణాలు ఉన్నవారు ఎక్కువ సేపు నిద్రపోతున్నప్పటికీ తరచుగా అలసిపోతారు. నొప్పి వల్ల నిద్రకు భంగం కలుగుతుంది. ఫైబ్రోమైయాల్జియా వ్యాధి కలిగిన చాలా మంది రోగులు రెస్ట్ లెస్ లెగ్స్, స్లీప్ అప్నియా అనే నిద్ర రుగ్మతలతో బాధపడుతున్నారు.
• జ్ఞానపరమైన ఇబ్బందులు: ఫైబ్రో ఫాగ్ గా పిలవబడే ఈ వ్యాధి మానసిక పనుల మీద పెట్టే ఫోకస్, శ్రద్ధ, ఏకాగ్రత వంటి వాటిని బలహీనపరుస్తుంది.

ఫైబ్రోమైయాల్జియా ఇతర పరిస్థితులతో కూడా కలిసి ఉంటుంది. దీర్ఘకాలిక అలసట, ప్రేగు సంబంధిత సమస్య, మైగ్రేన్ మరియు ఇతర రకాల తలనొప్పులు, ఇంటర్స్టిషియల్ సైస్టిటిస్ లేదా పెయిన్ ఫుల్ బ్లాడర్ సిండ్రోమ్ (మూత్రాశయ సమస్యలు), టెంపోరోమండిబ్యులర్ జాయింట్ (తాత్కాలిక ఎముక మరియు దిగువ దవడ) రుగ్మతలు, ఆందోళన, డిప్రెషన్, పోస్చురల్ టాచీ టాకీకార్డియా (భంగిమకు సంబంధించిన సమస్యలు) వంటివి ఈ వ్యాధి లక్షణాలు. 

ఫైబ్రోమైయాల్జియా వ్యాధి కారణాలు:

• రిపీటెడ్ గా వచ్చే నరాల ప్రేరణ మెదడు, వెన్నుపాములో మార్పులు తీసుకొస్తుందని పరిశోధకులు చెబుతున్నారు. ఈ మార్పుల వల్ల మెదడు యొక్క పెయిన్ రిసెప్టార్స్… జ్ఞాపక శక్తి లోపాన్ని డెవలప్ చేస్తాయి. బాగా సున్నితంగా చేస్తాయి. అంటే నొప్పి కలిగించే, నొప్పి కలిగించని సంకేతాలకు పెయిన్ రిసెప్టార్స్ అతిగా స్పందిస్తాయి.

ఈ మార్పులకు గల కారణాలు:

• జెనెటిక్స్: జన్యుపరమైన మ్యుటేషన్స్ వల్ల కుటుంబంలో ఒకరికి ఫైబ్రోమైయాల్జియా వ్యాధి వచ్చే అవకాశం ఉంది. జెనెటిక్ మ్యుటేషన్స్ త్వరగా ఈ వ్యాధికి గురి చేస్తుంది. 
• ఇన్ఫెక్షన్స్: కొన్ని అనారోగ్య సమస్యలు ఫైబ్రోమైయాల్జియా వ్యాధిని ప్రేరేపిస్తాయి మరియు తీవ్రతరం చేస్తాయి. 
• శారీరక లేదా భావోద్వేగ సంఘటనలు: కారు ప్రమాదం జరిగినప్పుడు లేదా భావోద్వేగ సంఘటనలు చోటు చేసుకున్నప్పుడు ఫైబ్రోమైయాల్జియా వచ్చే అవకాశం ఉంది. దీర్ఘకాలిక మానసిక ఒత్తిడి కూడా ఫైబ్రోమైయాల్జియా వ్యాధిని ప్రేరేపిస్తుంది.    

ప్రమాద కారకాలు:

• లింగం: ఫైబ్రోమైయాల్జియా అనేది మగవారిలో కంటే మహిళల్లోనే ఎక్కువగా వస్తుంది. 
• కుటుంబ చరిత్ర: కుటుంబ సభ్యులకి గానీ తోబుట్టువులకి గానీ ఫైబ్రోమైయాల్జియా ఉంటే.. మిగతా వారికి వచ్చే అవకాశం ఉంది. 
• ఇతర రుగ్మతలు: ఆస్టియోఆర్థరైటిస్ (కీళ్ల వ్యాధి), రుమటాయిడ్ ఆర్థరైటిస్ (కీళ్ల వాతము) లేదా లూపస్ (చర్మ సంబంధిత రోగము) వంటివి ఉంటే త్వరగా ఫైబ్రోమైయాల్జియా వ్యాధికి గురయ్యే అవకాశం ఉంది.

ఫైబ్రోమైయాల్జియా వ్యాధి వల్ల వచ్చే చిక్కులు: 

• • నొప్పి, అలసట, నిద్ర సమస్యతో కూడిన ఫైబ్రోమైయాల్జియా వల్ల ఇంట్లో పనులు చేసుకోలేరు. ఆఫీసులో పని చేయలేరు. తరచుగా అర్థం చేసుకునే పరిస్థితిలో అపార్థం చేసుకునే క్రమంలో కలిగే ఫ్రస్ట్రేషన్ డిప్రెషన్, ఆందోళనకు దారి తీస్తుంది. కాబట్టి సానుకూలంగా ప్రవర్తించడం మంచిది.    

 

View this post on Instagram

 

A post shared by Poonam kaur (@puunamkhaur)