తనతో కలసి నటించిన ఆ హీరోయిన్​ను బ్లాక్ చేసిన అల్లు అర్జున్!

టాలీవుడ్ ఐకాన్ స్టార్ అల్లు అర్జున్​కు యూత్​లో ఉన్న ఫాలోయింగ్ గురించి ప్రత్యేకంగా చెప్పనక్కర్లేదు. తన స్టైల్, డ్యాన్సులుతో ఆయన స్పెషల్ ఇమేజ్ సంపాదించారు. ‘పుష్ప’కు ముందువరకు బన్నీ ఇమేజ్ తెలుగు రాష్ట్రాల్లోనే ఎక్కువగా ఉండేది. ఆయన సినిమాలు మలయాళంలోనూ డబ్​ అయ్యి హిట్టయ్యాయి. దీంతో కేరళలోనూ అల్లు అర్జున్​కు మంచి ఫాలోయింగ్ ఏర్పడింది. కానీ ‘పుష్ప’ మూవీ బన్నీని ఓవర్​నైట్ పాన్ ఇండియా స్టార్ చేసేసింది. ఈ చిత్రంలో రగ్గ్​డ్ లుక్​లో కనిపిస్తూ ఆయన చేసిన ఫైట్లు, డ్యాన్సులు, పవర్​ఫుల్ యాక్టింగ్​కు సౌత్​తో పాటు నార్త్ ఆడియెన్స్ కూడా ఫిదా అయ్యారు.

హిందీ బాక్సాఫీస్​ వద్ద ‘పుష్ప’ బంపర్ హిట్ కొట్టింది. ఉత్తరాదిన దాదాపుగా రూ.100 కోట్ల పైచిలుకు కలెక్షన్లు సాధించి అందర్నీ ఆశ్చర్యానికి గురిచేసింది. ప్రస్తుతం ‘పుష్ప 2’ చిత్రీకరణలో బిజీగా ఉన్నారు అల్లు అర్జున్. భారీ అంచనాలు నెలకొన్న నేపథ్యంలో ‘పుష్ప 2’ విషయంలో బన్నీ, సుకుమార్​లు ఎక్కడా కాంప్రమైజ్ కావడం లేదట. ఖర్చు విషయంలోనూ తగ్గేదేలే అంటున్నారట. ఈ మూవీని మరిన్ని భారతీయ భాషల్లో భారీగా రిలీజ్ చేయాలని యోచిస్తున్నారట. ‘పుష్ప’ సీక్వెల్​తో అల్లు అర్జున్ ఇంకెంత పెద్ద హిట్ కొడతాడో చూడాలి. ఇదిలాఉండగా.. భానుశ్రీ మెహ్రా పేరు వినే ఉంటారు.

బన్నీ సరసన ‘వరుడు’ సినిమాలో నటించిందీ బ్యూటీ. అల్లు అర్జున్ లాంటి స్టార్ హీరో మూవీతో ఇండస్ట్రీలోకి గ్రాండ్ ఎంట్రీ ఇచ్చింది. అయితే ‘వరుడు’ బాక్సాఫీస్ వద్ద నిరాశపర్చడంతో హీరోయిన్​గా నిలదొక్కుకోలేకపోయింది భాను శ్రీ. అప్పటికి పాపులర్ డైరెక్టర్​గా పేరు తెచ్చుకున్న గుణశేఖర్ దర్శకత్వం వహించడం.. అల్లు అర్జున్, ఆర్య లాంటి స్టార్ క్యాస్టింగ్ ఉండటంతో ‘వరుడు’పై భారీ అంచనాలు ఏర్పాడ్డాయి. కానీ ప్రేక్షకులను ఆకట్టుకోవడంలో ఆ మూవీ విఫలమైంది. ‘వరుడు’ ఫలితం ఎలాగున్నా, ఇందులో హీరో హీరోయిన్లుగా నటించిన అల్లు అర్జున్, భాను శ్రీ మెహ్రాల క్యారెక్టర్లకు మాత్రం ఫిలిం క్రిటిక్స్ నుంచి మంచి మార్కులు పడ్డాయి.

ఈ సినిమా ఫ్లాప్ అయిన తర్వాత ‘వేదం’ మూవీ హిట్టవ్వడంతో బన్నీ కెరీర్ మళ్లీ ఊపందుకుంది. కానీ ‘వరుడు’ డిజాస్టర్ తర్వాత భాను శ్రీకి మాత్రం సినిమా ఛాన్సులు వరించలేదు. కామియో, గెస్ట్ అప్పీయరెన్స్ పాత్రలకు సిద్ధమైనా.. కెరీర్​లో మాత్రం ఆమె సెటిల్ అవ్వలేదు. 2018లో కరణ్ అనే ఓ వ్యాపారవేత్తను ఆమె ప్రేమించి పెళ్లాడింది. ఇదిలాఉండగా.. భానుశ్రీ మెహ్రాను ట్విట్టర్​లో బ్లాక్ చేశారు అల్లు అర్జున్. ఈ విషయాన్ని స్వయంగా ఆమెనే తెలిపారు. బన్నీ తనను బ్లాక్ చేసిన విషయాన్ని ఓ స్క్రీన్ షాట్ ద్వారా చెప్పారు.

‘వరుడు’ తర్వాత ఇప్పటికీ తనకు అవకాశాలు రావడం లేదన్నారు భానుశ్రీ. ఎంతటి కష్టసమయంలోనైనా హాస్యాన్ని వెతుక్కోవడాన్ని తాను నేర్చుకున్నానని ఆమె వ్యాఖ్యానించారు. భానుశ్రీని బన్నీ ఎందుకు బ్లాక్ చేశారనే దానిపై ఇంకా క్లారిటీ రాలేదు. కాగా, ఈ ట్వీట్ చేసిన కొంతసమయానికి భాగ్య శ్రీ మరో ట్వీట్ చేశారు. తనను బన్నీ అన్​బ్లాక్ చేశారని తెలిపారు. కెరీర్​లో వెనుకపడినందుకు అల్లు అర్జున్​ను తాను ఎప్పుడూ నిందించలేదన్నారు. అల్లు అర్జున్​కు భాను శ్రీ థ్యాంక్స్ చెప్పారు. ఈ విషయంపై మీ అభిప్రాయాలను కామెంట్ల రూపంలో తెలియజేయండి.

If you ever feel like you’re stuck in a rut, just remember that I acted in Varudu with Allu Arjun and STILL couldn’t get any work. But I’ve learned to find humor in my struggles – especially now that Allu Arjun has blocked me on Twitter🤷‍♀️ Go subscribe ?https://t.co/mqX2lVNjwx pic.twitter.com/ycSR5yGpfl

— Bhanushree Mehra (@IAmBhanuShree) March 18, 2023

Great news, Allu Arjun has unblocked me! To clarify, I NEVER blamed him for my career setbacks. Instead, I’ve learned to find humor in my struggles and keep moving forward. Stay tuned for more laughs and good vibes! Thanks, Allu Arjun, for being a good sport. @alluarjun pic.twitter.com/oLovQdnWAE

— Bhanushree Mehra (@IAmBhanuShree) March 18, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.