follow us:
‘ఆదిపురుష్‌’ ప్రస్తుతం పాన్ ఇండియా లెవల్లో ఈ సినిమా గురించి బాగా బజ్‌ నడుస్తోంది. ప్రభాస్‌ తన కెరీర్‌లోనే తొలిసారి రాముడి పాత్రలో కనిపించనున్నాడు. ఓం రౌత్‌ కలల ప్రాజెక్టు ఆదిపురుష్‌ జనవరి 12న ప్రపంచవ్యాప్తంగా థియేటర్లలో విడుదల కానుంది. ఎప్పుడెప్పుడా అని ఎదురుచూసిన ఆదిపురుష్‌ టీజర్ వచ్చిన విషయం తెలిసిందే. ఆ టీజర్ ఎన్నో రికార్డులను సృష్టించింది. 24 గంటల వ్యవధిలో ఇండియాలో ఒక సింగిల్ యూనిట్‌లో అత్యధిక వ్యూస్‌ సాధించిన టీజర్, అన్నీ వర్షన్లలో కలిపి మోస్ట్‌ వ్యూస్‌ సాధించిన టీజర్, మోస్ట్‌ వ్యూస్‌, లైక్స్ సాధించిన బాలీవుడ్‌ టీజర్, అన్ని వర్షన్స్‌ కలిపి అత్యధిక లైకులు సాధించిన టీజర్‌గా ఆదిపురుష్‌ సినిమా యూట్యూబ్‌లో పలు రికార్డులు నెలకొల్పింది.
24 గంటల్లో 101 మిలియన్‌ వ్యూస్‌ కంటే ఎక్కువ సాధించి ఇండియాలోనే అత్యధిక వ్యూస్‌ సాధించిన టీజర్‌గా రికార్డులు నెలకొల్పింది. ఈ సినిమాపై భిన్నాభిప్రాయాలు, నెగెటివ్‌ కామెంట్స్‌ వచ్చిన విషయం తెలిసిందే. యానిమేషన్‌ సినిమా కోసమా ఇంత హడావుడి చేశారు అంటూ చాలా మంది పెదవి విరిచారు. అంతేకాకుండా కార్టూన్‌ సీరియల్స్‌ చాలా బాగున్నాయి అంటూ ట్రోల్స్‌ చేశారు. ఇంక రికార్డుల విషయానికి వస్తే యూట్యూబ్‌లో ఒక చెత్త రికార్డును కూడా ఆదిపురుష్‌ టీజర్ క్రియేట్‌ చేసింది. అదేంటంటే అత్యధిక డిస్‌ లైక్స్ సాధించిన టీజర్‌గా కూడా ఆదిపురుష్‌ రికార్డుల కెక్కింది. ఇప్పటివరకు 8 లక్షలకు పైగా డిస్‌ లైక్స్ సొంతం చేసుకుంది.
ఆదిపురుష్‌ విషయంలో ప్రభాస్‌ ఫ్యాన్స్‌ కి ఒక గుడ్‌న్యూస్‌ కూడా ఉంది. ఇప్పటివరకు అన్నీ నెగెటివ్‌ కామెంట్స్‌, ట్రోల్స్‌ చూసి వాళ్లంతా ఎంతో బాధపడ్డారు. కానీ, ఆదిపురుష్‌ సినిమాపై ప్రేక్షకుల అభిప్రాయం మారుతోందనే చెప్పాలి. ఎందుకంటే 3Dలో ఆదిపురుష్‌ ట్రైలర్‌ చూసినవారంతా ఎంతో సంతోషం వ్యక్తం చేస్తున్నారు. ఎందుకంటే ఆదిపురుష్‌ టీజర్ 3డీలో అదిరిపోయిందని చెబుతున్నారు. విజువల్స్‌, ఎఫెక్ట్స్‌, ప్రభాస్‌ అప్పియరెన్స్‌ అన్నీ ఎంతో ఆకట్టుకున్నాయని చెబుతున్నారు. ఇది ఫోన్స్‌ లో చూసి జడ్జ్‌ చేసే మూవీ కాదని.. థియేటర్‌ ఎక్స్‌ పీరియన్స్ తప్పకుండా నెక్ట్స్‌ లెవల్‌ ఉంటుందని హామీ ఇస్తున్నారు. ఈ మాటలు విన్న తర్వాత సినిమా యూనిట్‌లోనూ ఆత్మవిశ్వాసం పెరిగిందనే చెప్పాలి.
