follow us:
ఒక యంగ్ ప్లేయర్కు ముంబై ఇండియన్స్ ఫ్రాంచైజీ వింత పనిష్మెంట్ వేసింది. ఎయిర్పోర్ట్ మొత్తం అలాగే తిరగాలని స్పష్టం చేసింది. అసలు ఎవరా ప్లేయర్? ఏంటా వింత పనిష్మెంట్ అంటే..!
ఐపీఎల్లో ఉన్న అన్ని జట్లలో ముంబై ఇండియన్స్ కాస్త ప్రత్యేకమనే చెప్పాలి. లీగ్లో కొన్ని టీమ్స్ ఆరంభంలో అదరగొట్టి తర్వాత డీలాపడతాయి. కానీ ముంబై మాత్రం స్టార్టింగ్ ట్రబుల్స్ ఎదుర్కొంటుంది. లీగ్ ప్రారంభ దశలో ఓటములు ఎదురైనా.. ఆ తర్వాత పుంజుకొని ప్లేఆఫ్స్, ఫైనల్స్కు వెళ్లిన దాఖలాలు ఉన్నాయి. ఐపీఎల్-2023లో కూడా ఇదే రిపీట్ అవుతున్నట్లు కనిపిస్తోంది. ఈ సీజన్ తొలి అంచెలో వరుస ఓటములతో నిరాశపర్చిన ముంబై.. రెండో అంచెలో అద్భుతంగా ఆడుతోంది. గత ఐదు మ్యాచుల్లో నాలుగింట గెలిచిన ఈ టీమ్.. ప్లేఆఫ్స్ దిశగా దూసుకెళ్తోంది. మరో రెండు మ్యాచ్లు ఆడాల్సినవి ఉన్నాయి. వీటిల్లో విజయం సాధిస్తే ముంబై ప్లేఆఫ్స్ బెర్త్ ఖాయం అవుతుంది. ఒకదాంట్లో నెగ్గి, మరోదాంట్లో ఓడితే అప్పుడు మిగతా జట్ల గెలుపోటముల మీద ఆధారపడాల్సి వస్తుంది.
రోహిత్ సేన టైటిల్ వేటలో ఎంతవరకు విజయం సాధిస్తుందనేది పక్కనబెడితే.. ఆ జట్టు ఈ టోర్నీలో ఆడిన తీరును మెచ్చుకోవాల్సిందే. తిలక్ వర్మ, నెహాల్ వధేరా, ఆకాశ్ మాధ్వాల్ లాంటి యంగ్ ప్లేయర్లకు వరుస అవకాశాలు ఇస్తూ సత్ఫలితాలు రాబట్టిన తీరును ప్రశంసించాల్సిందే. పేరున్న ప్లేయర్లను నమ్ముకుని కూర్చోకుండా యువ ఆటగాళ్లలో ఉన్న ప్రతిభను గుర్తించి.. వారిని స్టార్లుగా తీర్చిదిద్దడం మంచి విషయమనే చెప్పాలి. ఇదిలా ఉండగా.. ఈసారి ఐపీఎల్లో మంచి గుర్తింపు సంపాదించిన యంగ్ ప్లేయర్లలో ముంబై బ్యాటర్ నెహాల్ వధేరా ఒకడు. అతడు ఆడిన కొన్ని ఇన్నింగ్స్లకు ఆడియెన్స్ సహా సీనియర్ క్రికెటర్లు కూడా ఫిదా అయ్యారు.
చెన్నై సూపర్ కింగ్స్ మీద 64 రన్స్, రాయల్ ఛాలెంజర్స్ బెంగళూరుపై 52 నాటౌట్ ఇన్నింగ్స్లతో నమ్మకమైన బ్యాటర్గా నెహాల్ వధేరా పేరు తెచ్చుకున్నాడు. భారీ సిక్సులతో విరుచుకుపడే ఈ లెఫ్టాండర్ బ్యాటర్ క్రీజులో ఎంతసేపు ఉంటే అంతసేపు రన్స్ వర్షమే. అలాంటి వధేరాకు ముంబై ఇండియన్స్ టీమ్ మేనేజ్మెంట్ ఒక పనిష్మెంట్ ఇచ్చింది. అవును, ఇది నిజమే. బ్యాటర్ల మీటింగ్కు ఆలస్యంగా వచ్చాడనే కారణంతో నెహాల్ వధేరాకు ముంబై టీమ్ ఒక వింత శిక్ష వేసింది. ట్రెడిషనల్ జంప్సూట్ స్థానంలో కాళ్లకు బ్యాటింగ్ ప్యాడ్స్ వేసుకొని ఎయిర్పోర్టు మొత్తం తిరిగేలా అతడికి పనిష్మెంట్ వేసింది. ఈ వీడియో ప్రస్తుతం సోషల్ మీడియాలో వైరల్ అవుతోంది. అయితే బ్యాటర్ల మీట్కు ఆలస్యంగా వచ్చినందుకు నెహాల్ పశ్చాత్తాపం వ్యక్తం చేశాడని తెలుస్తోంది.
#MumbaiIndians youngster #NehalWadhera turned all heads at Mumbai airport with his punishment #OOTD. He was captured with his pads on instead of traditional jumpsuit. According to our sources, #Nehal regrets being late for batters meeting. pic.twitter.com/vCzenvIWzC
— Mumbai Indians (@mipaltan) May 13, 2023
