follow us:
బిగ్ బాస్ తెలుగు సీజన్‌ 6.. హౌస్ మొత్తం కెప్టెన్సీ పోటీదారుల టాస్కుతో ఫుల్‌ హీటెక్కిపోయుంది. ఇంట్లోని సభ్యులు మొత్తం రెండు గ్రూపులుగా విడపోయి గెలుపుకోసం తెగ కష్టపడుతున్నారు. చంటికి ఇచ్చిన సీక్రెట్‌ టాస్కులో విజయం సాధించే పరిస్థితి కనిపించడం లేదు. ఐదుగురు అమ్మాయిలు కలిసి పెట్టుకున్న గ్లామ్‌ ప్యారడైజ్‌ హోటల్‌ విజయం సాధించాలని నానా తిప్పలు పడుతున్నారు. బీబీ హోటల్‌ విజయం కోసం వాళ్లు కష్టపడుతున్నారు. తమ దగ్గర డబ్బు కాపాడుకోవాలని అతిథులు కూడా తాపత్రేయడుతున్నారు. మొత్తానికి అంతా ఏదో ఒకటి చేస్తూ విజయం కోసం ముప్పతిప్పలు పడుతున్నారు. కానీ, బాలాదిత్య మాత్రం ఈ వారం కూడా చాలా కామ్‌గా కనిపిస్తున్నాడు. వీకెండ్‌ ఎపిసోడ్లో నాగార్జున తీసుకున్న క్లాస్ ఏ మాత్రం పనిచేసినట్లు కనిపిచడం లేదనే చెప్పాలి.
బాలాదిత్య ముందే అగ్రిమెంట్ చేసుకుని హౌస్‌లో అడుగుపెట్టినట్లు చెబుతున్నారు. బాలాదిత్యను విన్నర్‌ చేసేందుకు ముందే అగ్రిమెంట్ చేసుకున్నారని ఆరోపిస్తున్నారు. అందుకే అతను అంత ప్రశాంతంగా ఆడుతున్నాడని చెబుతున్నారు. అయితే గత వీకెండ్‌ ఎపిసోడ్లో నాగార్జున క్లాస్ తీసుకుంది బాలాదిత్యకే కదా! అగ్రిమెంట్ అయితే ఎందుకు అలా చేస్తారు అని ప్రశ్నించే వారు కూడా లేకపోలేదు. అయితే అందుకు కూడా కొన్ని కారణాలను చెబుతున్నారు. అడవిలో ఆట సమయంలో ఇనయా సుల్తానాను రెండు జట్లు కలిసి లాగుతున్న సమయంలో సోఫాలో కూర్చొని బాలాదిత్య ప్రేక్షక పాత్ర పోషించడాన్ని నాగార్జున సైతం తప్పుబట్టారు. అలా అనడానికి కూడా కారణం ఉందని చెబుతున్నారు.
View this post on Instagram
బాలాదిత్యతో ముందే అగ్రిమెంట్ అవడం వల్లే.. అతడు గేమ్‌లో రిలాక్స్ గా కనిపిస్తున్నాడని వస్తున్న వార్తలను తప్పుపట్టించేందుకే అలా చేశారని టాక్‌. అంతేకాకుండాకుండా.. రేవంత్‌, గీతూ రాయల్‌ వంటి వారు నాలుగు వారాలుగా నామినేషన్స్ లో ఉంటూ తమ గేమ్ ప్లేతో ప్రేక్షకులను ఆకట్టుకుంటున్నారు. గతంలోనూ కౌశల్, రాహుల్ సిగ్లిగంజ్, వీజే సన్నీలాంటి వారు కూడా నెగెటివిటీ నుంచే విన్నర్లు అయ్యారు. కాబట్టి బాలాదిత్యకు ఇప్పుడు కాకపోయినా ముందునాటికి రేవంత్‌- గీతూ లాంటి వారితో రిస్క్ ఉంటుందని గ్రహించినట్లు చెబుతున్నారు. అందుకే ఇప్పటి నుంచే రిలాక్స్ కాకుండా గేమ్ ఆడాలని హెచ్చరించినట్లు కథలు ప్రచారంలో ఉన్నాయి. కానీ, బాలాదిత్య మాత్రం ఎవరితో గొడవలు లేకుండా, అందరికీ ప్రవచనాలు చెబుతూ కాలం గడుపుతున్నాడు. ఇలాంటి అగ్రిమెంట్ వార్తలను కొందరు సెలబ్రీటీలు బాహాటంగానే చెప్పిన సందర్భాలు ఉన్నాయి. ఖండించిన వారు కూడా ఉన్నారు.
View this post on Instagram
అలాంటి అగ్రిమెంట్ ఉండటం వల్లే బాలాదిత్య అంత ప్రశాంతంగా ఉంటున్నాడన్నది కొందరి వాదన. అయితే అలాంటి అగ్రిమెంట్లు అనేవి ఉండవని. బిగ్ బాస్ ఏమీ స్క్రిప్టెడ్‌ కాదని వాదించే వాళ్లు కూడా లేకపోలేదు. బాలాదిత్య స్వభావమే అంతని.. అతను ఎప్పుడూ కామ్‌గానే ఉంటాడని. ఎక్కువగా కోపం తెచ్చుకోడని చెబుతున్నారు. హౌస్ నుంచి వచ్చిన సభ్యులు సైతం బాలాదిత్య బయట కూడా అలాగే ఉంటాడని చెప్పిన వారున్నారు. అయితే బాలాదిత్య మాస్క్ వేసుకుని ఆడుతున్నాడని, అతను శాంతమూర్తిలాగా నటిస్తున్నాడని ఆరోపించేవారు సైతం లేకపోలేదు. అసలు బాలాదిత్యకు అగ్రిమెంట్ అయ్యిందా? అతను అందుకే అంత ప్రశాంతంగా ఆడుతున్నాడా? ఇలాంటి ప్రశ్నలకు సమాధానం కావాలి అంటే ఇంకా కొన్ని రోజులు వెయిట్‌ చేయాల్సిందే.
View this post on Instagram
