ద్రవిడ్‌, రోహిత్‌ స్థానంలో వారిద్దరిని కోచ్‌, కెప్టెన్‌గా నియమించాలి: భజ్జీ

టీ20 వరల్డ్‌ కప్‌ 2022 సెమీస్‌లో ఓటమి తర్వాత టీమిండియాపై తీవ్ర విమర్శలు వస్తున్నాయి. కేఎల్‌ రాహుల్‌, రోహిత్‌ శర్మ, బౌలర్లపై క్రికెట్‌ అభిమానులు మండిపడుతున్నారు. చెత్త బ్యాటింగ్‌, బౌలింగ్‌తో కొంపముంచాని సోషల్‌ మీడియాలో ఆగ్రహం వ్యక్తం చేస్తున్నారు. ఈ క్రమంలోనే టీమిండియా మాజీ క్రికెటర్‌ హర్భజన్‌ సింగ్‌ సంచలన వ్యాఖ్యలు చేశాడు. జట్టులో భారీ మార్పులు చేయాల్సిన అవసరం ఉందని అభిప్రాయపడ్డాడు. దాని కోసం అవసరమైతే కోచ్‌, కెప్టెన్‌ను సైతం మార్చాలని సూచించాడు. ఆస్ట్రేలియా వేదికగా జరుగుతున్న టీ20 వరల్డ్‌ కప్‌లో టీమిండియా సెమీస్‌లో ఓడిన తర్వాత భజ్జీ ఈ వ్యాఖ్యలు చేయడం ప్రాధాన్యతను సంతరించుకుంది.

టీ20ల్లో రోహిత్‌ శర్మ స్థానంలో టీమిండియా ఆల్‌రౌండర్‌ హర్దిక్‌ పాండ్యాను కెప్టెన్‌ చేయాలని, అలాగే హెడ్‌ కోచ్‌ రాహుల్‌ ద్రవిడ్‌ స్థానంలో టీమిండియా మాజీ బౌలర్‌ ఆశిష్‌ నెహ్రాను కోచ్‌గా నియమించాలిన భజ్జీ సూచించాడు. కాగా.. వీరిద్దరి జోడి ఐపీఎల్‌ 2022లో కొత్త టీమ్‌ గుజరాత్‌ టైటాన్స్‌కు పనిచేసిన విషయం తెలిసిందే. హార్దిక్‌ పాండ్యా గుజరాత్‌ టైటాన్స్‌కు కెప్టెన్‌ కాగా.. నెహ్రా ఆ జట్టుకు హెడ్‌ కోచ్‌గా పనిచేశాడు. పైగా గుజరాత్‌ టైటాన్స్‌ తొలి సీజన్‌లోనే ఐపీఎల్‌ ఛాంపియన్‌గా అవతరించింది. దీంతో టీమిండియాకు కూడా టీ20ల్లో ఈ జోడిని కోచ్‌, కెప్టెన్‌గా నియమిస్తే మంచి ఫలితాలు ఉంటాయని భజ్జీ అభిప్రాయపడినట్లు తెలుస్తుంది.

కాగా.. వరల్డ్ కప్‌లో టీమిండియా వైఫల్యానికి ఫేలవ బౌలింగ్‌తో పాటు కెప్టెన్సీ కూడా కారణమంటూ విమర్శలు వినిపిస్తున్నాయి. కేఎల్‌ రాహుల్‌ దారుణంగా విఫలం అవుతున్నా.. కెప్టెన్‌ రోహిత్‌ శర్మ కావాలనే అతన్నే కొనసాగించి జట్టును ముంచాడని క్రికెట్‌ అభిమానులు అభిప్రాయపడుతున్నారు. జట్టులో ఇక ఓపెనర్లే లేనట్లు.. పదేపదే దారుణంగా విఫలం అవుతూ.. జట్టుపై ఒత్తిడి పెంచుతున్న ఆటగాడిని ఎందుకు అంతలా భారించారంటూ ఫ్యాన్స్‌ ప్రశ్నిస్తున్నారు. టీ20 లాంటి ఫాస్ట్‌ఫుడ్‌ గేమ్‌లో ఎక్స్‌ప్లోజివ్‌ స్టార్‌ ఇవ్వాలని నిదానంగా భయపడుతూ ఆడితే ఎలా అని అంటున్నారు. ఈ టోర్నీలో కేఎల్‌ రాహుల్‌ ఆట తీరు అసలు టీ20లకు సరిపోదని.. అతన్ని వెంటనే జట్టు నుంచి తొలగించాలనే డిమాండ్‌ కూడా వినిపించింది.

“It will also encourage the young guys with what Ashish will bring into the team. It could also be anyone, who just retired. For captaincy, Hardik Pandya is my choice,” @harbhajan_singh said. #TeamIndia #T20WorldCuphttps://t.co/LKgsfWt3cz

— Circle of Cricket (@circleofcricket) November 11, 2022