Arjun Tendulkar: సచిన్ కొడుకు సూపర్ బౌలింగ్! ఓకే ఒక్కడిగా రికార్డు నమోదు!

దేశవాళీ క్రికెట్ టోర్నీ సయ్యద్ ముస్తాక్ అలీ ట్రోఫీలో క్రికెట్ దేవుడు సచిన్ టెండూల్కర్ తనయుడు అర్జున్ టెండూల్కర్ అద్భుత ప్రదర్శన కనబరిచాడు. శుక్రవారం హైదరాబాద్‌తో జరిగిన ఎలైట్ గ్రూప్ బీ మ్యాచ్‌లో అర్జున్(4/10).. బంతితో సత్తా చాటాడు. అర్జున్ ధాటికి హైదరాబాద్ బ్యాటర్లు పూర్తిగా డిఫెన్స్‌కే పరిమితమవ్వాల్సి వచ్చింది. మొత్తం 4 ఓవర్లు వేసిన అర్జున్ టెండూల్కర్.. ఒక ఓవర్ మెయిడిన్ చేయడంతో పాటు మొత్తం17 డాట్ బాల్స్ వేసాడు. ఈ మ్యాచులో గోవా ఓటమి పాలైనప్పటికీ అర్జున్ ప్రదర్శనను మెచ్చుకోవాల్సిందే. గోవా బౌలర్లు కనీసం ఒక వికెట్ కూడా తీయలేక నానా తంటాలు పడుతుంటే.. తన బౌలింగ్ తో బ్యాటర్లకే ముచ్చెమటలు పట్టించాడు.. అర్జున్.

గత రెండేళ్లుగా అర్జున్ ముంబై ఇండియన్స్ (ఐపీఎల్) కు ఆడుతున్న సంగతి తెలిసిందే. ప్రతి ఏడాది అర్జున్ మాకేనంటూ అంబానీ జట్టు కొనుక్కోవడం.. బెంచ్ కు పరిమితం చేయడం పరిపాటిగా మారింది. ఈ సీజన్ లో ముంబై ఇండియన్స్14 మ్యాచుల్లో 4 విజయాలు, 10 అపజయాలతో పాయింట్ల పట్టికలో అట్టడుగున నిలిచిన సంగతి తెలిసిందే. ఇంత చెత్త ప్రదర్శన చేసినా.. అతనికి ఒక్క మ్యాచులో కూడా అవకాశం ఇవ్వలేదు. అదిగో అర్జున్.. ఇదిగో అర్జున్ అంటూ వార్తలు రావడం తప్ప అవకాశం ఇచ్చింది లేదు. పోనీ, ముంబై దేశవాళీ జట్టుకు ఆడదామంటే అక్కడా ఇలాంటి పరిస్థితే ఎదురైంది. దీంతో అర్జున్ ముంబైకి గుడ్ బై చెప్పేసి గోవా తరుపున ఆడుతున్నాడు.

Arjun Tendulkar moved his domestic base from Mumbai to Goa to get more game time.

He’s made his first big mark today: 4-1-10-4 against Hyderabad that includes getting Tilak Verma LBW! pic.twitter.com/7DMxEin5NY

— 12th Khiladi (@12th_khiladi) October 14, 2022

ఈ క్రమంలో హైదరాబాద్‌తో జరిగిన మ్యాచ్‌లో 4 ఓవర్లు వేసిన అర్జున్, ఓ మెయిడిన్‌ సహా 10 పరుగులిచ్చి 4 వికెట్లు పడగొట్టాడు. టీ20 క్రికెట్‌లో పూర్తి ఓవర్లు వేసి 3 కంటే తక్కువ ఎకానమీతో 3 కంటే ఎక్కువ వికెట్లు తీయడం ఇదే తొలిసారి. అర్జున్ ధాటికి హైదరాబాద్ జట్టు నిర్ణీత 20 ఓవర్లలో 6 వికెట్ల నష్టానికి 177 పరుగులు చేసింది. కెప్టెన్ తన్మయ్ అగర్వాల్ 41 బంతుల్లో 6 ఫోర్లు, ఓ సిక్సర్‌తో 55 పరుగులు చేయగా తిలక్ వర్మ 46 బంతుల్లో 6 ఫోర్లు, 2 సిక్సర్లతో 62 పరుగులు చేశాడు. అనంతరం 178 పరుగుల లక్ష్యంతో బరిలోకి దిగిన గోవా 18.5 ఓవర్లలో 140 పరుగుల వద్ద ఆలౌట్ అయ్యింది. ఫలితంగా హైదరాబాద్ జట్టు 37 పరుగుల తేడాతో విజయం సాధించింది. హైదరాబాద్ బౌలర్లలో తెలుకుపల్లి రవితేజ 4 వికెట్లతో రాణించాడు.

Arjun Tendulkar’s performance this season SMAT so far :-
vs Tripura : 0/20 (3)
vs Manipur : 2/20 (4)
vs Hyderabad : 4/10 (4)

Already picked 6 wickets at an economy of 4.56 in 3 matches 💙🥵✨️ @mipaltan pic.twitter.com/Ng9HkEadXd

— ႽẘΔS_ЯÍႽ🇮🇳 (@mrchampion036z) October 14, 2022

• ఇదీ చదవండి: సెంచరీతో చెలరేగిన పృథ్వీ షా.. ఇప్పటికైనా సెలక్టర్లు కనికరిస్తారా?
• ఇదీ చదవండి: ఆ పాక్‌ బౌలర్‌కు భయపడొద్దు! – గంభీర్‌