follow us:
ఆస్ట్రేలియా వేదికగా మరో రెండు రోజుల్లో టీ20 వరల్డ్‌ కప్‌ ప్రారంభం కానుంది. అలాగే ఈ నెల 23న టీమిండియా తమ తొలి మ్యాచ్‌ను పాకిస్థాన్‌తో ఆడనుంది. ఈ మ్యాచ్‌ కోసం యావత్‌ ప్రపంచం ఎదురుచూస్తోంది. గతేడాది జరిగిన టీ20 వరల్డ్‌ కప్‌ 2021లో పాక్ చేతిలో ఎదురైన ఓటమికి బదులు తీర్చుకోవాలిన టీమిండియా గట్టి పట్టుదలతో ఉంది. వరల్డ్‌ కప్స్‌లో తమపై టీమిండియా జైత్రయాత్రకు బ్రేక్స్‌ వేసిన పాక్. అదే టెంపోను కొనసాగించాలని చూస్తుంది. ఆసియా కప్‌ 2022లో తలపడ్డా భారత్‌-పాక్ తలో విజయంతో సమవుజ్జీలుగా నిలిచాయి. కానీ.. టీ20 వరల్డ్‌ కప్‌ వేదికపై అందులోనూ తొలి మ్యాచ్‌లో చిరకాల ప్రత్యర్థిపై విజయం సాధిస్తే.. వచ్చే ఆత్మవిశ్వాసం వేరే అందుకే రెండు జట్లు ఈ మ్యాచ్‌ కోసం పక్కా ప్రణాళికతో వస్తున్నాయి.
ఈ క్రమంలో టీమిండియాకు మాజీ క్రికెటర్‌ గౌతమ్‌ గంభీర్ కొన్ని సూచనలు చేశాడు. పాకిస్థాన్‌ స్టార్‌ బౌలర్‌ షాహీన్‌ షా అఫ్రిదీ బౌలింగ్‌లో అవుట్‌ అవ్వకుండా డిఫెన్సీవ్‌ మూడ్‌లో బ్యాటింగ్‌ చేయవద్దని అన్నాడు. అఫ్రిదీపై ఎదురుదాడికి దిగి పరుగులు రాబట్టాలని సూచించాడు. పవర్‌ప్లేలో అఫ్రిదీని ఎదుర్కొగల బ్యాటర్లు టాప్‌లో టీమిండియాకు ఉన్నారని గంభీర్ ధీమా వ్యక్తం చేశాడు. కాగా.. అఫ్రిదీ బౌలింగ్‌ను జాగ్రత్తగా ఆడితే అతను ఆత్మవిశ్వాసంతో మరింత ప్రమాదకారిగా మారొచ్చని అన్నాడు. అతను కొత్త బంతితో అద్భుతంగా బౌలింగ్‌ చేస్తాడని తనకు తెలుసని, అయినా కూడా ఎటాకింగ్‌ బ్యాటింగ్‌తోనే ఎదుర్కొవాలని గంభీర్ సూచించాడు.
కాగా.. టీ20 వరల్డ్‌ కప్‌ 2021 సందర్భంగా షాహీన్‌ అఫ్రిదీ టీమిండియా టాపార్డర్‌ను కుప్పకూల్చిన విషయం తెలిసిందే. ఓపెనర్లు కేఎల్‌ రాహుల్‌, రోహిత్‌ శర్మలను తక్కువ స్కోర్లకే షాహీన్‌ అఫ్రిదీ అవుట్‌ చేశాడు. విరాట్‌ కోహ్లీ ఒక్కడే అఫ్రిదీని సామర్థవంతంగా ఎదుర్కొని.. హాఫ్‌ సెంచరీ బాదాడు. కానీ.. మళ్లీ షాహీన్‌ అఫ్రిదీ బౌలింగ్‌లోనే కోహ్లీ కూడా అవుట్‌ అయ్యాడు. పైగా.. కేఎల్‌ రాహుల్‌, రోహిత్‌ శర్మ లెఫ్టార్మ్‌ పేస్‌ బౌలర్లకు ఇబ్బంది పడుతుంటారు. అందుకే షాహీన్‌ అఫ్రిదీ బౌలింగ్‌ టీమిండియాను ఆందోళన పరుస్తుంది. కాగా.. ఆసియా కప్‌ 2022లో మోకాలి గాయం కారణంగా అఫ్రిదీ ఆడలేదు. టీ20 వరల్డ్‌ కప్‌ 2021 తర్వాత మళ్లీ ఈ వరల్డ్‌ కప్‌తోనే టీమిండియాతో మ్యాచ్‌ ఆడుతున్నాడు. మరి అఫ్రిదీ టీమిండియా టాపార్డర్‌పై తన పైచేయి కొనసాగిస్తాడా? లేక భారత బ్యాటర్లు ఎదురుదాడికి దిగాతారా? అనేది ఈ నెల 23న తేలనుంది.
“When it comes to Shaheen Afridi, don’t look to survive. Look to score runs from him. Because the moment you look to survive, everything becomes really small,” said Gambhir.https://t.co/rP3v6wB7Qw
— Express Sports (@IExpressSports) October 13, 2022
