బౌన్సర్లు ఆడలేకపోతే ఆస్ట్రేలియా వెళ్లి ఏం పొడుస్తారు? పాక్‌ టీమ్‌ పరువు తీసిన అక్తర్‌

పాకిస్థాన్‌ టీమ్‌ను ఆ దేశ మాజీ క్రికెటర్లే ఏకిపారేస్తున్నారు. నిన్న వసీం అక్రమ్‌ పాక్‌ టీమ్‌పై విమర్శలు గుప్పిస్తే.. తాజాగా రావాల్పిండి ఎక్స్‌ప్రెస్‌ షోయబ్‌ అక్తర్‌ పరువు తీశాడు. యూఏఈ వేదికగా జరిగిన ఆసియా కప్‌ 2022లో ఫైనల్‌ చేసిన పాక్‌.. ఫైనల్లో శ్రీలంక చేతిలో దారుణంగా ఓడింది. తాజాగా ఇంగ్లండ్‌తో స్వదేశంలో 7 టీ20ల సిరీస్‌ను 3-4 తేడాతో కోల్పోయింది. ముఖ్యంగా సిరీస్‌ డిసైడింగ్‌ మ్యాచ్‌ అయిన చివరి టీ20లో దారుణ ఓటమిని చవిచూసింది. చెత్త ఫీల్డింగ్‌, ఫేలవ బ్యాటింగ్‌తో సిరీస్‌ చేజార్చుకుంది. ఈ ఓటమి తర్వాత పాకిస్థాన్‌ జట్టుపై విమర్శలు తీవ్రమయ్యాయి. త్వరలో ఆస్ట్రేలియా వేదికగా ప్రారంభం కానున్న టీ20 వరల్డ్‌ కప్‌లో పాకిస్థాన్‌ దారుణంగా విఫలం అవ్వడం ఖాయమని మాజీలు తేల్చేస్తున్నారు.

అక్తర్‌ మాట్లాడుతూ.. ‘పాకిస్థాన్ ఆటగాళ్లు బౌన్సర్లు ఆడేందుకు ఇబ్బంది పడుతున్నారు. బాబర్‌ అజమ్‌, మొహమ్మద్‌ రిజ్వాన్‌, ఇఫ్తికర్‌ అందరూ బౌన్సర్లకు భయపడుతున్నారు. టీ20 వరల్డ్‌ కప్‌లోనూ ఇదే పరిస్థితి కొనసాగితే పాకిస్థాన్‌ తొలి రౌండ్‌లోనే ఇంటికి వచ్చేస్తుందేమో అనే భయం కలుగుతోంది. ఆస్ట్రేలియాలో బౌలర్లు కచ్చితంగా బౌన్సర్లు సంధిస్తారు. అప్పుడు ఈ బ్యాటింగ్‌ లైనప్ ఏం చేస్తుంది. ఆస్ట్రేలియాలో అన్ని బౌన్సీ పిచ్‌లే. పైగా పాకిస్థాన్‌ మిడిల్డార్‌ అస్సలు బాగాలేదు. ఓపెనర్లు బాబర్‌, రిజ్వాన్‌ విఫలమైతే.. ఇక అంతే సంగతులు.’ అని అన్నాడు. అక్తర్‌ అన్నట్లు పాకిస్థాన్‌ జట్టు ఎక్కువగా వీరిద్దరిపైనే ఆధారపడుతోంది. ఆ విషయం పాకిస్థాన్‌ ఆడిన గత మ్యాచ్‌లను చూస్తే అర్థమవుతోంది.

కాగా.. ఇంగ్లండ్‌తో జరిగిన చివరి టీ20ల్లో పాక్‌ బౌలర్లు దారుణంగా విఫలం అయ్యారు. ఈ మ్యాచ్‌లో తొలుత బ్యాటింగ్‌ చేసిన ఇంగ్లండ్‌ నిర్ణీత 20 ఓవర్లలో 3 వికెట్లు మాత్రమే కోల్పోయి 209 పరుగుల భారీ స్కోర్‌ చేసింది. ఇంగ్లండ్‌ ఇంత స్కోర్‌ చేసేందుకు పాక్‌ బౌలర్లతో పాటు.. వారి చెత్త ఫీల్డింగ్‌ కూడా ఒక కారణం. ఇక లక్ష్యఛేదనలో అయితే మరింత ఘోరంగా ఉంది పాక్‌ పరిస్థితి. ఓపెనర్లు రిజ్వాన్‌(1), బాబర్‌(4) పరుగులు చేసి పెవిలియన్‌ చేరారు. మొత్తం 20 ఓవర్ల పాటు బ్యాటింగ్‌ చేసిన పాక్‌ 8 వికెట్లు కోల్పోయి 142 పరుగులు చేసి.. ఈ మ్యాచ్‌తో పాటు సిరీస్‌ను కూడా కోల్పోయింది. ఇలాంటి జట్టుతో ఆస్ట్రేలియాలో జరిగే వరల్డ్‌ కప్‌లో పాకిస్థాన్‌ ఎలాంటి ప్రదర్శన ఇస్తుందోనని పాక్‌ మాజీలతో పాటు పాక్‌ ఫ్యాన్స్‌ కూడా ఆందోళన వ్యక్తం చేస్తున్నారు.

Former Pakistan pacer Shoaib Akhtar has slammed head coach Saqlain Mushtaq and the team management after the Babar Azam-led side crumbled to a series defeat against England#T20WorldCup2022https://t.co/gtNguChciG

— CricketNDTV (@CricketNDTV) October 4, 2022

Shoaib Akhtar “The middle order of Pakistan will collapse incase Babar Azam and Mohammad Rizwan will fail to perform. This is not the way to prepare for T20 WorldCup.” #T20WorldCup

— Arfa Feroz Zake (@ArfaSays_) October 2, 2022

ఇది కూడా చదవండి: కోహ్లీ, రోహిత్‌, రాహుల్‌ కోసం ద్రవిడ్‌ మాస్టర్‌ ప్లాన్‌! షాహీన్‌ అఫ్రిదీకి ఇక చుక్కలే