వీడియో: అద్భుతమైన క్యాచ్‌! పాత రోజుల్ని గుర్తు చేసిన కైఫ్‌

టీమిండియా మాజీ క్రికెటర్‌ మొహమ్మద్‌ కైఫ్‌ అద్భుతమైన క్యాచ్‌ పట్టాడు. అంతర్జాతీయ క్రికెట్‌ నుంచి రిటైర్‌ అయి చాలా ఏళ్లు గడుస్తున్నా.. ఇప్పటి తరం యువ క్రికెటర్లకు కూడా సాధ్యం కానీ రీతిలో కళ్లు చెదిరే క్యాచ్‌ అందుకున్నాడు. ప్రస్తుతం కైఫ్‌ పట్టిన సూపర్‌ సింగిల్‌ హ్యాండెడ్‌ క్యాచ్‌ సోషల్‌ మీడియాలో వైరల్‌గా మారింది. ఇలాంటి ఫిట్‌నెస్‌ ఉంచుకుని అనవసరంగా రిటైర్మెంట్‌ ఇచ్చాడంటూ క్రికెట్‌ అభిమానులు పేర్కొంటున్నారు. బుల్లెట్‌లా దూసుకెళ్తున్న బంతిని అమాంతం గాల్లోకి ఎగిరిదూకి.. ఒక్కచేతితో అద్భుతమైన క్యాచ్‌ అందుకున్నాడు. ఆ క్యాచ్‌తో ఒక్కసారిగా కైఫ్‌ తన పాత రోజులను గుర్తు చేశాడు.

గంగూలీ కెప్టెన్‌గా ఉన్న టైమ్‌లో జట్టులోకి వచ్చిన కైఫ​.. యువీతో కలిసి ఇంగ్లండ్‌లో ఆడిన సంచలన ఇన్నింగ్స్‌ అందరికీ గుర్తే. అయితే.. కైఫ్‌ అంటే మాత్రం అందరికీ గుర్తుకు వచ్చేది ఫీల్డింగ్‌. అప్పటి జట్టులో కైఫ్‌ అద్భుతమైన ఫీల్డర్‌. ఎలాంటి క్యాచ్‌లనైనా డైవ్‌ చేస్తూ పట్టుకోవడంతో కైఫ్‌ తోపు. అలాగే సూపర్‌ ఫీల్డింగ్‌తో పరుగులు ఆపాలన్న, రనౌట్లు చేయాలన్న కైఫ్‌ తర్వాతే ఎవరైనా. తన స్నేహితుడు యువరాజ్‌ సింగ్‌ కూడా కైఫ్‌కు ఫీల్డింగ్‌లో గట్టి పోటీ ఇచ్చేవాడు. వీళ్లుద్దరూ జట్టులో ఉంటే.. ప్రత్యర్థికి 20, 30 పరుగులు తగ్గినట్లే. అలాంటి ఫీల్డింగ్‌తో టీమిండియా పెద్ద అసెట్‌గా ఉండేవాళ్లు.

అయితే ఆట నుంచి తప్పుకున్న తర్వాత కామెంటేటర్‌గా, కోచ్‌గా వ్యవహరిస్తున్న కైఫ్‌ తాజాగా.. లెజెండ్స్‌ లీగ్‌ క్రికెట్‌లో ఆడుతున్నాడు. శనివారం రాత్రి ఇండియా మహరాజాస్‌-ఆసియా లయన్స్‌ మధ్య జరిగిన మ్యాచ్‌లో కైఫ్‌ సంచలన క్యాచ్‌ అందుకున్నాడు. ఓజా వేసిన వేసిన ఇన్నింగ్స్‌ 9వ ఓవర్‌ ఐదో బంతిని శ్రీలంక మాజీ క్రికెటర్‌ తరంగా కట్‌ షాట్‌ ఆడాడు. ఆ బంతిని కైఫ్‌ తన కుడివైపుకు డైవ్‌ చేస్తూ.. సింగిల్‌ హ్యాండ్‌తో క్యాచ్‌ అందుకున్నాడు. ఈ మ్యాచ్‌లో కైఫ్‌ మొత్తం మూడు క్యాచ్‌లు అందుకున్నాడు. ఈ క్యాచ్‌తో కైఫ్‌లో ఇంకా వేడి తగ్గలేదని, వయసుతో కైఫ్‌ కు సంబంధం లేదంటూ నెటిజన్లు సరదాగా కామెంట్‌ చేస్తున్నారు. మరి ఈ క్యాచ్‌పై మీ అభిప్రాయాలను కామెంట్ల రూపంలో తెలియజేయండి.

Mohammad Kaif and one-handed stunners 🤝🤯

📹 courtesy @LLCT20 #LLCT20 #LLCMasters #CricketTwitter pic.twitter.com/3WWMZcWPOB

— ESPNcricinfo (@ESPNcricinfo) March 18, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.