ఆ సిక్స్‌లు కొట్టింది కోహ్లీ కాబట్టి బాధపడలేదు: పాక్‌ బౌలర్‌ రౌఫ్‌

ఇటివల ముగిసిన టీ20 వరల్డ్‌ కప్‌ 2022లో అన్ని మ్యాచ్‌లకు కన్నా.. చివరి ఫైనల్‌ కన్నా.. సూపర్‌ హిట్టై.. పైసావసూల్‌ మ్యాచ్‌గా నిలిచింది మాత్రం ఇండియా-పాకిస్థాన్‌. ఈ హైఓల్టేజ్‌ మ్యాచ్‌లో ఇరు జట్లు హోరాహోరీగా తలపడ్డాయి. చివరి బంతి వరకు ప్రాణం పెట్టి ఆడాయి. కానీ.. టీమిండియా మాజీ కెప్టెన్‌, రన్‌ మెషీన్‌, ఛేజ్‌ మాస్టర్‌ విరాట్‌ కోహ్లీ విశ్వరూపంలో టీమిండియా అద్భుత విజయాన్ని అందుకుంది. 8 బంతుల్లో 28 పరుగులు చేయాల్సిన దశలో టీమిండియా గెలుపుపై ఎవరీ నమ్మకం లేదు. అప్పటికే కొంత మంది పాక్‌ ఆటగాళ్ల కళ్లల్లో దాదాపు విజయం సాధించేసిన ఆనందం స్పష్టంగా కనిపిస్తోంది. కానీ.. టీమిండియా అభిమానుల్లో మనసుల్లో ఎక్కడో చిన్న ఆశ, అలాగే మరికొంత మంది పాక్‌ సీనియర్‌ ఆటగాళ్ల కళ్లల్లో భయం కనిపిస్తోంది.. అది ఎందుకుంటే స్ట్రైక్‌లో కోహ్లీ ఉన్నాడని.

ఆ భయమే ఉగ్రరూపం దాల్చి.. పాక్‌ గెలుపు ఆశలపై నీళ్లు చల్లి.. భారత అభిమానుల్లో అభిమానుల్లో కొన ఊపిరితో ఉన్న ఆశలకు జీవం పోసింది. పాక్‌ పేసర్‌ హరీస్‌ రౌఫ్‌ వేసి ఇన్నింగ్స్‌ 19వ ఓవర్‌ చివరి రెండు బంతులను రెండు సిక్స్‌లు బాది.. విజయాన్ని టీమిండియా చేతుల్లో పెట్టాడు. ఆ రెండు సిక్స్‌లే మ్యాచ్‌కు టర్నింగ్‌ పాయింట్‌. అప్పటి వరకు నాలుగు బంతులేసి కేవలం 3 పరుగులే ఇచ్చిన రౌఫ్‌.. చివరి రెండు కూడా మంచి బంతులే. నిజానికి అవి సిక్స్‌ వెళ్లాల్సిన బంతులు కాదు. కానీ.. కోహ్లీ కాబట్టి అవి సిక్సులుగా మలిచాడు. ముఖ్యంగా ఐదో బంతికి స్ట్రేయిట్‌గా కొట్టిన సిక్స్‌ అయితే విమర్శకుల ప్రశంసలు సైతం అందుకుంది. ఆ సిక్స్‌ను చూసి ఆశ్చర్యపోని క్రికెటర్‌ లేడు.

అందుకే రెండు సిక్స్‌లు సమర్పించుకుని.. పాక్‌ ఓటమి కారణమైన హరీస్‌ రౌఫ్‌ సైతం.. ఆ రెండు సిక్స్‌ల విషయంలో పెద్దగా ఫీల్‌ కావడం లేదు. ఎందుకంటే ఆ సిక్సులు కొట్టింది కోహ్లీ కావడమే కారణం. రౌఫ్‌ మాట్లాడుతూ.. ‘ఆ సిక్స్‌లను కోహ్లీ తప్ప ప్రపంచంలో మరే బ్యాటర్‌ కూడా కొట్టలేడు. అది ప్యూర్‌ క్లాస్‌.. అందుకే నేను పెద్దగా బాధపడలేదు. కోహ్లీ కాకుండా ఆ షాట్‌ను ఇంకెవరైన ఆడి ఉంటే కచ్చితంగా బాధపడేవాడినని, హార్దిక్‌ పాండ్యా, దినేష్‌ కార్తీక్‌ కొట్టినా.. పగాతో రగిలిపోయేవాడిని.. అలాంటి సిక్సులు కొట్టే సత్తా ఒక్క కోహ్లీకే ఉంది. అలాంటి ఆటగాడు కొట్టినందుకు బాధగా అనిపించలేదు. ఎందుకంటే కోహ్లీ అలాంటి అద్భుతమైన షాట్లు ఆడగలడని మాకు తెలుసు. నా ఓవర్‌లో స్లోవర్‌ డెలవరీస్‌కి విరాట్ తడబడ్డాడు. దాంతో బ్యాక్ ఆఫ్ లెంగ్త్ జోన్ వైపు ఆడేలా స్లోవర్‌ బాల్ వేయాలనేది నా ప్లాన్. స్క్వేర్ సైడ్‌ బౌండరీ కూడా చాలా పెద్దగా ఉంది. కానీ విరాట్ ఆఫ్ ది లెంగ్త్ వచ్చి హిట్ చేస్తాడని అస్సలు ఊహించలేదు. అతను కొట్టిన విధానం క్లాస్. ఆ టైమ్‌లో నా ప్లాన్‌ కరెక్టే కానీ.. కోహ్లీ తన క్లాస్‌తో నా ప్లాన్‌ తలకిందులు చేశాడు.’ అని రౌఫ్ చెప్పుకొచ్చాడు.

Haris Rauf on Virat Kohli’s sixes against him is the best thing you’ll hear on internet today pic.twitter.com/67IlV5tuCo

— retired ICT fan (@anubhav__tweets) November 30, 2022

Virat Kohli’s Sixes was world class and Only Virat Kohli in the world can hit those Sixes

– Haris Rauf pic.twitter.com/jB7dvsM3gv

— Moh (@kohlicrew) November 30, 2022

That magical six of Virat Kohli against Haris Rauf.pic.twitter.com/MCXl2B808n

— Cricket With ABDULLAH (@AbdullahBDFan) November 30, 2022