సౌతాఫ్రికాతో టీ20 సిరీస్‌కు స్టార్‌ ప్లేయర్‌ దూరం! ఆర్సీబీ ప్లేయర్‌కు పిలుపు

రాబోయే టీ20 వరల్డ్‌ కప్‌కు ముందు భారత్‌-సౌతాఫ్రికా మధ్య మూడు టీ20ల సిరీస్‌ జరగనుంది. ఇప్పటికే ఆస్ట్రేలియాతో ముగిసిన మూడు టీ20ల సిరీస్‌ను 2-1తో గెలిచిన టీమిండియా.. ఇక సౌతాఫ్రికాతో సమరానికి సిద్ధమవుతోంది. బుధవారం తిరువనంతపురంలోని గ్రీన్‌ఫీల్డ్‌ ఇంటర్నేషనల్‌ స్టేడియంలో భారత్‌-సౌతాఫ్రికా మధ్య తొలి మ్యాచ్‌ జరగనుంది. కాగా ఈ సిరీస్‌ కోసం టీమిండియాలో టీమ్‌ మేనేజ్‌మెంట్‌ కీలక మార్పు చేసినట్లు సమాచారం. వర్క్‌లోడ్‌ మేనేజ్‌మెంట్‌ కింద స్టార్‌ ఆల్‌రౌండర్‌ హార్దిక్‌ పాండ్యాకు విశ్రాంతి ఇవ్వనున్నారు. అతని స్థానంలో ఆర్సీబీ ఆటగాడు షాబాజ్‌ అహ్మద్‌ను జట్టులోకి తీసుకోనున్నట్లు తెలుస్తుంది.

టీ20 వరల్డ్‌ కప్‌ను దృష్టిలో పెట్టుకునే షాబాజ్‌కు అవకాశం ఇవ్వనున్నారు. ఇటీవల జింబాబ్వేతో జరిగిన మూడు వన్డేల సిరీస్‌కు కూడా షాబాజ్ ఎంపికయ్యాడు. 27 ఏళ్ల షాబాజ్ బెంగాల్ తరపున దేశవాళీ మ్యాచ్‌ల్లో మంచి ప్రదర్శన కనబర్చాడు. లిస్ట్-ఏ క్రికెట్‌లో ఇప్పటికే రెండు సెంచరీలు, రెండు హాఫ్ సెంచరీలతో సహా 47.3 సగటుతో అదరగొట్టాడు. స్పిన్‌ ఆల్‌రౌండర్‌ అయిన షాబాజ్‌ తన బ్యాటింగ్, బౌలింగ్‌తో మ్యాచ్‌ను టర్న్‌ చేసే సామర్థ్యం ఉన్న ఆటగాడు. ఐపీఎల్ 2022లో ఆర్సీబీ తరఫున 11ఇన్నింగ్స్‌లలో 27.38 సగటుతో 219 పరుగులతో పాటు 4 వికెట్లు కూడా పడగొట్టి ఆకట్టుకున్నాడు. టీమ్‌కు అవసరమైనప్పుడు మిడిల్ ఆర్డర్‌లో కీలకమైన పరుగులు చేయగలడు.

షాబాజ్‌తో పాటు టీమిండియా మరో యంగ్‌ ప్లేయర్‌ శ్రేయస్‌ అయ్యర్‌కు కూడా సౌతాఫ్రికాతో టీ20 సిరీస్‌కు జట్టులో చోటు లభించే అవకాశం ఉంది. వెన్నునొప్పితో దీపక్‌ హుడా ఈ సిరీస్ దూరం కాగా అతని స్థానంలో అయ్యర్‌కు అవకాశం కల్పించాలని టీమ్‌ మేనేజ్‌మెంట్‌ భావిస్తున్నట్లు తెలుస్తుంది. వన్డే, టెస్ట్‌ ఫార్మాట్‌లో టీమిండియాకు రెగ్యులర్‌ ప్లేయర్‌గా ఉన్న శ్రేయస్‌ అయ్యర్‌.. టీ20ల్లో మాత్రం స్థానం దక్కడం లేదు. ఇక ఆస్ట్రేలియాతో టీ20 సిరీస్‌కు ఎంపికై కరోనాతో దూరమైన మొహమ్మద్‌ షమీ సౌతాఫ్రికాతో సిరీస్‌కు కూడా అందుబాటులో ఉండేలా లేడు. అతని స్థానంలో జట్టులోకి వచ్చిన ఉమేష్‌ యాదవ్‌ కొనసాగే అవకాశం ఉంది.

Giving hardik Pandya rest so that he might not get injured ahead of T20 World Cup and Shahbaz Ahmed will replace him for no reason.

Bhai itni Najuk Kali ko fir khilaao hi nahi. Gazab haal hai yaar. IPL time me kisi ko darr ni hota injury ka.#HardikPandya #INDvsSA pic.twitter.com/Dqud0hszYx

— Avinash Aryan (@AvinashArya09) September 26, 2022

Shahbaz Ahmed replaces Hardik Pandya (rest), Shreyas Iyer replaces Deepak Hooda & Umesh Yadav continues to be with the team for the T20 series against South Africa. (Source – PTI)

— Johns. (@CricCrazyJohns) September 26, 2022

ఇది కూడా చదవండి: ఇతర బ్యాటర్లతో పోలిస్తే దినేష్ కార్తీక్ హెల్మెట్ ఎందుకు భిన్నంగా ఉంటుంది?