అంపైర్‌పై నోరు పారేసుకున్న దీపక్ హుడా! మండిపడుతున్న క్రికెట్‌ ఫ్యాన్స్‌

కష్టాల్లో ఉన్న టీమిండియాను మంచి బ్యాటింగ్‌తో ఆదుకున్న దీపక్‌ హుడాపై భారత క్రికెట్‌ అభిమానులు ఆగ్రహం వ్యక్తం చేస్తున్నారు. ముంబైలోని వాంఖడే క్రికెట్‌ స్టేడియం వేదికగా మంగళవారం భారత్‌-శ్రీలంక మధ్య జరిగిన తొలి టీ20 మ్యాచ్‌లో దీపక్‌ హుడా మంచి ప్రదర్శన కనబర్చాడు. 94 పరుగులకే 5 వికెట్లు కోల్పోయి కష్టాల్లో ఉన్న జట్టును ఆదుకుని.. 41 పరుగులతో మంచి ఇన్నింగ్స్‌ ఆడి శ్రీలంక ముందు 163 పరుగుల టార్గెట్‌ ఉంచడంలో కీలక పాత్ర పోషించాడు. అయితే.. అతను చేసిన ఒక పనిమాత్రం క్రికెట్‌ అభిమానులకు తీవ్ర కోపం తెప్పించింది. బ్యాటింగ్‌ చేస్తున్న సమయంలో అంపైర్‌పై అసభ్య పదజాలంతో నోరుపారేసుకున్నాడు. దీంతో బాగా ఆడటంతో పాటు ఎలా ప్రవర్తించాలో కూడా తెలుసుకోవాలని క్రికెట్‌ ఫ్యాన్స్‌ దీపక్‌ హుడా మండిపడుతున్నారు.

సూర్యకుమార్‌ యాదవ్‌, సంజు శాంసన్‌, హార్దిక్‌ పాండ్యా పెద్దగా రాణించకపోయినా.. ఆల్‌రౌండర్‌ అక్షర్‌ పటేల్‌తో కలిసి 6వ వికెట్‌కు 67 పరుగులు జోడించాడు దీపక్‌ హుడా. పిచ్‌ బ్యాటింగ్‌కు అనుకూలంగా ఉన్నా, చిన్న మైదానమైనా భారత ఆటగాళ్లు భారీ స్కోర్‌ చేయలేక విఫలం అయ్యారు. టాపర్డర్‌లో ఇషాన్‌ కిషన్‌ (37) మినహా అందరూ విఫలం అయ్యారు. మిడిల్డార్‌లోనూ అంతే. కానీ.. దీపక్‌ హుడా 23 బంతుల్లో ఒక ఫోర్‌, 4 సిక్సులతో బాధ్యతాయుతమైన ఇన్నింగ్స్‌ ఆడాడు. కానీ.. ఇన్నింగ్స్‌ 18వ ఓవర్‌ ఐదో బంతిని అంపైర్‌ వైడ్‌ ఇవ్వలేని పచ్చిబూతులు తిట్టాడు. నిజానికి ఆ బాల్‌ ఆఫ్‌సైడ్‌ వెళ్తుండగా.. దీపక్‌ సైతం దాన్ని వెంటాడి.. కాస్త ఆఫ్‌సైడ్‌కు వచ్చి ఆడాడు. దాంతో అంపైర్‌ దాన్ని వైడ్‌గా ప్రకటించలేదు.

దీంతో.. ఫీల్డ్‌ అంపైర్‌ అనంత పద్మనాభన్‌ను బూతులు తిట్టాడు. తర్వాత బంతికి సింగిల్‌ తీసి.. అంపైర్‌ వద్దకు వచ్చి వాగ్వాదానికి దిగాడు. ఇలా అంపైర్‌ నిర్ణయంతో అసహనానికి గురైన దీపక్‌ హుడా కాస్త హద్దు మీరి ప్రవర్తించాడు. దీంతో మంచి ఇన్నింగ్స్‌ ఆడినా.. సొంత దేశపు క్రికెట్‌ అభిమానులతో తిట్లు తిన్నాడు. అయితే.. ఈ మ్యాచ్‌లో తొలుత బ్యాటింగ్‌ చేసిన భారత్‌ 20 ఓ‍వర్లలో 5 వికెట్ల నష్టానికి 162 పరుగులు చేసింది. అనంతరం శ్రీలంక సైతం చివరి బాల్‌ వరకు పోరాడి 2 పరుగుల తేడాతో ఈ మ్యాచ్‌ ఓడింది. భారత బౌలర్లలో డెబ్యూ బౌలర్‌ శివమ్‌ మావీ 4, ఉమ్రాన్‌ మాలిక్‌ 2, హర్షల్‌ పటేల్‌ 2 వికెట్లు పడగొట్టారు. మరి ఈ మ్యాచ్‌లో దీపక్‌ హుడా ఇన్నింగ్స్‌.. అంపైర్‌పై నోరుపారేసుకోవడంపై మీ అభిప్రాయాలను కామెంట్ల రూపంలో తెలియజేయండి.

Deepak Hooda Abuses Umpire “Behen Ke L***” After Umpire Denies Wide In 1st T20I At Wankhede
Check on>>> https://t.co/bhBl5nlxgW pic.twitter.com/Tutge89X64

— Sport News Central (@Central2News) January 3, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.